Við gefum líf

Þessa dagana efnir Embætti landlæknis til funda með starfsfólki í heilbrigðisþjónustu um allt land í tilefni af breyttum lögum um líffæragjafir, sem taka gildi núna um áramótin.
Landsmenn verða sjálfkrafa gefendur líffæra með nýju ári en samkvæmt þeim lögum sem falla úr gildi á gamlársdag þarf að taka upplýsta ákvörðun um að gefa líffæri.

Við getum bjargað lífi annarra með því að gefa þeim líffæri, Í öðrum tilvikum getum við lengt ævi fólks og bætt heilsu þess og líðan með líffæragjöf. Sjá nánar hér í frétt af vef Embættis landlæknis

 

 

 

Við verðum öll sjálfkrafa líffæragjafar frá og með nýársdegi 2019 í samræmi við ný lög sem taka þá gildi.

Þeir sem kunna að vera andvígir því að gefa líffæri skrái það á www.heilsuvera.is /Mínar síður. Þeir sem ekki nota tölvur og stunda tölvusamskipti geta leitað aðstoðar heimilislækna sinna við að skrá afstöðu sína.

Nánari upplýsingar um líffæragjafir má nálgast á vefsíðu Embættis landlæknis (slóð https://www.landlaeknir.is/lif ) eða með því að skrá sig inn á „Mínar síður“ Heilsuveru (slóð https://www.heilsuvera.is/ ).