Við HSU á Selfossi, eru starfandi 3 sjúkraþjálfarar. Sinna þeir öldrunardeildunum Fossheimum og Ljósheimum í 40% stöðu á hvorri deild, og lyflæknissviði í 100% stöðu auk hreyfistjóra í 25% stöðu. Á öldrunardeildinni metur og þjálfar/meðhöndlar sjúkraþjálfari ýmsa þætti eftir því sem ástæða er til, hvort heldur sem er í einstaklings- eða hópmeðferð.
- Meta, viðhalda og bæta líkamlega og andlega færni skjólstæðinga.
- Meta þörfina á hjálpartækjum.
- Koma í veg fyrir einangrun með því að auka félagsleg samskipti innan deildar sem utan.
- Auka virkni einstaklinganna og hjálpa þeim að finna og nýta sér þá dægradvöl sem þeir hafa gagn og ánægju af.
- Gera einstaklingana hæfa til að dvelja utan sjúkrahúss og endurhæfa þá sem koma til tímabundinnar dvalar þannig að þeir komist í sitt fyrra umhverfi, hugsanlega að undangenginni heimilisathugun.
Á báðum sviðum metur sjúkraþjálfarinn í samvinnu við annað fagfólk á deildinni þörfina á hjálpartækjum eða annarri hjálp eftir útskrift af deildinni. Auk þess er metið hvort þörf er á áframhaldandi meðferð eftir útskrift af deildinni.
Möguleiki er á að sinna sængurkonum á deildinni ásamt starfsfólki sængurkvennagangs, meðferð og fræðslu.
Auk þessa tekur sjúkraþjálfari þátt í fræðslu og verklegri þjálfun starfsfólks stofnunarinnar.
Hreyfistjóri
Við Heilbrigðisstofnun Suðurlands starfar nú sjúkraþjálfari í 25% stöðu sem hreyfistjóri við móttöku vegna hreyfiseðla. Hreyfiseðlar eru gefnir út af heilsugæslulæknum sem hafa metið að hreyfing eigi við sem meðferðarúrræði. Sjá nánar hér
Hjálpartækjaráðgjöf
Sjúkraþjálfari Heilbrigðisstofnunar Suðurlands á Selfossi sjá um móttöku og ráðgjöf varðandi val og umsóknir á hjálpartækjum. Móttakan er opin annan hvern föstudag kl. 8.00-10.00 og er í húsnæði endurhæfingar í kjallara nýbyggingarinnar við Árveg. Sjá nánar hér
Á endurhæfingu starfa:
Gunnhildur Vilhjálmsdóttir er yfirsjúkraþjálfari á endurhæfingadeild
Inga Sjöfn Sverrisdóttir sjúkraþjálfari
Alma A. Oddsdóttir sjúkraþjálfari og hreyfistjóri HSU