Sunnlendingar duglegastir að nota heilsuveru.is

heilsuveraSunnlendingar eru duglegastir allra landsmanna við að nýta sér vefinn heilsuvera.is ef marka má nýjustu tölur um notkun á vefnum og eru þetta mjög ánægjulegar fréttir. Um 43% allra notenda vefsins á landsvísu koma í gegnum vefsíðu HSU www.hsu.is eða um 43% allra notenda á meðan einungis 15% notenda koma í gegnum heilsugæslan.is og 10% í gegnum hsn.is.  Á vefnum er m.a. hægt að endurnýja lyf og þar er suðurland hæst með um 445 lyfjaendurnýjunarbeiðnir á mánuði og næst á eftir koma íbúar höfuðborgarsvæðisins með 400 beiðnir, íbúar norðurlands með 112 beiðnir, suðurnes 24, vesturland 16 og engar af austurlandi.

HSU hefur síðan um síðastliðin áramót beint skjólstæðingum sínum á að nota vefinn við endurnýjun lyfseðla og það er greinilega að virka vel.  Núna eru um 23.000 virkir notendur um allt land og stöðugt bætast nýjir við.

Heilsuvera.is er öruggt vefsvæði þar sem almenningur getur átt í samskiptum við heilbrigðisþjónustuna, pantað tíma hjá lækni, endurnýjað lyfseðla og nálgast gögn úr eigin sjúkraskrá.  Nánar er hægt að kynna sér upplýsingar um vefinn hér á vefsíðu HSU.

 

tölulegar uppl. Lyfjaendurnyjanir