Stuðningsyfirlýsing við kjarabaráttu hjúkrunarfræðinga

 Fjóla IngimundardóttirHjúkrunar- og ljósmæðraráð  Heilbrigðisstofnunar Suðurlands lýsir yfir stuðningi við kjarabaráttu hjúkrunarfræðinga á Landspítalanum. Hjúkrunarfræðingar og ljósmæður á landsbyggðinni fylgjast náið með stöðunni þar.  Nú er ljóst er að sú barátta sem hjúkrunarfræðingar Landspítalans eiga í þessa stundina mun hafa áhrif á alla starfandi hjúkrunarfræðinga landsins. Samstaða er nauðsynleg og greinilegt að hún hefur náðst meðal þeirra sem starfa á Landspítalanum. Jafna þarf launamun kynjanna og mikilvægt er að hjúkrunarfræðingum séu greidd laun miðað við þá menntun og ábyrgð sem þeir bera.

 

Hjúkrunar- og ljósmæðraráð HSu skorar á stjórnvöld og stjórnendur heilbrigðisstofnana að rétta hlut hjúkrunarfræðinga sem allra fyrst svo hægt sé að halda uppi þeirri góðu heilbrigðisþjónustu sem við viljum vera þekkt fyrir að veita. 

 

Fyrir hönd Hjúkrunarráðs Hsu

Fjóla Ingimundardóttir, formaður