Starfsmenn Íslenska gámafélagsins á Selfossi komu færandi hendi

Tveir starfsmenn íslenska gámafélagsins á Selfossi – þeir Guðmundur Egill Sigurðsson og Eiríkur Jónsson komu færandi hendi og afhentu Heilbrigðisstofnun Suðurlands peningagjöf að upphæð kr. 100 þúsund.

Peningar þessir eru afrakstur af sölu á flöskum sem þeir hafa hirt við flokkun úrgangs hjá gámafélaginu.  Fram kom hjá þeim  að mikið af gleri er m.a. skilið eftir við móttökustöðvar sorps við sumarbústaði.

Fjöldi starfsmanna við starfsstöð félagsins á Selfossi eru 13 talsins – sem allir voru sammála um að láta HSu njóta ágóðans og gefa stofnuninni til tækjakaupa.

Heilbrigðisstofnun Suðurlands er afar þakklát fyrir gjöfina og ómetanlegur er sá hlýhugur sem gjöfinni fylgir.