Staður fasteignasala styður við Heilbrigðisstofnun Suðurlands

Undirritun samnings

Esther Óskarsdóttir skrifstofustjóri HSu og Grímur Sigurðsson hjá Staður fasteignasala, undirrita samninginn.

Staður fasteignasala á Selfossi hefur af eigin frumkvæði gert styrktarsamning við Heilbrigðisstofnun Suðurlands og hefur ákveðið að við hvern þinglýstan samning hjá Stað fasteignasölu, skuli 20.000 kr. renna til HSu.  Með þessu vilja þeir hjá Stað láta gott af sér leiða og styðja með þessu myndarlega framtaki sínu við bakið á heilbrigðisþjónustunni í sínu héraði.  Stjórn HSu þakkar eigendum hjá Stað fasteignasölu fyrir góðan hug til stofnunarinnar og er afar ánægð með að fá svona fjárhagslegan stuðning.  Upphæðin mun fara í gjafasjóð HSu, sem notaður er til tækjakaupa.