Sjúkraflutningamenn á Selfossi færðu 4. mánaða snáða fjárstyrk

Sjúkraflutningamenn á Selfossi hafa á undanförnum árum styrkt fjölskyldur með fjárstyrk um jólahátíðina. Þann 28. desember fór stjórn Félags sjúkraflutningamanna í Árnessýslu og afhenti styrkinn sem er hluti af söluágóða dagatals þeirra og er gefið út af þeim sjálfum.

Styrkveitingin í ár fór fram á Barnaspítala Hringsins og var það lítill drengur, Heiðar Már, sem fékk styrkinn. Sjúkraflutningamenn fóru og hittu Heiðar litla og móður hans á barnaspítalanum en þar hefur hann dvalið um jólin.



Saga Heiðars er mikið kraftaverk en hann fæddist 25.ágúst s.l. á sjúkrahúsinu á Selfossi eftir aðeins 26 vikna meðgöngu. Hann var aðeins um 3 merkur eða 780 grömm.


Heiðar var fluttur með sjúkrabifreið til Reykjavíkur þar sem hann barðist hetjulega fyrir lífi sínu næstu mánuði. Hann útskrifast síðan heim 30.nóvember s.l. einum degi fyrr en áætlaður fæðingardagur hans var en móðir hans var sett 1.desember.


Heiðar litli stoppaði stutt heima og var lagður inn á barnaspítalann nú í desember vegna veikinda.


Saga Heiðars snart sjúkraflutningamenn mjög, enda algjört kraftaverk að ekki skildi hafa farið verr þegar sjúkraflutningamenn fluttu hann með hraði til Reykjavíkur þann 25.ágúst enda vó hann þá aðeins 3 merkur.


Sjúkraflutningamenn í Árnessýslu óska Heiðari Má og fjölskyldu hans alls góðs á nýju ári og vona að styrkurinn komi þeim til góðs.