Samningur um iðjuþjálfun

Þann 27. september sl. var undirritaður samningur um samstarfsverkefni um starf iðjuþjálfa á Suðurlandi.  Samninginn undirrituðu Magnús Skúlason framkvæmdastjóri Heilbrigðisstofnunar Suðurlands, Þorvarður Hjaltason framkvæmdastjóri Samtaka sunnlenskra sveitarfélaga og Laufey Jónsdóttir framkvæmdastjóri Svæðisskrifstofu um málefni fatlaðra á Suðurlandi.

Samningurinn felur í sér samstarf þriggja stofnana um starf iðjuþjálfa á Suðurlandi. Heilbrigðisstofnun Suðurlands greiðir fyrir 60%, Svæðisskrifstofa um málefni fatlaðra á Suðurlandi fyrir 20% og Skólaskrifstofa Suðurlands fyrir 20%.  Mun iðjuþjálfi sjá um greiningu, ráðgjöf og meðferð barna á aldrinum eins til átján ára á Suðurlandi.


Tilvísanir til iðjuþjálfa fara í gegnum heilsugælsulækna og barnalækni á stöðvum Heilbrigðisstofnunar Suðurlands auk sérfræðinga Greiningar- og Ráðgjafastöð Ríkisins.