Nýr yfirlæknir heilsugæslunnar í Vestmannaeyjum

Gunnar GeirssonGunnar Þór Geirsson tók við stöðu yfirlæknis á heilsugæslunni í Vestmannaeyjum 9. maí s.l. Hann hefur stundað sérnám í heimilislækningum við heilsugæsluna í Efstaleiti í Reykjavík og er að útskrifast sem sérfræðingur um þessar mundir.

Einnig hóf Christina Andersson læknir störf í Eyjum 1. febrúar s.l. Hún kemur frá Landspítala þar sem hún hefur starfað á taugalækninga- og skurðdeildum síðustu ár eftir að hún kláraði kandídatsnám. Christina stefnir á sérnám í heimilislækningum samhliða störfum í Vestmannaeyjum.

HSU óskar þeim báðum velfarnaðar í starfi og það er gleðiefni að geta tilkynnt fjölgun fastra lækna í Eyjum.