Nýr hjartalæknir til starfa við HSu – Tímapantanir í síma 480-5100

Þann 13. febrúar n.k. hefur Hilma Hólm hjarta- og lyflæknir störf hjá Heilbrigðisstofnun Suðurlands.

Hilma útskrifaðist sem lyflæknir frá Baylor College of Medicine í Houston Texas 2005 og lauk prófi í hjartalækningum frá Emory University Hospital í Atlanta, Georgia 2008. Að útskrift lokinni starfaði Hilma við Landsspítalann og síðan við rannsóknir hjá DeCode,  þar sem hún hefur síðustu tvö árin starfað sem stjórnandi rannsókna í erfðafræði.

Hilma verður fyrst um sinn við á mánudögum og þriðjudögum og tekur á móti sjúklingum í hjartaómanir og áreynslupróf.  Tímapantanir eru í móttöku HSu, eða í síma 480-5100.