Nýr augnlæknir til starfa á HSu

Sigríður MásdottirÞann 1. mars n.k. mun Sigríður Másdóttir augnlæknir hefja störf hjá HSu.

 

Sigríður lauk embættisprófi í læknisfræði frá Háskóla Íslands 1996 og fór eftir það í sérnám í augnlækningum á augndeild Landspítala 1988 og árið eftir lá leiðin til Svíþjóðar, fyrst á Universitetssjukhuset í Örebro og síðan á S:T Eriks Ögonsjukhus í Stokkhólmi 1999-2006 og eftir það á Fellowship í oculoplastik við S:T Eriks Ögonsjukhus 2006-2007.

 

Hún hefur síðan 2007 verið starfandi augnlæknir hjá Augnlæknum Reykjavíkur og Augnlæknastofunni í Reykjanesbæ. Áhugasvið hennar innan augnlækninga snýr sérstaklega að barnaaugnlækningum og skurðaðgerðum á augnlokum og augnumgjörð.

 

Sigríður verður með móttöku á HSu á föstudögum og eru tímapantanir í síma 480-5100.