Nýr aðstoðardeildarstjóri á Lyflækningadeild Selfossi

Guðríður Ester Geirsdóttur hefur verið ráðin sem aðstoðardeildarstjóri á Lyflækningadeildnni á Selfossi.

Guðríður er vel að þessu starfi komin, hún er búin að vinna á deildinni síðan júní 2018 en hafði verið þar áður á Fossheimum og Ljósheimum en einnig starfað á Kumbaravogi til margra ára.

Guðríður kláraði B.S. í hjúkrunarfræði vorið 2018 og meistaranám í hjúkrunarstjórnun með áherslu á forystu og frumkvöðlastarf, en þar áður hafði hún einnig lokið við B.A. próf í mannfræði og meistaragráðu í umhverfis- og auðlindafræði.

Guðríður tekur við starfinu af Sigrúnu Ínu Ásbergsdóttur þann 2. janúar 2023.

Um leið og við þökkum Sigrúnu Ínu fyrir vel unnin störf, bjóðum við Guðríði Ester hjartanlega velkomna í nýja starfið.