Læknamönnun á HSu

Hsu fer ekki varhluta af læknaskorti. Á undanförnum árum hefur tekist nokkuð vel að halda í lækna við stofnunina. Núna er þó staðan heldur að versna og blikur á lofti. Illa gengur að manna lausar stöður og eins og staðan er í dag eru 4,5 stöðugildi lækna ekki setin.

Læknar eru ýmist í leyfum eða hættir störfum.  Þetta er 10-20% færri læknar en fyrir einu ári og bitnar það auðvitað á þjónustu lækna sem er þá að sama skapi minni.  Þeir sem eftir eru leggja meira á sig og reyna að mæta þörfinni eftir bestu getu.  Til langs tíma gengur þetta  auðvitað ekki og því nauðsynlegt að vinna að því að fá lækna til baka eða fylla skarð þeirra sem hætta.

 

Óskar Reykdalsson

Framkvæmdastjóri Lækninga HSu