Kveðjukaffi fyrir Esther Óskarsdóttur

Eshter Oskarsdottir

Esther Óskarsdóttir

Esther Óskarsdóttir ásamt forstjóra HSU, Herdísi Gunnarsdóttur

Esther Óskarsdóttir ásamt forstjóra HSU, Herdísi Gunnarsdóttur

 

 

 

 

 

 

 

 

 

 

Esther Óskardóttir framkvæmdastjóri fjármála lét af störfum 30. nóvember 2015 vegna töku lífeyris og að því tilefni var haldið kaffisamsæti á Selfossi með þeim sem höfðu tækifæri til að kveðja hana og þakka samstarfið.

Esther hóf störf við stofnunina fyrir 33 árum og starfaði lengst af sem skrifstofustjóri en var sett í stöðu framkvæmdastjóra fjármála  við Heilbrigðisstofnun Suðurlands frá 1. janúar 2015 til eins árs. Hún hefur átt langan og farsælan feril sem stjórnandi. Fyrst hóf hún störf árið 1982 við Heilbrigðisstofnunina Selfossi sem launafulltrúi og var síðar ráðin sem skrifstofustjóri árið 1984 við sömu stofnun. Esther gegndi stöðu framkvæmdastjóra við Heilbrigðisstofnunina á Selfossi tímabundið á árinu 1999 og síðan samfellt í tvö ár frá 2002 til 2004 eða þar til Heilbrigðisstofnunin á Selfossi og heilsugæslustöðvarnar á Suðurlandi voru sameinaðar í eina Heilbrigðisstofnun Suðurlands árið 2005. Esther hefur jafnframt verið staðgengill framkvæmdastjóra samhliða störfum sínum sem skrifstofustjóri.

Að öllum öðrum ólöstuðum hefur Esther sett einstakan svip á HSU og störf hennar hafa einkennst af trúmennsku og jákvæðu hugafari.  Við færum henni hugheilar þakkir fyrir hennar ómetanlega framlag til HSU og fyrir frábært samstarf.

 

Fyrir hönd starfsmanna á HSU,

Herdís Gunnarsdóttir, forstjóri.