Jötunvélar gefa til nýrrar göngudeildar HSU Selfossi

Guðmundur Þór Guðbjörnsson frá Jötunvélum og Herdís Gunnarsdóttir forstjóri HSUGuðmundur Þór Guðjónsson, fjármálastjóri Jötunvéla ehf á Selfossi, kom færandi hendi á skrifstofu HSU og gaf stofnuninni nýjan ipad.  Fram kom hjá Guðmundi að ipadinn sé hugsaður fyrir þá skjóstæðinga HSU, sem þurfa að dvelja dagspart á nýju göngudeildinni á Selfossi, meðan þeir annaðhvort eru þar í lyfjagjöf, blóðgjöf eða blóðskilun.  Ipadinn myndi þá stytta stundirnar fyrir sjúklingana meðan á dvöl þeirra stendur.

 

Jötunvélar komu að fyrstu söfnun sem haldin var fyrir nýju göngudeildina og gáfu þá 40.000 kr. til göngudeildarinnar.  Jötunvélar ásamt fleiri fyrirtækjum stóðu þá fyrir Sunnlenska sveitadeginum þar sem kálfurinn Hvíti Gauti var boðinn upp að beiðni Guðbjargar Jónsdóttur ekkju Gauta Gunnarssonar á Læk.

 

Fyrirtækinu eru færðar sérstakar þakkir fyrir þennan hlýhug sem stendur að baki gjöfunum.