heilsuvera

 

 

 

Heilsuvera.is er vefsvæði þar sem notandi getur átt í samskiptum við heilbrigðisþjónustuna og nálgast gögn sem skráð eru um hann í heilbrigðiskerfið á Íslandi.


Allar heilsugæslustöðvar HSU bjóða uppá þjónustu í gegnum Heilsuveru.

Allir einstaklingar hafa aðgang að lyfseðlalista, lyfjaúttektum, bólusetningaupplýsingum og upplýsingum um skráðan heimilislækni eða heilsugæslu. Einnig geta einstaklingar á starfssvæði HSU pantað tíma á sinni heilsugæslustöð þar sem slík þjónusta er í boði.

Áfram verður þó hægt að endurnýja lyf í síma á sérstökum símatímum:

Selfoss, Rangárþing, Hveragerði, Þorlákshöfn og Vestmannaeyjar í síma 432 2020 alla virka daga milli kl. 8:00 – 9:00. Laugarás í síma 432 2770, alla virka daga á opnunartíma. Vík í síma 432 2800, alla virka daga á opnunartíma. Klaustur í síma 432 2880, kl. 8 – 8:20 alla virka morgna. 

Upplýsingar um tímabókanir

 

 Innskráning

Til að auka öryggi við innskráningu er krafist rafrænna skilríkja. 

Viðkomandi þarf að vera með SIM-kort (símakort) sem styður rafræn skilríki. Hægt er að kanna hvort símakortið þitt styður rafræn skilríki. Styðji símakortið ekki rafræn skilríki getur fólk orðið sér úti um slík á eftirfarandi stöðum:

Virkja þarf skilríkin í viðskiptabanka viðkomandi. Hafi fólk ekki möguleika á rafrænum skilríkjum í símann, eða vill það ekki, er hægt að sækja um einkaskilríki frá Auðkenni. 

Til að byrja með er eftirfarandi virkni í boði í Heilsuveru

Lyfseðlar

Aðgengilegt yfirlit yfir lyfseðla sem eru í lyfseðlaskrá Landlæknis. Einfalt viðmót til að óska eftir endurnýjun á ákveðnum lyfjum gegnum vefinn án þess að þurfa hringja inn eða koma á heilsugæslu.

Bólusetningaskrá

Yfirlit yfir bóluefni sem þér hafa verið gefin samkvæmt bólusetningarskrá Sóttvarnalæknis. 

Tímabókanir

Þægilegt viðmót til að bóka viðtalstíma læknis á þinni heilsugæslustöð. Nauðsynlegt er að vera skráður á stöðina til að geta bókað.  Tekið skal fram að framboð af vefbókanlegum tímum getur verið misjafnt eftir heilsugæslustöðvum á hverjum tíma.

Líffæragjöf

Hægt er að taka afstöðu til líffæragjafar.

heilsuvera