Heilsugæslan í Vík fær góðar gjafir

Helga Þorbergsdóttir hjúkrunarstjóri, Margrét Ebba Harðardóttir og Sigurgeir Jensson læknir.

Nýverið færðu eigendur Hótels Dyrhólaeyjar, hjónin Margrét Ebba Harðardóttir og Steinþór Vigfússon, heilsugæslustöðinni í Vík góðar gjafir.  Um er að ræða fjölnota stól  sem nýttur er til ýmiskonar blóð- og sýnatöku og einnig til lyfjagjafa og að auki færðu þau heilsugsæslunni aðgerðarljós á skiptistofu og færanlegan lampa á fæti. Þetta er einstaklega höfðingleg gjöf sem eflir heilsugæsluna í héraði og nýtist afar vel í daglegri starfsemi hennar.  Eru þeim heiðurshjónum færðar hugheilar þakkir fyrir.

 

 

 

 

Helga Þorbergsdóttir hjúkrunarstjóri, Sigurgeir Jensson læknir og Margrét Ebba Harðardóttir.