Hætta hjá HSU eftir samtals 64 ár í starfi

Erla og TraustiÁ dögunum voru tveir starfsmenn kvaddir eftir samanlagt 64 ár í starfi við HSU.  Bæði hætta vegna aldurs.  Þeim var haldið kveðjuhóf og fengu afhenta þakkargjöf um leið og þeim voru þökkuð vel unnin og farsæl störf við stofnunina í gegnum árin og færðar góðar óskir um velfarnið í komandi framtíð.

 

Trausti Traustason hefur starfað við HSU samfleytt í þrátíu og þrjú ár.  Hann kom fyrst til starfa sem smiður og vann fyrst sem verktaki við smíðar og viðhald.  Síðan fékk hann fastráðningu og þá sem umsjónamaður fasteigna 1. mars 1994. 

Katrín Erla Gunnlaugsdóttir starfaði í eldhúsi HSU í samfelld þrjátíu og eitt ár.