Esther Óskarsdóttir fh. Vinafélagsins og Matthildur Róbertsdóttir deildarstjóri Ljósheima
Þann 5. júní sl. gaf Vinafélag Ljósheima og Fossheima hjúkrunardeildinni á Ljósheimum 50 tomma sjónvarpstæki – en um er að ræða hágæðasjónvarp frá Sony – að verðmæti 190 þúsund.
Á sl. ári gaf Vinafélagið einnig sjónvarpstæki í þessari stærð á hjúkrunardeild Fossheima.
Í stjórn Vinafélags Ljósheima og Fossheima eru:
Ragnheiður Hergeirsdóttir, formaður.
Esther Óskarsdóttir, gjaldkeri.
Anna Björg Stefánsdóttir, ritari.
Meðstjórnendur eru: Kristín Árnadóttir, Rut Stefánsdóttir og Sandra Gunnarsdóttir.
Á síðasta aðalfundi félagsins tók Ragnheiður við sem formaður af Guðbjörgu Gestsdóttur sem sinnt hefur formannsstarfinu í 8 ár.
Félagið var stofnað í febr. 2004 og er megintilgangur félagsins að efla tómstunda- og afþreyingarstarf fyrir heimilisfólk hjúkrunardeildanna á Ljósheimum og Fossheimum og auka möguleika þeirra á meiri tilbreytingu en ella væri. Einnig að standa fyrir fræðslu um sjúkdóma og áhersluþætti sem snúa að eldra fólki. Allar ákvarðanir um tómstunda- og afþreyingarmál eru teknar í samráði við stjórnendur deildanna.
