Gáfu handprjónaðar dúkkur til HSU

Frá v.; Gunnhildur Þórmundsdóttir, Ásgerður Sigbjörnsdóttir, Anna María Snorradóttir framkvæmdastjóri hjúkrunar á HSU, Jóna Sif Leifsdóttir hjúkrunarfræðingur á BMT og Arnfríður Gunnarsdóttir.

 

 

 

 

 

 

 

 

 

 

 

 

 

 

 

 

 

Það var vel við hæfi á sjálfan kvennréttindadaginn 19. júní 2019 að fá þessar þrjár heiðurskonur í heimsókn HSU og það færandi hendi.  Þær dvelja allar á Ási í Hveragerði og hafa stytt sér stundir í vetur við að prjóna litlar dúkkur og vildu gefa þær Slysa- og bráðamóttökunni á Selfossi.  Hugsunin á bakvið er að gleðja lítil börn sem af einhverjum orsökum verða að heimsækja Slysa- og bráðamóttökuna.  Dúkkurnar eru í mörgum fallegum litum, 30 talsins og engin eins.  Falleg og góð hugsun þarna að baki og eiga dúkkurnar efalítið eftir að stöðva einhver tár og hugga lítil hjörtu sem neyðast til að koma í heimsókn á Slysa- og bráðamóttökuna.

Heilbrigðisstofnun Suðurlands þakkir þessum góðu konum kærlega fyrir komuna og gjöfina.  Þær heita Gunnhildur Þórmundsdóttir, Ásgerður Sigurbjörnsdóttir og Arnfríður Gunnarsdóttir.