Fyrsta tilfelli Inflúensu greinist á Selfossi

Ekki að það sé fagnaðarefni eða keppikefli í að vera fyrst í að finna inflúensusmit. En á dögunum fannst engu síður veirusmit í sjúklingi sem kom á bráðamóttöku HSu og reyndist veiran vera af stofni B.  Sjúklingurinn var nýkominn til landsins frá Berlín, þar sem hann hefur að öllum líkindum náð sér í smit.

 

Það kemur verulega á óvart að smit greinist svona smemma hér á landi, því enn eru fá tilfelli greind í  öðrum löndum.  Enn er verið að bólusetja fyrir Inflúensu  um allt land og hefur fólk verið hvatt að mæta í bólusetningu, enda er það besta forvörnin.

 

Á hverju ári gengur inflúensa hér á landi og oftast mest frá desember og fram í mars.  Stundum eru faraldrar alvarlegir eins og spánska veikin 1918. Í Bandaríkjunum einum saman deyja að þvi talið er nærri 200 manns á dag, yfir veturinn úr venjulegri inflúensu. Því er gríðarlega mikilvægt að gera allt sem í okkar valdi stendur til að koma í veg fyrir ótímabær dauðsföll.  Mjög mikilvægt er að greina á milli inflúensu og annarra veirusýkinga.

Fólk sem fær Inflúensu verður skyndilega bráðveikt með háan hita, mikla beinverki og höfuðverk. Oft fylgir mikil veikindatilfinning, t.d. hrollur.

 

Notast má við eftirfarandi viðmið:

 

Inflúensa                                                                             Aðrar veirusýkingar

1. Hár hiti                                                                              1. Ekki eins hár hiti
2. Beinverkir                                                                         2. Ekki beinverkir
3. Höfuðverkur                                                                     3. Lítill höfuðverkur
4. Veikindatilfinning mikil                                                  4. Ekki eins mikil veikindatilfinning
5. Hrollur                                                                               5. Sjaldan hrollur
6. Hósti sjaldan vandamál                                                6. Hósti og kvef algengt