Fulltrúar þingflokks Viðreisnar heimsækja HSU á Selfossi

Í dag áttu fullrúar frá þingflokki Viðreisnar fund með framkvæmdastjórn HSU á Selfossi.  Á fundinum fór fram kynning á starfsemi og rekstri stofnunarinnar.  Farið var yfir lykilhlutverk stofnunarinnar í heilbrigðisþjónustu á sviði heilsugæslu, sjúkarahúsþjónustu, utanspítalaþjónustu og rekstur hjúkrunarrýma.  Farið var yfir helstu staðreyndir um umfang og aukningu í þjónustunni á Suðurlandi. Góðar umræður sköpuðust um skipulag þjónustunnar, tækifærin framundan og áhugaverðar nýjungar í framþróun heilbrigðisþjónustunnar í umdæminu.  Fulltrúar þingflokksins skoðuðu svo aðstæður á sjúkrahúsi, hjúkrunardeildum og á heilsugæslu HSU á Selfossi.  Við þökkum þeim fyrir ánægjulegt og gagnlegt samtal um málefni heilbrigðisþjónustunnar á Suðurlandi.