Fréttatilkynning til íbúa heilbrigðisumdæmis Suðurlands vegna yfirvofandi verkfalls lækna

verkfall læknaFélagar í Læknafélagi Íslands (LÍ) og Skurðlæknafélagi Íslands hafa samþykkt verkfallsboðun eftirfarandi daga:

  • Frá miðnætti aðfararnótt mánudagsins 27. október til miðnættis þriðjudagsins 28.október 2014 (2 sólarhringar).
  • Frá miðnætti aðfararnótt mánudagsins 17. nóvember til miðnættis þriðjudaginn 18. nóvember 2014 (2 sólarhringar).
  • Frá miðnætti aðfararnótt mánudagsins 8. desember til miðnættis þriðjudaginn 9. desember 2014 (2 sólarhringar).

 

Heilbrigðisstofnun Suðurlands (HSU) tók til starfa 1. október 2014 og eru nú tilheyrandi stofnanir í heilbrigðisumdæminu í miðju sameiningarferli. Hjá stofnuninni eru nú aðgerðir í undirbúningi eftir að Læknafélag Íslands og Skurðlæknafélag Íslands hafa boðað til verkfalls samanber fréttatilkynningu á heimsíðu félaganna. Á HSU hefur fráfarandi framkvæmdastjóri lækninga á fyrrv. stofnun HSu, starfandi framkvæmdastjóri lækninga á fyrrv. stofnun HSVe og framkvæmdastjóri á fyrrv. HSSa gert læknum á starfstöðvum stofnunarinnar viðvart um þær aðgerðir sem gripið verður til á HSU. Það hefur verið gert í þeim tilgangi að forðast neyðarástand í þjónustu við sjúklinga á HSU og til að gæta þess að mönnun lækna sé í samræmi við samkomulag um mönnun samkvæmt undanþágulista.

 

Á verkfallsdögum er skyllt samkvæmt lögum að veita nauðsynlegustu heilbrigðisþjónustu sem að mati LÍ er sambærileg læknisþjónusta og veitt er um helgar og á hátíðisdögum. Á HSU er bókað að venju í viðtalstíma lækna á heilsugæslustöðvum og göngudeildum á boðuðuðm verkfallsdögum. Íbúum er bent á að fylgjast með því að morgni verkfallsdaga hvort verkfall sé skollið á og munu þá bókuð viðtöl falla niður. Ítrekað er að nauðsynleg bráðaþjónusta lækna er til staða á HSU komi til verkfalls lækna.

 

Íbúar í heilbrigðisumdæmi Suðurlands eru beðnir um að fylgjast með tilkynningum á heimasíðu stofnunar HSU um hver áhrif yfirvofandi verkfalls munu verða á þjónustu lækna á starfstöðvum stofnunarinnar.

 

 

 

 

Herdís Gunnarsdóttir

Forstjóri

Heilbrigðisstofnun Suðurlands