Fréttatilkynning frá Heilbrigðisstofnun Suðurlands vegna rútuslyss við Kirkjubæjarklaustur

Stöðufærsla, 27. desember 2017, kl. 13.55.

 

Nú hafa alls 12 slasaðir verið fluttir af vettvangi með þyrlum.  Staðfest er að einn er látinn.

Allir eru komnir í skjól í fjöldahjálparstöð á Kirkjubæjarklaustri.

Búið er að ná þeim tveimur sem voru fastir undir rútunni og eru þeir farnir af stað með þyrlu á Landspítala.  Annar þeirra er mikið slasaður og hinn minna slasaður.

Hjúkrunarfræðingur á heilsugæslustöð HSU á Kirkjubæjarklaustri var fyrst á vettvang slyssins í morgun. Nú eru læknir og fjórir hjúkrunarfræðingar frá HSU í Hornafirði komnir til aðstoðar og eru í fjöldahjálparstöð sem opnuð var á Kirkjubæjarklaustri.  Að auki eru 2 læknar og 4 hjúkrunarfræðingar frá HSU á Selfossi rétt ókomir á Klaustur til að hlúa að minna slösuðum í fjöldahjálparstöðinni.

Yfirmaður sjúkraflutinga í Heilbrigðisumdæmi Suðurlands, fór með þyrlu sem þurfti að taka eldsneyti í Vestmannaeyjum, og stýrði aðgerðum fyrir slasaða á vettvangi í samvinnu við lögreglu. 

Í fjöldahjálparstöðinni á Klaustri eru nú 32 minna slasaðir. Þar er hlúð að slösuðum og allir hafa fengið mat og drykk.

Fjöldi lækna, hjúkrunarfræðinga og sjúkraflutingamanna og annarra heilbrigðisstafsmanna hafa verið kallaðir út hjá Heilbrigðisstofnuninni og eru þau að sinna slösuðum eða bíða átekta að taka á móti þeim á sjúkrahúsinu á Selfossi. Á HSU á Selfossi er þess beðið nú að taka á móti minna slösuðum, til myndatöku og frekari rannsókna.  Þar er hægt að taka á móti öllum sjúklingum með brot og minni áverka á Selfossi.  Svo virðist miðað við núverandi stöðu að hinir 32 séu með minniháttar áverka og ekki mikið slasaðir.  Þeir verða fluttir til frekari skoðunar til Selfoss.

Skipulag aðgerða hjá aðgerðastjórn almannavarna á Selfossi hafa gengið mjög vel í samvinnu við samhæfingastöð Almannavarna. 

 

 

Herdís Gunnarsdóttir, forstjóri HSU.