Nýtt símanúmer læknavaktar HSu

Læknavaktin í Árborg, Flóahreppi, Hveragerði, Þorlákshöfn og Ölfusi hefur fengið nýtt símanúmer.  Símanúmerið er  480 5112.

Gjöf til Sjúkrahúss Suðurlands

Gabríel Werner Guðmundsson Miðengi 18 Selfossi og Arnar Már Guðmundsson Álftarima 4 Selfossi gáfu til Sjúkrahús Suðurlands 760 kr sem safnaðist með sölu járnlistaverka. Heilbrigðisstofnun Suðurlands þakkar þessum duglegu drengjum fyrir framlag þeirra.

Nýr barnalæknir til starfa

Eygló Aradóttir barnalæknir hefur tekið til starfa við Heilbrigðisstofnun Suðurlands. Hún mun sinna móttöku barna með ungbarnavernd á Selfossi og í Hveragerði og er hægt að panta tíma hjá henni fyrir börn til skoðunar í afgreiðslu Heilbrigðisstofnunarinnar á Selfossi í síma 480-5100 og í Hveragerði í síma 480-5250.

Pistill lækningaforstjóra HSu

Heilbrigðisstofnun Suðurlands er stofnun sem tók til starfa 1.september árið 2004 og stendur fyrir sameinaðar heilsugæslur og sjúkrahús á Suðurlandi.  Um er að ræða Sjúkrahúsið á Selfossi, heilsugæslustöðvarnar á Selfossi, Þorlákshöfn, Hveragerði, Vík, Kirkjubæjarklaustri, Rangárþingi og Laugarási ásamt því að Heilbrigðisstofnun sér um rekstur á Réttargeðdeildinni á Sogni, hjúkrunarheimilinu Ljósheimum og annast heilbrigðisþjónustu við fanga á Litla Hrauni.

Útifundur í blíðunni

Starfsfólk HSu fundaði úti á svölum í góða veðrinu í gær. Þarna voru fulltrúar í rýnihóp í tengslum við verkefnið „Ráðgjafi að láni“ á vegum Fræðslusetursins Starfsmennt þar sem m.a. er unnin greining á fræðsluþörfum fyrir 5 heilbrigðisstofnanir með áherslu á ófaglærða starfsmenn.

3. hæðinni bætt við nýbyggingu HSu

Heilbrigðis- og tryggingamálaráðherra hefur samþykkt, að 3. hæðinni verði bætt við á nýbyggingu Heilbrigðisstofnunar Suðurlands á Selfossi.

Kynningarfyrirlestur um intervision í boði HSu

Intervision – a powerful tool for learning  -Gagnkvæmur skilningur milli samstarfsaðila.

Fyrirlesturinn verður haldinn í húsnæði Svæðisvinnumiðlunar Suðurlands, Austurvegi 56 – 3. hæð Selfossi föstudaginn 5. maí 2006 kl. 14.00.

Ný Björgunarmiðstöð í Árborg

Í gær var tekin fyrsta skóflustungan að nýrri byggingu Björgunarmiðstöðvar Árborgar ehf., sem mun rísa á lóð Heilbrigðisstofnunar Suðurlands við Árveg á Selfossi,  vestan við nýbyggingu HSu sem nú er í byggingu. Ennfremur var undirrituð viljayfirlýsing um samstarf Björgunarmiðstöðvarinnar og HSu vegna byggingarinnar.

nfélag Selfoss gefur sjúkralyftu á hjúkrunardeild

Nýlega færði Kvenfélag Selfoss (KS) hjúkrunardeild HSu Ljósheimum að gjöf Marisa sjúkralyftu að verðmæti rúmlega 400 þús. krónur. Sjúkralyfta sem þessi er nauðsynlegt hjálpartæki við flutning einstaklinga sem geta ekki stigið í fæturna eða hjálpað til við að flytja sig á annan hátt s.s.úr/í rúmi/stól eða í bað.

Uppbygging heildrænnar öldrunarþjónustu á Suðurlandi

Nú er að störfum nefnd sem skipuð er af heilbrigðis- og tryggingamálaráðherra og var falið að koma með tillögur um uppbyggingu heildrænnar öldrunarþjónustu á Suðurlandi, einkum þeim hluta sem tengist þjónustusvæði Heilbrigðisstofnunar Suðurlands, í samvinnu við heimamenn.

Stækkun Réttargeðdeildarinnar á Sogni

Vinnuhópur um uppbyggingu réttargeðdeildarinnar á Sogni, sem heilbrigðis- og tryggingamálaráðherra skipaði í lok október sl.,  hélt fund með starfsmönnum deildarinnar  nýlega til að kynna starf vinnuhópsins og leita eftir hugmyndum starfsmanna varðandi uppbyggingu deildarinnar.

Bergrisinn – viðbúnaður vegna Kötlugoss

Helgina 25-26 mars sl. voru æfð viðbrögð við eldgosi undir Mýrdalsjökli, þ.e. Kötlugosi. Líkt var eftir atburðarás sem menn töldu líklega ef til alvörunnar kæmi. Íbúar í sýslunni þurftu sumir að yfirgefa heimili sín vegna hættu á flóði og voru misfúsir til þess. Bjarga þurfti ferðamönnum sem alltaf eru úti um allar “koppagrundir” og voru nú í hættu vegna gossins, rafmagns og símasambandslaust var um tíma, öskufall í þorpinu sem hreinsa þurfti o.s.frv. Ímyndaðar uppákomur voru margvíslegar en ekki var sérstaklega látið reyna á heilsugæsluna sem slíka, áherslan var á aðra þætti að þessu sinni.

Fræðslufundur um inflúensufaraldur

Í gær fjölmennti starfsfólk HSu á fræðslufund um inflúensu (fuglaflensu) og varnir gegn henni. Haraldur Briem, sóttvarnalæknir og Ása St. Atladóttir, hjúkrunarfræðingur, bæði starfsmenn Landlæknisembættisins fræddu starfsfólk HSu um þær ógnir sem stafa af heimsfaraldri inflúensu. Haraldur lýsti áhrifum sem svokölluð spánskaveiki hafði hér á landi árið 1918 og bar saman einkenni hennar og einkenni inflúensu (fuglaflensu H5N1).

Nýtt augnskoðunartæki á Heilsugæslustöðinni í Hveragerði

Heilsugæslustöðin í Hveragerði hefur yfir að ráða gjafasjóði, eins og aðrar Heilsugæslustöðvar innan umdæmis HSu. 
Gjafasjóðurinn er tilkominn vegna styrkja sem velunnarar heilsugæslustöðvarinnar hafa gefið og er nýttur til að auka á öryggi íbúa bæjarfélagsins.

Sjúkraflutningamenn á námskeiði

Nýlega voru sjúkraflutningamenn í Árnessýslu á námskeið í endurlífgun, öndunaraðstoð, uppsetningu æðaleggja, vökvagjöf o.fl.

Heilsueflandi heimsóknir til aldraðra

Á vegum Heilsugæslustöðvar Selfoss eru að hefja heilsueflandi heimsóknir til aldraðra.
Í þessu felst að íbúum 80 ára og eldri sem ekki njóta heimahjúkrunar er boðið upp á heimsókn hjúkrunarfræðings.  Í heimsókninni verður rætt um heilsufar og heilbrigði, vellíðan, öryggi,lífsgæði, samvistir við aðra, tómstundir, o.fl.

Nýr lífsstíll – meðferð fyrir ofþunga

Á heilsugæslustöðinni á Selfossi er boðið upp á stuðning og meðferð fyrir ofþunga einstaklinga sem eru með líkamsþyngdarstuðul yfir 40. Hjúkrunarfræðingarnir Unnur Þormóðsdóttir og Jónína Kristjánsdóttir sem sjá um meðferðina, og með þeim starfar Víiðr Óskarsson, heilsugæslulæknir.

Sýn sjúklings á lækninn sinn

Starf heilsugæslulæknisins er erilsamt og oft erfitt en það eru persónulegu tengslin sem eru svo hrífandi og gera starfið skemmtilegt segir Marianne Brandsson Nielsen heilsugæslulæknir á Selfossi.

Nýr lífsstíll – Stuðnings- og viðtalsmeðferð fyrir ofþunga

Á heilsugæslustöðinni á Selfossi er boðið upp á stuðning og meðferð fyrir ofþunga einstaklinga sem eru með líkamsþyngdarstuðul yfir 40. Hjúkrunarfræðingarnir Unnur Þormóðsdóttir og Jónína Kristjánsdóttir sem sjá um meðferðina, og með þeim starfar Víiðr Óskarsson, heilsugæslulæknir.

Meltingarfærasérfræðingur á HSu

Sigurjón Vilbergsson, sérfræðingur í lyf- og meltingarfærasjúkdómum hefur hafið störf á HSu á Selfossi. Sigurjón er með móttöku á föstudögum og hægt er að bóka tíma í síma 480 5100.

Hildur Thors, heilsugæslulæknir hættir á HSu

Hildur Thors er hætt störfum á Heilsugæslustöð Selfoss frá og með 1. janúar 2006. Hildur hverfur nú til annarra starfa og eru henni hér með færðar þakkir fyrir gott samstarf á undanförnum árum.

Starfslok á HSu

Þessar 4 heiðurskonur eru allar að hætta störfum á HSu eftir margra ára starf.

Litlir jólasveinar á HSu

Sú hefð hefur skapast hér að börn sem fæðast um og eftir jól fá teknar af sér myndir með jólasveinahúfur -og svona líta þau út litlu krílin.

Stafræn myndgreining tekin í notkun á HSu

Samkomulag hefur tekist milli Landspítala – háskólasjúkrahúss og Heilbrigðisstofnunar Suðurlands um myndgreiningarþjónustu og um aukið samstarf á sviði heilbrigðisþjónustu, kennslu og rannsóknum og styrkja þannig heilbrigðisþjónustu á Suðurlandi.

HSu tekur við sjúkraflutningum 1. jan. nk.

Heilbrigðisstofnun Suðurlands (HSu) tekur við sjúkraflutningum í Árnessýslu 1. janúar nk.  Síðustu mánuðina hefur verið unnið að undirbúningi þessara breytinga.  Sjúkraflutingamenn hafa verið ráðnir til starfa og hafa þeir verið í starfskynningu og þjálfun að undanförnu.

Sjúkraflutningar til HSu um áramótin

Um áramótin mun Lögreglan í Árnessýslu láta af sjúkraflutningum í Árnessýslu og Heilbrigðisstofnun Suðurlands taka við. Á sama tíma mun Neyðarlínan, 112 taka við símsvörun og beiðnum um sjúkraflutninga ásamt því að sjá um allar skráningar á sjúkraflutningum inn í sérstakt landskerfi sjúkraflutninga.

Bólusetning gegn hettusótt

Eins og fram hefur komið í farsóttafréttum hafa 73 einstaklingar fengið hettusótt á tímabilinu frá og með maí til og með nóvember 2005.  Einkum eru þetta einstaklingar á aldrinum 20 – 24 ára sem eru að sýkjast en það eru þeir einstaklingar sem misstu af bólusetningu við hettusótt á árunum 1989-1994.

Ár frá því framkvæmdir hófust við nýbygginguna

Nú er rúmlega 1 ár liðið síðan framkvæmdir hófust við nýbyggingu HSu á Selfossi. Að sögn Erlings Ingvarssonar, verkfræðings hjá Verkfræðistofu Suðurlands, þá er uppsteypa hússins í fullum gangi en er talsvert á eftir verkáætlun (ca 2-3 mánuðir).

Vinateppi á sjúkrahúsinu v/Árveg

Starfsmenn sjúkrasviðs HSu v/Árveg gáfu stofnuninni nýlega 3 vinateppi sem komið hefur verið fyrir á gangi sjúkrahússins á 2. hæð. Teppin saumuðu starfsmenn þegar svokölluð vinavika stóð yfir fyrr á árinu.

Breytt lyfjastefna í fangelsinu á Litla Hrauni

Samráðsnefnd um málefni fanga hélt nýlega morgunverðarfund þar sem rædd var áfengis- og vímuefnameðferð í fangelsum. Í nefndinni eiga sæti fulltrúar frá HSu, HTR, Fangelsismálastofnun ríkisins, Velferðarsviði Reykjavíkurborgar, Þjónustumiðstöð Breiðholts, Landlæknisembættinu, Rauða Krossi Íslands, Lögreglunni í Reykjavík, Fangavarðarfélaginu, Geðvernd, Fangaprestur o.fl.

Kvenfélag Selfoss gefur loftdýnur

Í gær fór fram formleg afhending á tveimur loftdýnum, af gerðinni Paralogis, sem Kvenfélag Selfoss (KS) hefur gefið stofnuninni. Önnur dýnan fór á hjúkrunardeildina á Ljósheimum og hin á legudeild sjúkrahússins v/Árveg.

SSK gefur gjörgæslutæki á fæðingadeildina

Nýlega færði Samband sunnlenskra kvenna fæðingadeild HSu nýtt gjörgæslutæki fyrir nýbura. Tækið er af gerðinni Propaq og er keypt hjá A. Karlssyni. Verðmæti gjafarinnar er kr. 722.903,oo m.vsk.

Fræðslustarf á HSu

Á HSu fer fram mikið fræðslustarf. Í nokkur ár hefur verið samstarf við Fjórðungssjúkrahúsið á Akureyri um fræðslu í gegnum fjarfundabúnað. Frá Landspítala háskólasjúkrahúsi hefur einnig verið miðlað fræðsluerindum frá bæði barna- og öldrunarlækningadeild.

Uppbygging á Réttargeðdeildinni á Sogni

Jón Kristjánsson, heilbrigðisráðherra heimsótti Sogn nýlega og var viðstaddur er fram fór afhending gjafar úr Kærleikssjóði Sogns. Þá tilkynnti hann að skipaður verði starfshópur til að huga að frekari uppbyggingu á réttargeðdeildinni.

Rósuskjól á Sogni

Þann 26. okt. sl. afhenti Rósa Aðalheiður Georgsdóttir Réttargeðdeildinni að Sogni gróðurhús að gjöf frá Kærleikssjóði Sogns. Rósa beitti sér á sínum tíma fyrir stofnun sjóðsins og er hann í vörslu Landsbanka Íslands sem stutt hefur sjóðinn myndarlega.

Kynning á rafrænni sjúkraskrá

Þann 19. okt. sl. komu fulltrúar frá Heilbrigðisráðuneytinu (HTR) og kynntu rafræna sjúkraskrá fyrir stjórnendum á HSu.

Ársskýrsla HSS 2004

Síðasta Ársskýrsla Heilbrigðisstofnunarinnar Selfossi er komin út. Framvegis verður skýrslan undir merkjum HSu. Hér eru nokkrir fróðleiksmolar úr starfseminni en skýrsluna er hægt að nálgast hér á vefnum (Sjá:Um HSu – Ársskýrslur).

Heimsókn frá Svíþjóð

Starfsmenn heilsugæslustöðvarinnar í Södertelje í Stokkhólmi heimsóttu HSu á Selfossi þann 15. okt. sl.

Fjölgun sérfræðinga á HSu

Þann 1.okt sl. hófu störf á HSu tveir nýir sérfræðilæknar. Aðalsteinn Guðmundsson sérfræðingur í lyflækningum með öldrun sem undirsérgrein og Sigurjón Vilbergsson sérfræðingur í lyflækningum með meltingarsjúkdóma sem undirsérgrein.

Umsjónarmaður sjúkraflutninga

Ármann Höskuldsson hefur verið ráðinn umsjónarmaður sjúkraflutninga við HSu.frá 1. janúar 2006. Ármann er reyndur sjúkraflutningamaður og með mikla reynslu við björgunarstörf almennt.

Sjúkraflutningar til HSu

Heilbrigðisstofnunin hefur auglýst lausar stöður sjúkraflutningamanna og umsjónarmanns sjúkraflutninga vegna sjúkraflutninga í Árnessýslu frá og með 1. janúar 2006. HSu mun annast sjúkraflutninga í Árnessýslu frá og með næstu áramótum skv. ákvörðun Heilbrigðis- og tryggingamálaráðuneytis.

Heimsókn landlæknis

Þann 1. september sl. kom Sigurður Guðmundsson, landlæknir ásamt Sigríði Haraldsdóttir, framkvæmdastjóra heilbrigðistölfræðisviðs og Önnu Björgu Aradóttir, yfirhjúkrunarfræðingi embættisins í heimsókn á HSu.

Skipulagsbreytingar á heilsugæslustöð Selfoss

Nú standa yfir skipulagsbreytingar á Heilsugæslustöð Selfoss í tengslum við fjölgun heimilislækna.
Óskar Reykdalsson sem ráðinn hefur verið lækningaforstjóri við HSu mun jafnframt starfa sem heimilislæknir í Hveragerði og hefur öllum hans skjólstæðingum verið úthlutað nýjum heimilislækni.

Heimsókn frá Bretlandi

Sharon Rowe, ljósmæðranemi frá Háskólasjúkrahúsi í London heimsótti fæðingadeild HSu nýlega.

Nýbygging HSu

Framkvæmdir við nýbyggingu HSu ganga almennt séð vel að sögn Guðmundar Hjaltasonar á Verkfræðistofu Suðurlands. Í byrjun verks þegar unnið var við jarðvegsframkvæmdir reyndust aðstæður aðrar en gert hafði verið ráð fyrir.

Þjónusta lyfjafræðings við HSu

Heilbrigðisstofnun Suðurlands hefur gert samkomulag við Stefán Jóhannsson, lyfjafræðing, um lyfjafræðilega þjónustu við stofnunina.

TRS gefur tölvu í setustofu

Tölvu- og rafeindaþjónusta Suðurlands, Selfossi hefur fært sjúkrasviði HSu tölvu að gjöf. Tölvan verður staðsett í setustofu sjúkrahússins á II. hæð.

Aðstandendadagur á Ljósheimum

Vinafélag Ljósheima – hjúkrunardeildar HSu á Selfossi, gekkst fyrir aðstandendadegi þann 11. júní sl. Mikil og góð þáttaka var því um 60 manns mættu.

Heilsa kvenna á Suðurlandi

Þann 11. júní sl. buðu starfskonur í heilsugæslustöð Selfoss konum á Suðurlandi í blóðþrýstings-, blóðsykur-, blóðfitu- og beinþéttnimælingu. Alls nýttu 50 konur sér þetta tækifæri og af þeim var 35 konum vísað áfram til læknis. Það má því með sanni segja að framtakið hafi skilað árangri.

Heilsa kvenna

Laugardaginn 11. júní í tilefni að kvennadeginum og kvennahlaupi ÍSÍ ætla hjúkrunarfræðingar og sjúkraliðar á heilsugæslustöð Selfoss, í samvinnu við lækni, að bjóða konum á Suðurlandi að koma á stöðina og láta mæla blóðþrýsting, blóðsykur, blóðfitu og beinþéttni.

Dregið úr starfsemi sjúkrahússins yfir sumarmánuðina

Eins og undanfarin ár verður að draga úr starfsemi á sjúkrahúsinu yfir sumarmánuðina. Er þetta m.a. gert vegna skorts á hjúkrunarfræðingum til afleysinga. Fjárveitingar til stofnunarinnar hafa einnig áhrif á þess ákvörðun.

Þórusystur gáfu loftskipta dýnu

Systur í Rebekkustúkunni nr. 9 Þóru á Selfossi gáfu nýlega hjúkrunardeild HSu Ljósheimum loftskipta dýnu. Dýnur þessar eru mjög góðar til varnar legusárum og fyrir fólk sem á erfitt með að hreyfa sig í rúmi eða snúa sér.

Útboð á gagnaflutningi á víðneti

Ríkiskaup, fyrir hönd dómsmálaráðuneytisins, Vegagerðarinnar og Heilbrigðisstofnunar Suðurlands hefur auglýst eftir tilboðum í gagnaflutning á víðneti.

Nýtt skrifstofuhús

Heilbrigðisstofnun Suðurlands hefur fengið færanlegt hús í eigu ríkissjóðs til afnota fyrir skrifstofur á Selfossi. Húsið hefur verið staðsett austan við núverandi skrifstofuhús stofnunarinnar. Ætlunin er að færa eldra húsið til og tengja húsin saman. Aðkoma verður bætt svo hreyfihamlaðir eigi góða aðkomu að skrifstofum stofnunarinnar. Þá verður betri aðstaða fyrir stjórnsýslu stofnunarinnar í kjölfar aukinna verkefna í framhaldi af sameiningu heilbrigðisstofnana á Suðurlandi.

Fjölgun sérfræðinga í heimilislækningum á Selfossi

Til að bæta þjónustu Heilsugæslustöðvarinnar á Selfossi hafa verið ráðnir 3 sérfræðingar í heimilislækningum. Þau eru Arnar Guðmundsson, Jórunn Viðar Valgarðsdóttir og Björg Þ. Magnúsdóttir. Þar að auki mun kandidat hefja störf hér þann 1. júní og vera í starfsþjálfun á heilsugæslustöðinni.

Nýtt merki HSu

HSu hefur fengið nýtt merki. Merkið skírskotar til heilsugæslu og spítala með krossinum og hjartað undirstrikar þá mannlegu hlýju og væntumþykju, sem einkennir starfsemina. Bláu táknin stefna öll inn að miðju – kjarnanum, sem myndar Heilbrigðisstofnun Suðurlands.
Höfundar eru PR almannatengsl og útlitshönnun ehf, Reykjavík.

Aukin sóknarfæri HSu

Heilbrigðisstofnun Suðurlands (HSu) og Samtök sunnlenskra sveitarfélaga (SASS) héldu þann 29, apríl sl. málþing um heilbrigðisþjónustu á Suðurlandi.  Á þinginu voru haldin fjölmörg erindi um heilbrigðisþjónustu og samstarf ríkis og sveitarfélaga á því sviði.

Ráðning hjúkrunarstjóra og deildarstjóra

Unnur Þormóðsdóttir, hjúkrunarfræðingur hefur verið ráðin hjúkrunarstjóri á Heilsugæslustöð Selfoss en hún hefur gegnt því starfi tímabundið frá 1. apríl sl.

Samvinna fæðingadeilda LSH og HSu

Töluvert hefur verið í umræðum undanfarið hvernig samstarfi þessara stofnana er háttað. Í tilefni af því og til að skerpa á vinnufyrirkomulagi var haldinn fundur með lækningaforstjórum og yfirlæknum nefndrar fæðingasviða ásamt yfirljósmóður HSu.

Málþing um heilbrigðisþjónustu

Heilbrigðisstofnun Suðurlands (HSu) og Samtök sunnlenskra sveitarfélaga (SASS) halda í dag málþing um heilbrigðisþjónustu á Suðurlandi á Hótel Selfossi.
Markmið málþingsins er að leiða fram skoðanir og upplýsingar um stöðu og framtíð heilbrigðisþjónustunnar á Suðurlandi, sem gætu nýst við stefnumörkun heimamanna og stjórnvalda.

Lífeindafræðingar – breyting á nafni meinatækna

Þann 26. apríl sl. voru samþykktar á Alþingi breytingar á lögum um meinatækna. Með þessum lögum taka meinatæknar upp nýtt nafna og heita nú lífeindafræðingar. Lífeindafræðingar munu bera fulla ábyrgð á sínum störfum og geta fengið viðurkennda sérfræðinþekkingu á hinum ýmsu sviðum.

Ráðstefna um þjónustu við fanga

15.apríl sl. var haldin á Hótel Örk í Hveragerði fjölmenn ráðstefna um málefni fanga. Að ráðstefnunni stóðu Heilbrigðisstofnun Suðurlands, Heilbrigðis-og tryggingamálaráðuneytið, Fangelsismálastofnun, Velferðarsvið Reykjavíkurborgar og Landlæknisembættið.