Fjarþjónustulausnir og takmörkuð umgengni í heilsugæslu vegna COVID-19-faraldurs

11.03.2020

Sérstakar kringumstæður er í samfélaginu vegna COVID-19 faraldursins. Ýmsum aðgerðum er beitt til draga úr hraða og fjölda smita og til að vernda áhættuhópa.

Vegna þessa verða í dag og næstu dögum gerðar breytingar á fyrirkomulagi heilsugæsluþjónustu hjá Heilbrigðisstofnun Suðurlands. Fjarþjónustu verður beitt þar sem því verður við komið.

 

  • Haft verður samband þegar við á við skjólstæðinga sem eiga pantaðan tíma og athugað hvort hægt verður að leysa erindið símleiðis eða með myndsamtölum í gegnum Heilsuveru.
  • Skjólstæðingum sem óska eftir tíma eða þjónustu verður – þegar við á – beint í fjarþjónustuúrlausnir.

 

Þeim tilmælum er eindregið beint til skjólstæðinga að koma ekki með aðstandendur með sér á biðstofur og í tíma nema nauðsyn krefjist – og að staldra sem styst við á biðstofum, þ.e.a.s. að fara inn á stofnun og biðstofu einungis stuttu áður en tími á að hefjast.