Færðu HSu 15 sjónvarpsskjái

Við afhendinguna, frá vinstri:  Óskar Reykdalsson framkvæmdastjóri lækninga, Trausti Traustason umsjónarm. fasteigna hjá HSu, Esther Óskarsdóttir skrifstofustjóri, Ásbjörn Jónsson hótelstjóri, Magnús Skúlason forstjóri HSu og Gunnlaugur Bogason einn eiganda Hótels Selfoss.

Við afhendinguna, frá vinstri: Óskar Reykdalsson framkvæmdastjóri lækninga, Trausti Traustason umsjónarm. fasteigna hjá HSu, Esther Óskarsdóttir skrifstofustjóri, Ásbjörn Jónsson hótelstjóri, Magnús Skúlason forstjóri HSu og Gunnlaugur Bogason einn eiganda Hótels Selfoss.

Forsvarsmenn Hótels Selfoss komu færandi hendi í dag og gáfu Heilbrigðisstofnun Suðurlands 15 stk. af  20“ sjónvarsskjám.  Verið er að endurnýja þennan búnað í herbergjum Hótels Selfoss og mönnum þar þótti tilvalið að lengja lífdaga sjónvarpsskjánna og gefa þá þangað sem hugsanleg þörf væri fyrir þá.  Gjöfin kemur sér mjög vel fyrir stofnun eins og HSu, þar sem óskir um sjónvörp í sjúkrastofum verða æ algengari.  Ekki er búið að sjónvarpsvæða allar sjúkrastofur, enda hefur ekki verið til fjármagn í slíkt, en stofnunin hefur notið gjafmildar félagsamtaka og að þessu sinni Hótels Selfoss, til að færast nær því markmiði.   Tækjunum verður komið fyrir á næstunni þar sem þeirra verður þörf innan stofnunarinnar.  Stjórn HSu færir eigendum Hótels Selfoss kærar þakkir fyrir þennan góða hug og velvild í garð Heilbrigðisstofnunar Suðurlands.