Upplýsingar um barnshafandi konur og bólusetningu

 

Ég er barnshafandi. Á ég að fara í bólusetningu?

 

HSU ráðleggur almennt ekki barnshafandi konum að fá bólussetningu, nema þær séu í aukinni hættu á covid smiti, t.d. starfs síns vegna. Bólusetning er alltaf val. Kjósi barnshafandi kona að þiggja bólusetningu, er Pfizer eða Moderna í boði og einungis eftir fyrstu 12 vikur af meðgöngu. Best væri að ráðfæra sig við sinn fæðingalækni eða ljósmóður.

Hér á landi hafa barnshafandi konur ekki verið tilgreindar í áhættuhópi vegna COVID-19 sýkingar vegna þungunar. Þær konur sem tilheyra forgangshópum sem þegar hafa verið bólusettir hafa getað þegið bólusetningu þrátt fyrir þungun, en mælt er með að bólusetja á öðrum eða þriðja þriðjungi meðgöngu en ekki þegar líffæramyndun er í hámarki á fyrsta þriðjungi. Erlendis er sums staðar sama stefna og sums staðar litið á barnshafandi konur sem forgangshóp í COVID-19 bólusetningu. Í einstaka löndum er stefnan að bólusetja ekki barnshafandi konur.
Mesta reynsla og góð er af notkun mRNA bóluefnanna fyrir barnshafandi konur þar sem þau voru fyrst á markað. Þar til frekari upplýsingar liggja fyrir um notkun Janssen bóluefnis hjá barnshafandi konum verða mRNA bóluefnin notuð fyrir þær hér á landi.