Búist við talsverðum fjölda í sýnatökur í dag

Í dag 2. nóv 2021 má búast við talsverðum fjölda einstaklinga sem munu koma í sýnatöku vegna Covid-19, í bílakjallara Krónunnar. Til þess að koma í veg fyrir umferðarteppu á nærliggjandi umferðaræðum biður lögregla þá sem eiga að mæta í sýnatöku að fylgja eftirfarandi fyrirmælum:
  1. Akið inn Þóristún, ekki Kirkjuveg.
  2. Tvöföld bílaröð verður eftir vistgötunni meðfram Ölfusá að Krónunni en einföld röð eftir Þóristúni.
  3. Mætið ekki löngu fyrir þann tíma sem þið fenguð gefinn upp við skráningu.
Þar sem þetta verður annasamur dagur í sýnatökum þá mun þetta taka lengri tíma en venjulega vegna umferðarinnar. Lögregla mun eftir föngum reyna að liðka fyrir umferð í kringum sýnatökustað.
 
Sýnum tillitsemi og verum þolinmóð.