Bráðaflokkunarvika 20. – 27. maí 2011

Ákveðið hefur verið að halda bráðaflokkunarviku frá 20. – 27. maí næstkomandi. Markmið þessa framtaks er að vekja athygli á þessu kerfi og efla þekkingu viðbragðsaðila.

Þátttakendur eru viðbragðsaðilar samkvæmt reglugerð nr. 100/2009. Aðilar að bráðaflokkunarviku eru lögregluembættin, slökkviliðin, heilbrigðisstofnanir, rekstraraðilar sjúkraflutninga, Neyðarlínan, ISAVIA, Landhelgisgæslan, björgunarsveitir Slysavarnafélagsins Landsbjargar og Rauða kross deildir. Það eru starfsmenn Landlæknisembættis og almannavarnadeildar ríkislögreglustjóra sem hafa unnið að skipulagi bráðaflokkunarviku í samvinnu við Velferðarráðuneytið. Bráðaflokkunarvikan er samvinnuverkefni viðbragðsaðila í hverju lögregluumdæmi og sóttvarnalæknar umdæma og svæða eru faglegir ábyrgðaraðilar.

Bráðaflokkun er sérstakt flokkunarkerfi sem notað er hér heima og erlendis í stórslysum eða hamförum. Kerfið er einfalt í notkun og það aðstoðar viðbragðsaðila við að greina stórslasaða frá minna slösuðum og auðveldar þeim þannig að koma þeim sem mest þurfa á heilbrigðisþjónustu að halda, sem fyrst undir læknishendur. Bráðaflokkunartöskur eru staðsettar í öllum farartækjum viðbragðsaðila og innleiðing þessa kerfis hefur staðið yfir í tvö ár.

Vikuna 20.- 27. maí verður fræðsla meðal viðbragðsaðila um bráðaflokkun, bráðaflokkunartöskur munu liggja frammi og kennsluefni verður aðgengilegt á vefsíðum viðbragðsaðila.

Bráðaflokkun fullorðinna á vettvangi