Barnalán í Hornafirði

Árið 2013 lögðust af fæðingar í Hornafirði eftir að ljósmóðirin okkar til margra ára hætti störfum.

Ekki fékkst önnur ljósmóðir í starfið og var þessi þjónusta því lögð niður. Auðbjörg Brynja ljósmóðir á Kirkjubæjarklausti hefur síðustu ár, komið til okkar mjög reglulega og sinnir mæðraeftirlitinu.

Verðandi mæður fara svo úr Sveitarfélaginu þegar þær eru komnar um 38 vikur á leið. Þær fara þá nær fæðingarstað og geta þurft að bíða þar í allt að 4 vikur.

Síðan 2013 hefur eitt og eitt barn verið að flýta sér í heiminn og barnið hefur þá fæðist hér á Hornafirði.

Eitt barn var svo tillitssamt að það nýtti sér tækifærið að koma í heiminn, þegar ljósmóðirin var hér veðurteppt. Hefði sjálfsagt annars ekki gert það.

 

Síðasta vika hefur verið meira en lítið sérstök því það hefur ekki bara eitt barn fæðst hér á Höfn, heldur tvö.

Falleg stúlka kom í heiminn þann 02.06 og svo kom flottur drengur núna í nótt 08.06.

Báðum börnum og foreldrum farnast vel.

 

Elín Freyja Hauksdóttir

Yfirlæknir á HSU Hornafirði