Árleg endurmenntunarnámskeið hjá sjúkraflutningum HSU

Þessa dagana fer fram árleg endurmenntun sjúkraflutningamanna á HSU.  Að þessu sinni verður farið yfir ýmsan sértækan búnað sem sjúkraflutningamenn eru með í sjúkrabílunum svo sem Thorax-nálar sem notaðar eru við brjóstholsstungur og margt fleira. Nýjustu áherslur í endurlífgun nýbura, ungbarna og stálpaðri barna verða einnig kenndar. Einnig verður farið yfir hvernig best sé að standa að björgun úr bílflökum, fyrstu stjórnun á vettvangi og bestu viðbrögð við því ef um stórslys er að ræða, því þá eykst flækjustigið oftast og þörf er á að virkja aðgerðarstjórn. Þetta er nauðsynlegt, ekki síst vegna þess að sumarið er framundan og ferðamannastraumur fer stöðugt vaxandi og þar af leiðandi stóraukast líkur á stærri slysum.

 

Nýverið var auglýst eftir fólki til sumarafleysinga hjá sjúkraflutningum HSU.  Mikill áhugi var og sóttu um 20 manns um auglýstar sumarafleysingastöður. Farið verður í að vinna úr umsóknum á næstu dögum og í kjölfarið í viðtöl og síðan inntökuferli eftir miðjan marsmánuð.