Kvenfélagið Líkn og Oddfellowstúkan Vilborg gefa til HSU

Þann 21. nóvember 2018 fór fram formleg gjafaafhending á Heilbrigðisstofnun Suðurlands í Vestmannaeyjum.  Það voru fulltrúar frá Kvenfélaginu Líkn og Oddfellowstúkunni Vilborgu sem færðu stofnunni gjafirnar fyrir hönd sinna félaga.

Kvenfélagið Líkn hefur verið tryggur bakhjarl HSU gegnum tíðina og  færði stofnunni að þessu sinni fjögur tæki, blóðrannsóknatæki, sjúklingalyftu, svefnrannsóknartæki og CRP mælingartæki samtals að verðmæti 2.658.023.  Oddfellowstúkan Vilborg gaf til stofnunarinnar tvö tæki að þessu sinni, hjartalínuritstæki og sjónvarp, samtals að verðmæti 1.608.710. Stúkan hafði auk þess fært stofnunni súrefnismettunarmæli fyrir börn að upphæð 300.000 fyrr á þessu ári.

Tækin er kærkomin viðbót fyrir starfsemina í Vestmannaeyjum og koma sér einstaklega vel.  Með þessum gjöfum er þjónusta og öryggi skjólstæðinga HSU í Vestmannaeyjum bætt til muna.  Stofnunin er ákaflega þakklát þeim ómetanlegum stuðningi félagasamtakana tveggja,  því án þessa stuðnings væri tækjakostur stofnunarinnar mun rýrari.