Gjöf frá Lionsklúbbnum Suðra

10 október 2017.

Enn á ný hafa félagar í Lionsklúbbnum Suðra fært heilsugæslustöðinni í Vík höfðinglegar gjafir.  Um er að ræða tvær lífsmarkastöðvar sem nýtast einstaklega vel í daglegu starfi á heilsugæslustöðinni. Með stöðvunum er á einfaldan og öruggan hátt hægt að mæla; púlshraða, blóðþrýsting, líkamshita og súrefnismettun í blóði. Að auki gaf klúbburinn heilsugæslustöðinni handvirka blóðþrýstingsmæla í ýmsum stærðum og gæða hlustunarpípur .

Góður hugur og gjafmildi Suðra manna er starfi heilsugæslunnar afar mikilvægt og eru þeim hér færðar kærar þakkir.

Meðfylgjandi myndir eru teknar þegar starfsfólk stöðvarinnar tók formlega við tækjagjöf Lionsmanna.