Aron Hinriksson forstöðumaður Hvítasunnusafnaðarins ásamt sonum sínum. f.v. Pétur Berg og Hinrik Jarl.
Forstöðumaður Hvítasunnukirkjunnar á Selfossi, Aron Hinriksson kom ásamt ungum aðstoðarmönnum, á skrifstofu HSU á Selfossi í vikunni. Meðferðis hafði hann nokkra kassa af allskyns smáleikföngum, að andvirði 250.000 króna. Þetta er í annað sinn sem Aron kemur með svona gjafir til HSU í aðdraganda jóla og kunnum við honum og öðrum starfsmönnum Hvítasunnukirkjunnar kærar þakkir fyrir. Ómetanlegt að eiga góða að.
Leikföngunum verður dreift á allar stöðvar HSU og verða notuð sem verðlaun til barna sem þurfa að koma í heimsókn á einhverjar af heilsugæslunum okkar eða dvelja á öðrum deildum stofnunarinnar. Allir vita að slíkar heimsóknir geta stundum verið litlu fólki erfiðar og ekki þarf mikið til að fá bjart bros á lítið andlit aftur.
