Um leið og við bjóðum þig velkominn viljum við koma á framfæri nokkrum hagnýtum upplýsingum og vonum að þær geri þér dvölina þægilegri.
Hand– og lyflæknisdeild HSu er 24 rúma deild á annarri hæð hússins.
Deildarstjóri er: Baldvina Ýr Hafsteinsdóttir
Aðstoðardeildarstjóri: Þorbjörg Þorkelsdóttir
Yfirlæknir sjúkrasviðs er: Ágúst Örn Sverrisson.
Yfirlæknir handlæknissviðs er: Sveinn M. Sveinsson
Sjúkdómar eru einkamál hvers og eins.
Athugið: Þagmælska er í allra þágu.
Við komu á deild
Sjúklingur hafi með sér snyrtivörur sem hann telur sig þurfa að nota, s.s. tannbursta, tannkrem, hárgreiðu o.fl.
Náttföt og nærföt eru á deild. Nauðsynlegt er að hafa með sér inniskó og slopp.
Lyf
Sjúklingur notar aðeins þau lyf sem læknar deildarinnar ákveða í samráði við sjúkling. Ef sjúklingur er með lyf meðferðis er æskilegt að afhenda hjúkrunarfræðingi þau til varðveislu.
Varsla persónulegra muna
Verðmæti sjúklings er hægt að geyma í læstum skáp á vaktherbergi, annars er ekki tekin ábyrgð á fjármunum né verðmætum sjúklings. Best er að skilja verðmæti eftir heima. Einkafatnaður sjúklinga skal vera þveginn heima. Ekki er tekin ábyrgð á þvotti sjúklinga.
Kapella
Kapella er í kjallara sjúkrahússins.
Þangað geta sjúklingar og aðstandendur þeirra leitað. Í kapellu fara fram skírnarathafnir og kistulagningar í samráði við presta.
Vaktaskipti
Hjá hjúkrunarfræðingum og sjúkraliðum eru vaktaskipti þrisvar á sólarhring, þ.e. kl. 08:00, 15:30 og 23:00.
Á þessum tímum fer fram miðlun upplýsinga um sjúklinga til næstu vaktar svo hægara sé að veita samfellda þjónustu.
Stofugangur
Stofugangur er einu sinni á dag á bilinu 09:30—11:00 en seinna um helgar. Á stofugangi fara læknar yfir niðurstöður
skoðunum. Á stofugangi gefst þér tækifæri á að spyrja lækni þinn spurninga. Gott er að vera búinn að skrifa þær niður eða undirbúa sig á annan hátt.
Matar- og kaffitímar
Morgunmatur kl. 09:00
Hádegismatur kl. 11:30
Miðdegiskaffi kl. 14:00
Kvöldmatur kl. 17:30
Kvöldhressing kl. 20:00
Heimsóknartímar eru
kl. 15:00 – 16:00 og kl. 18:30 – 19:30 en einnig eftir nánara samkomulagi. Aðstandendur mikið veikra sjúklinga geta verið hjá ástvinum sínum nánast allan sólarhringinn ef þess er óskað. Gott er að ræða málið við deildarstjóra eða vakthafandi hjúkrunarfræðing.
Deildin hefur á að skipa mjög vel útbúnu aðstandendaherbergi sem aðstandendur geta nýtt sér m.a. við slíkar aðstæður.
Aðstandendur
Við innlögn er æskilegt að sjúklingar velji sér aðstandanda 1-2 sem er tengiliður innan fjölskyldunnar. Upplýsingar eru þá gefnar þessum tengilið og hann sér um að miðla þeim í samráði við sjúkling.
Hjúkrun
Á deildinni er einstaklingshæfð hjúkrun, sem þýðir að á meðan þú dvelur hér hefur þú ákveðinn hjúkrunarfræðing sem ber ábyrgð á hjúkrun þinni, einnig hefur þú ákveðinn sjúkraliða sem annast þig þegar þeir eru á vakt. Leitaðu til þeirra með þín mál eða ef þig vantar upplýsingar. Þegar þeir eru ekki á vakt færð þú annan hjúkrunarfræðing og sjúkraliða sem annast þig og þú getur leitað til. Ef þú þarft að leggjast aftur inn á deildina er leitast við að þú fáir sömu starfsmenn til að hugsa um þig aftur.
Reykingar eru bannaðar
Þeir sjúklingar sem óska þess geta fengið hjá hjúkrunarfræðingum nikótín-plástur eða tyggigúmmí meðan á dvöl stendur.
Sjónvarp er í setustofu
Rúmliggjandi sjúklingar geta fengið sig flutta fram í rúminu. Í þeim tilfellum sem sjúklingar treysta sér ekki fram eða óska þess sérstaklega er leyfilegt að vera með eigið sjónvarp inni á stofu. Alltaf skal þó taka tillit til stofufélaga.
Til afnota fyrir sjúklinga eru:
Bækur og blöð í setustofu
Nettengd tölva í setustofu
Gossjálfsali á fremri gangi
Símasjálfsali á fremri gangi
Nota þarf 10/50 kr. Peninga.
Símanúmer sjúklingasíma er 480-5169
Þennan síma geta aðstandendur hringt í óski þeir eftir að tala við sjúklingana.
Símanúmer hjúkrunarvakt er 480-5160
Hjúkrunarfræðingar gefa aðstandendum upplýsingar um líðan sjúklinga eftir kl.11:00 á daginn.
Símanúmer hjá sængurkonum er 480-1393
Símanúmer ljósmæðravakt er 480-5164
Heimasíða www.hsu.is