Fæðingadeild HSu
Móttakan er opin á föstudögum kl. 15 – 16 á heilsugæslunni á Selfossi. Ekki þarf að panta tíma og þjónustan er gjaldfrí.
Á unglingamóttökunni vinna Rut Gunnarsdóttir hjúkrunarfræðingur rut@hsu.is og Eygló Aradóttir læknir. Síminn er 480 5100 á opnunartíma móttökunnar. Hægt er að senda fyrirspurnir í netpósti, sem reynt verður að svara eftir föngum.
Reynt er að sinna þörfum þeirra sem eiga við tilfinningaleg vandamál að stríða, kvíða, depurð, áfengis- og vímumál, einelti, kynsjúkdóma eða vilja ræða getnaðarvarnir og kynlífsvandamál. Fyrst og fremst vonumst við til að móttakan mæti þörfum þeirra, sem ekki hafa talið sig geta nýtt þjónustu heilsugæslustöðvarinnar með hefðbundnum hætti vegna opnunartímans og fyrirhafnar við að panta tíma.
Markmið með unglingamóttöku er að vinna að bættum lífsgæðum og aðstæðum unglinga og ungs fólks með því að:
· hvetja með fræðslu til bættrar sjálfsmyndar, sjálfsöryggis og stuðla að jákvæðu félagsumhverfi unglinga
· bæta geðheilbrigði með aukinni þjónustu til þeirra sem eiga við tilfinningaleg vandamál að stríða, kvíða, depurð og einelti
· draga úr reykingum ungs fólks, áfengis-og vímuefnaneyslu
· draga úr ótímabærum þungunum ungra kvenna með því að gera getnaðarvarnir aðgengilegri ásamt fræðslu um siðfræði kynlífs og barneigna,
· draga úr afleiðingum kynsjúkdóma s.s. ófrjósemi ü ungt fólk og unglingar í Árborg þekki og nýti sér aðgengi heilbrigðis- og félagsþjónustu Árborgar
Vakin er athygli unglinga í neyð á veffangi Rauðakrosshússins í Reykjavík:
Hjálparsími Rauðakrossins: 1717 Er lífið erfitt – segðu okkur – við hlustum
Tenglar:
Sálræn skyndihjálp fyrir unglinga: http://www.redcross.is/efbara
Unglingavefur Doctor.is: http://www.doktor.is/hvadermalid/
Fræðslusamtök um kynlíf og barneignir: http://www.fkb.is
Bæklingur um kynsjúkdóma: Sannleikurinn er sagna bestur