Valda bólusetningar sjálfnæmissjúkdómum (vaccine induced autoimmune diseases)?

Vegna mikillar umræðu undanfarið í fjölmiðlum og bloggheimum um meinta skaðsemi bólusetninga þá vill sóttvarnalæknir árétta eftirfarandi:

Erindi Unnar Þormóðsdóttur, hjúkrunarfræðings og formanns vistunarmatsnefndar í heilbrgiðisumdæmi Suðurlands um vistunarmál og biðlista í heilbrigðisumdæmi Suðurlands. Flutt 14. apríl á Hvosvelli á fundi samráðsnefndar heilbrigðisumdæmis Suðurlands

Sjúkraflutningsmenn HSu hafa verið með verklega kennslu á grunnnámskeiði í sjúkraflutningum (EMT-B). Kennslan hefur farið fram í hinum nýja og stórglæsilega fyrirlestrasal HSu sem staðsettur er í kjallara nýbyggingarinnar.

Á Íslandi eru 4 sorpbrennsluofnar sem mælst hafa með há gildi díoxíns í útblæstri og er einn þeirra staðsettur á Kirkjubæjarklaustri.

Díoxínefni geta myndast í iðnaði en einnig af náttúrulegum ástæðum, svo sem eldgosum og skógarbruna. Brennsluofanr fyrir sorp sem brenna við of lágt hitastig geta stuðlað að umtalsverðri díoxínmengun. Díoxín er helst að finna í jarðvegi, mjólkurafurðum, kjöti, fiski og skelfiski. Lítið er af efninu í plöntum, vatni og andrúmslofti því að efnið binst einkum í fituvef.

Svanborg Egilsdóttir ljósmóðir okkar Sunnlendinga, hætti nýverið störfum við HSu eftir 30 ára starf. Síðustu 10 árin starfaði Svanborg sem yfirljósmóðir á fæðingardeildinni. Henni var haldið kveðjuhóf 30. mars sl. af samstarfsfólki sínu og ljósmæðrum á deildinni og færður þakklætisvottur fyrir störfin.

Eins og áður hefur komið fram  kom upp grunur um Noroveirusmit á sjúkradeild HSu þann 18. mars sem svo var staðfest  þann 20. mars.

Ákveðið var að setja deild þegar í einangrun og að farið yrði eftir leiðbeiningum frá sýkingavarnardeild LSH þó svo greining lægi ekki fyrir á þeim tíma.

Deildin var sett í einangrun í gær og allar heimsóknir á hana takmarkaðar verulega. Stór hluti sjúklinga veiktist og nokkrir starfsmenn. Vel hefur gengið að vinna á sýkingunni og er ekki tekið við nýjum sjúklingum á deildina á meðan verið er að vinna á málinu. Vonast er til að fljótlega eftir helgina komist allt í samt lag.

Í svari fjármálaráðherra í vikunni við fyrirspurn um fækkun stöðugilda hjá ríkinu kemur fram, að frá ársbyrjun 2009 til ársloka 2010 hafi stöðugildum fækkað um 545. Þar af var fækkunin mest á heilbrigðisstofnunum eða 470 stöðugildi. Af þessum 545 stöðugildum fækkaði um 240 stöðugildi í Reykjavík, en um 305 stöðugildi utan Reykjavíkur.

Ýmsar náttúruhamfarir hafa dunið yfir íslensku þjóðina undanfarin ár. Nærtækasta dæmið er eldgosið í Eyjafjallajökli sem hófst á síðasta ári. Þrátt fyrir að gosinu sé formlega lokið eru áhrif þess enn til staðar. Öskufok herjar á íbúa svæðisins og margir líða enn fyrir áhrif streitu og álags sem hvíldi á þeim á meðan á gosinu stóð og fyrst á eftir.

Aðalfundurinn verður haldinn sunnudaginn 20. mars 2011
á hjúkrunardeild Ljósheima v/Árveg kl. 14:00.
Á dagskránni verður venjuleg aðalfundarstörf auk þess mun Þór Vigfússon skemmta okkur af sinni alkunnu frásagnarlist.  Kaffiveitingar í boði félagsins. 
Ársskýrsla fyrir árið 2010 mun liggja frammi á aðalfundinum.
Allir velkomnir. 

Stjórn Vinafélags Ljósheima og Fossheima

Í byrjun febrúar var gerð breyting á slysa- og bráðamóttaka Heilbrigðisstofnunar Suðurlands í Árnes og Rangárvallasýslum. Styrking hefur orðið á vaktinni þannig að núna er hjúkrunarfræðingur allan sólarhringinn á bráðamóttökunni á Selfossi, til viðbótar við vaktþjónustu lækna sem þar hefur verið. Íbúum svæðisins er beint á bráðamóttökuna á Selfossi og þar fer fram öll símaþjónusta. Áfram eru einnig vaktir lækna í Rangárvallasýslu.

Breytingin er til að bregðast við miklu álagi og bæta nýtingu heilbrigðisstarfsmanna, ásamt því að efla dagþjónustu og tryggja öflugri heilsugæslu.

Með breytingunni er möguleiki á að fylgjast lengur og betur með sjúklingum á bráðamóttökunni.

Fjölmenningarsetur hefur það hlutverk að greiða fyrir samskiptum fólks af ólíkum uppruna og efla þjónustu við innflytjendur sem búsettir eru á Íslandi
Heimasíða Fjölmenningarseturs hefur verið uppfærð og er nú á átta tungumálum. Auk íslensku er búið að þýða hana yfir á ensku, pólsku, króatísku, tailensku, spænsku, rússnesku og litháísku. Á síðunni má finna upplýsingar um Ísland og íslenskt samfélag.

Við náttúruhamfarir geta börn orðið mjög hrædd og eftir á geta sum þeirra sýnt breytingar í hegðun og líðan. Hjá flestum börnum eru breytingarnar vægar, vara stutt og þau jafna sig algjörlega með tímanum. Hins vegar geta endurteknar upprifjanir um atburðinn valdið vanlíðan og kvíða. Því ber að varast að vera endurtekið að rifja upp atburðinn í viðurvist barnanna og þá sérstaklega yngri barna. Þetta á sérstaklega við um efni í fjölmiðlum.

Óskum eftir að ráða hjúkrunarfræðinga/3ja árs hjúkrunarnema til sumarafleysinga á hand – og lyflæknissvið sjúkrahússins á Selfossi.

Nýr heyrnarmælingarklefi hefur verið tekinn í notkun á heilsugæslustöðinni á Selfossi. Með tilkomu hans verður nú mögulegt að gera áreiðanlegri heyrnamælingar en áður.

Sérhæfð móttaka vegna þvaglekavandamála er á Heilsugæslustöð Selfoss. Þar eru hjúkrunarfræðingur/ ljósmóðir og læknir/ kvensjúkdómalæknir til ráðgjafar.

Móttakan er opin á þriðjudögum frá 15 – 16.

Hægt er að panta tíma í síma 480-5100.

Frá og með fyrsta febrúar breyttist slysa og bráðamóttaka Heilbrigðisstofnunar Suðurlands í Árnes og Rangárvallasýslum. Styrking hefur orðið á vaktinni þannig að núna er hjúkrunarfræðingur allan sólarhringinn staðsettur á bráðamóttökunni á Selfossi. Óbreytt þjónusta er þó í uppsveitum Árnessýslu. Öðrum íbúum svæðisins er bent á að hringja í síma 480 5112 í bráðatilvikum. ALLTAF SKAL ÞÓ NOTA 112 Í NEYÐARTILVIKUM.

Með þessari breytingu er verið að styrkja bráðaþjónustu og efla. Íbúum svæðisins er þá beint á bráðamóttökuna á Selfossi og þar fer fram öll símaþjónusta. Áfram eru vaktir lækna í í Rangárvallasýslu.

Breytingin er til að bregðast við miklu álagi og bæta nýtingu heilbrigðisstarfsmanna og á þann hátt efla dagþjónustu og tryggja öflugri heilsugæslu.

Með breytingunni er möguleiki á að fylgjast lengur og betur með sjúklingum á bráðamóttökunni.

Inflúensa hefur færst í aukana síðastliðnar vikur, sem sést á vaxandi fjölda þeirra sem leita til læknis vegna inflúensulíkra einkenna, sjá mynd
Aukning í síðustu viku (viku 6) er aðallega í ungu fólki á aldrinum 10 – 19 ára, sjá mynd 2. Samtímis hefur fjöldi sýna sem kemur á veirufræðideild Landspítala farið vaxandi og er það inflúensa B sem oftast er staðfest. Í síðustu viku var inflúensa B staðfest hjá 22 einstaklingum, vikuna á undan (viku 5) greindust 15 manns með sýkinguna. Enginn hefur greinst með inflúensu A (svínainflúensu) hérlendis síðastliðnar tvær vikur.

Skv. áætlun um starfsemi Heilbrigðisstofnunar Suðurlands (HSu) á árinu 2011 verða talverðar breytingar á starfsemi stofnunarinnar. Fjárveiting til stofnunarinnar í fjárlögum 2011 var lækkuð um 113 m.kr. Heildarlækkun fjárveitinga til stofnunarinnar árin 2009 – 2011 nemur því samtals um 21 %.

Lausar eru 2 stöður við stofnuna, ein staða sérnámslæknis og staða læknis í Rangárþingi

Frá og með 1. febrúar 2011 mun læknisþjónusta utan dagvinnutíma, þ.e. frá kl. 16:00 – 08:00 á virkum dögum og allar helgar og helgidaga, verða sinnt frá HSu á Selfossi. Þetta á ekki við svæði ð austanvið Holtsós sem fellur áfram undir Heilsugæslustöðina í Vík.

Vaktsími er 480 5112, sími Neyðarlínu er 112.

Eftir sem áður verður neyðarvakt lækna og sjúkraflutningsþjónusta staðsett í Rangárvallasýslu, en sú vakt er boðuð út af ofangreindum aðilum í neyðartilvikum.

Starfsfólk heilsugæslunnar leggur áherslu á að öryggi íbúa verði ekki skert með þessu fyrirkomulagi.

Aðalheiður Guðmundsdóttir hefur tekið við starfi gæða- og verkefnisstjóra við HSu. Helstu verkefni Aðalheiðar eru að fylgja eftir gæðastefnu og gæðamarkmiðum stofnunarinnar og sinna útgáfu gæðahandbókar fyrir HSu. Hún mun hafa umsjón með innleiðingu og fylgir eftir gæða- og öryggismálum á stofnuninni. Hefur umsjón með sýkingavörnum, atvikaskráningu og endurbótum tengdum atvikum og sýkingarvörnum.

Starfsemi Heilbrigðisstofnunar Suðurlands (HSu) á árinu 2010 gekk vel þrátt fyrir ýmsa erfiðleika. Stofnuninni var gert að draga saman útgjöld um 130 m.kr. eða um 6,7 % frá árinu 2009. Skv. bráðabirgðaniðurstöðu er útlit fyrir að það hafi tekist og, að reksturskostnaður stofnunarinnar verði í samræmi við fjárlög ársins

Lyfjakostnaður fyrir Heilbrigðisstofnun Suðurlands í árslok 2010 var 63.9 millj. og lækkaði þessi kostnaður milli ára um rúml. 13 millj. eða rúml. 17%.

Á HSu starfar hnykkjari, Rory Hayes, sem tekið hefur á leigu aðstöðu í kjallara stofnunarinnar.

Á Íslandi hefur nú greinst mjög alvarlegt tilfelli með svínainflúensu (H1N1) sem þarf ECMO meðferð á LSH. Um er að ræða 30 ára gamlan einstakling sem veiktist mjög hastarlega og fékk slæman pneumonitis. Þessi einstaklingur er einungis með væga undirliggjandi áhættuþætti og hafði ekki verið bólusettur.

Á undanförnum vikum hefur töluvert borið á ælupest sem er að ganga víða í Skandinavíu, svokölluð NORO veira en NORO veiran er veira sem tilheyrir hóp veira af Caliciveiru tegund. Þessi veira getur eingöngu valdið einkennum í mönnum og dýr geta ekki veikst eða borið smit.

Undanfarið hefur talsverð umræða farið fram um hvort bólusetning gegn svínainflúensu geti valdið drómasýki.

Af því tilefni vill sóttvarnalæknir árétta eftirfarandi:

Sjúkraflutningamenn á Selfossi hafa á undanförnum árum styrkt fjölskyldur með fjárstyrk um jólahátíðina. Þann 28. desember fór stjórn Félags sjúkraflutningamanna í Árnessýslu og afhenti styrkinn sem er hluti af söluágóða dagatals þeirra og er gefið út af þeim sjálfum.

Óvissan, sem ríkt hefur í haust og vetur með starfsemi heilbrigðisstofnana hefur valdið því, að ekki var hægt að ljúka gerð rekstraráætlunar tímanlega fyrir áramót.
Eftir að ljóst varð hvaða breytingar voru gerðar á frumvarpi til fjárlaga við 2. umræðu nú í desember hefur verið unnið að gerð rekstraráætlunar HSu fyrir árið 2011. Heilbrigðisstofnanir eiga að skila sínum áætlunum fyrri hluta janúar.

Starfsfólk HSu sendir öllum Sunnlendingum sínar bestu óskir um gleðilega jólahátíð og farsæld á nýju ári.

Annie B. Sigfúsdóttir, sérfræðingur í fæðinga- og kvensjúkdómum hefur hafið störf á Hsu. Hún er sérfræðimenntuð á Akademska sjúkrahúsinu í Uppsölum í Svíþjóð og kemur beint þaðan til starfa á Hsu. Veruleg þörf var orðin á að auka við stöðu sérfræðinga í greininni en Jón B Stefánsson sem verið hefur eini sérfræðingurinn á sviði kvensjúkdóma hefur minnkað við sig starfshlutfall.

Öskufok og afleiðingar þess

Eftir að gróður sölnaði er meira öskufok umhverfis Eyjafjallajökul og andleg líðan sveiflast með öskufokinu, mikill munur er að ræða við íbúa þegar logn er og bjart eða í öskufoki þegar loftgæði eru takmörkuð og íbúar tala um að þeir bryðji ösku. Öskufok birgir oft sýn og fólk hefur áhyggjur af framtíðaráhrifum þess. Búið er að birta ítarlegar rannsóknir á ösku frá Eyjafjallajökli sem gerðar voru á 12 rannsóknarstofum í Englandi. Niðurstöður hafa sýnt að varla er mælanlegt magn af brennisteinsefnum í öskunni en þau geta stuðlað að astma og ekki heldur kísilkristöllum (crystalline silica), efni sem talið er hættulegt fyrir lungu manna og getur valdið svokölluðum steinlungum hjá námaverkamönnum sem vinna við ýmsan námagröft og eru í stöðugri snertingu við ryk sem inniheldur þetta efni.

Eins og komið hefur fram í fréttum þá hefur svínainflúensan (H1N1) sem gekk sl. vetur greinst í svínum í svínabúum hér á landi. Þessi svín voru/eru einkennalaus og ekki vitað til að smit hafi borist í menn.

Vegna þessa þá hefur sóttvarnalæknir ákveðið eftirfarandi:

Hjartaheill á Suðurlandi færði stofnuninni peningagjöf að upphæð kr. 1 milljón til kaupa á þolprófsbúnaði. Heilbrigðisstofnun Suðurlands er afar þakklát fyrir þessa höfðinglegu gjöf og finna þann hlýhug sem gjöfinni fylgir. Ómetanlegt er hversu Hjartaheill á Suðurlandi hefur í gegnum árin stutt við stofnunina og haft að leiðarljósi að efla gæði þjónustunnar við sjúklinga.

Hjartaheill á Suðurlandi er deild innan Landssamtaka hjartasjúklinga sem voru stofnuð 2004.  Markmið Hjartaheilla eru m.a. að bæta aðstöðu og tækjakost á sjúkrastofnunum til rannsókna og lækninga á hjartasjúkdómum og skapa aðstöðu til endurhæfingar

Samantekt á 9 mánaða stöðu lyfja- og súrefniskostnaðar hjá HSu sýnir lækkun milli ára um 8.3 millj. eða tæpl. 14%. Að frádregnum lyfjakostnaði fyrir apótekin á Klaustri og Vík er lyfja- og súrefniskostnaður HSu samtals kr. 33.5 millj.

Haustgæðadagur lækna á Hsu var haldin þann 16. nóvember sl. Efni dagsins var rannsóknir við rannsóknarstofuna og notkun sterkra og ávanabindandi lyfja.
Kolbrún Káradóttir, yfirlífeindafræðingur HSu gerði grein fyrir því hvernig til hefði tekist að breyta rannsóknarvenjum lækna á Hsu. Veruleg breyting hefur orðið á þeim rannsóknum sem ætlað var að draga úr hefur fækkað um allt að 90%. Heildarfjöldi rannsókna er 4% minni en á sl.ári sem hafði þá lækkað um 30% frá árinu þar áður. Áframhaldandi gæðastarf og rétt val rannsókna hefur haft þessi áhrif og er sparnaður verulegur, án áhrifa á gæði heilbrigðisþjónustunnar. 
Sjá glærur Kolbrúnar um rannsóknir á HSu mynd0 mynd1
og Matthíasar, Sölutölur fyrir ópíóíða á Norðurlöndum 2004-8

Lionsklúbbarnir í Árnessýslu og Lionsklúbbur Selfoss færðu HSu að gjöf tæki í nýja endurhæfingaraðstöðu sjúkrahússins og hafa tækin þegar verið tekin í notkun.Þetta eru Lionsklúbbarnir Embla, Geysir, í Hveragerði, Laugdæla, Skjaldbreiður,á Selfossi og í Þorlákshöfn.
Um er að ræða tvö styrktarþjálfunartæki að verðmæti kr. 748.599 m.vsk. og var gefið í tilefni opnunar nýrrar sjúkraþjálfunaraðstöðu og heilsugæslustöðvar á Selfossi þann 8. apríl 2010.
Þá gaf Lionsklúbbur Selfoss að auki rafknúna standgrind, TNS tæki, þrekhjól og eyrnaskoðunarhaus að verðmæti kr. 1.244.376 m.vsk. Gjafatæki þessi efla gæði þjónustunnar við skjólstæðinga stofnunarinnar og ómetanlegt er að finna þann hlýhug sem gjöfinni fylgir.

Enn bíðum við á milli vonar og ótta eftir því hvort ákvörðun heilbrigðisráðherra um niðurrif heilbrigðiskerfisins á landbyggðinni verði að veruleika.

Á fundi sem haldinn var með ráðherra, þingmönnum, sveitarstjórnarmönnum og framkvæmdarstjórnum Heilbrigðisstofnana í Suðurkjördæmi (Selfoss, Vestmannaeyjar, Höfn og Suðurnes) kom berlega í ljós að ráðherra virðist ekki vita hvað heilbrigðisþjónusta á landsbyggðinni felur í sér. Það er miður að æðsti ráðamaður heilbrigðisþjónustu landsins geri sér ekki ljóst hve mikilvæg lífæð sjúkrahúsþjónustan er okkur íbúum. Það kom einnig á óvart að ráðherra gerði sér ekki grein fyrir muninum á milli „hátækniþjónustu“ landsspítalans og sjúkrahúsþjónustu landsbyggðarinnar.

Ýmsir hafa óskað eftir upplýsingum um afleiðingar þess, að sjúkrahúsi HSu á Selfossi yrði lokað. Faglegum afleiðingum þess hefur verið lýst í sérstakri samantekt. Varðandi fjárhagslegar afleiðingar er hægt að meta meginstærðir við ákveðna kostnaðarþætti á móti fyrirhuguðum sparnaði. Gróft mat er eftirfarandi:

Fyrirhuguð útgjaldalækkun skv. frumvarpi til fjárlaga 2011 er 412,5 m.kr.

Árlega hafa verið um 1.500 innlagnir á sjúkrahúsi HSu, um 170 fæðingar, auk göngu- og dagdeildarþjónustu.

Í gær þann11. nóvember afhentu Sunnlendingar Guðbjarti Hannessyni heilbrigðisráðherra lista með mótmælum íbúa á Suðurlandi gegn áformuðum niðurskurði á fjárframlögum til heilbrigðisþjónustunnar á Suðurlandi. Við sama tækifæri voru ráðherra einnig afhentir undirskriftalistar úr fleiri heilbrigðisumdæmum.

Alls skrifaði 10.071 íbúi nafn sitt á mótmælalistana á Suðurlandi sem jafngildir því að liðlega helmingur kosningabærra manna í heilbrigðisumdæmi Suðurlands hafi skrifað undir mótmælin en alls eru um 19.200 íbúar á svæðinu 18 ára og eldri. Þá höfðu 2560 eintaklingar einnig skráð mótmæli sín á Facebooksíðu gegn niðurskurðinum á hádegi í dag.

Sunnudaginn 21. nóv. 2010 verður aðstandendadagur á Fossheimum og á Ljósheimum og hefst dagskráin kl.14 á báðum deildum.

Dagskráin verður í léttum dúr með gítarleik og söng sem hin sívinsæla Hjördís Geirsdóttir mun sjá um ásamt nokkrum frænkum. Einnig mun Þóra Grétarsdóttir lesa jólasögu. Að sjálfsögðu verður einnig boðið upp á kaffi og gott meðlæti. Aðstandendadagarnir eru samstarfsverkefni starfsfólks og Vinafélags Ljósheima og Fossheima. Þessir dagar hafa verið fastur liður í starfsemi vinafélagsins.
Komið og eigið notalega stund með aðstandendum, vinum, starfsmönnum og stjórnarmönnum í Vinafélaginu.

Fyrirhugaður niðurskurður á grunnþjónustu á sjúkrahúsum á landsbyggðinni vekur upp áleitnar spurningar. Ljóst er að tillögurnar fela í sér kerfisbreytingu þar sem þungi niðurskurðarins lendir á stofnunum sem nú standa fyrir u.þ.b. 10 % af útgjöldum til heilbrigðismála. Heildarniðurskurðurinn í heilbrigðiskerfinu nemur um 4,7 milljörðum króna, þar af 3 milljarðar á héraðssjúkrahúsunum. Af þessu leiðir að verkefni verða færð frá héraðssjúkrahúsunum til Landspítalans Háskólasjúkrahúss og Fjórðungssjúkrahússins á Akureyri og reyndar að öllum líkindum til einkalæknastofa í Reykjavík. Með þessum niðurskurði er því verið að ráðast í stórfellda kerfisbreytingu á fyrirkomulagi heilbrigðisþjónustunnar í landinu sem ekki hefur farið nein skipulögð umræða um.

Fimmtudag 11. nóvember kl. 16:00 munu hollvinir heilbrigðisþjónustunnar á landinu öllu sameinast um friðsamlegan meðmælafund á Austurvelli. Hollvinir Heilbrigðisstofnanna á Suðurlandi fóru af stað með undirskriftasöfnun til stuðnings heilbrigðisþjónustunni á Suðurlandi og munu stýra fundinu. Hollvinir annarra heilbrigðisstofnana og heilbrigðisþjónustunnar í heild sinni ákváðu að slást í för með Sunnlendingum.

Vegna umræðu í fjölmiðlum að undanförnu um sjúkrahúsþjónustu á landsbyggðinni telur framvæmdastjórn Heilbrigðisstofnunar Suðurlands (HSu) nauðsynlegt að leiðrétta mjög alvarlegan misskilning um þá þjónustu. Ýmsir stjórnmálamenn og fjölmiðlar hafa haldið því fram, að með frumvarpi til fjárlaga 2011 sé verið að flytja sérhæfðustu sjúkrahúsþjónustuna á fáa staði á landinu. Það hefur reyndar komið fram í útskýringum með frumvarpinu. Raunveruleikinn er hins vegar allt annar.

Ég heyrði Guðbjart Hannesson heilbrigðisráðherra sitja fyrir svörum í útvarpsþætti á Rás 2. Ekki er hægt annað en að leiðrétta sumt af því sem hann fór með þar. Ráðherra sagði að nú væri aðeins tekið á móti börnum á sjúkrahúsunum á Ísafirði, Akureyri Neskaupstað Vestmannaeyjum og Akranesi utan Reykjavíkur. Á öðrum stöðum væru fæðingar að leggjast af.

Nei ráðherra.

Það er ekki rétt. Ég tala hér aðeins um Heilbrigðisstofnun Suðurlands (HSu) á Selfossi en þar þekki ég best til enda minn vinnustaður. Á Selfossi er tekið á móti börnum og verður vonandi lengi enn.

Flestir tengja starf ljósmóður við þann merkisatburð sem fæðing barns er og er það mjög eðlilegt. Mörgum ljósmæðrum finnst það að taka á móti barni í þennan heim vera það stórkostlega í starfinu.

Um síðastliðin áramót breyttist starfsemi fæðingadeildar Heilbrigðisstofnunar Suðurlands tölvert þegar hætt var með sólahringsvaktþjónustu svæfinga- og skurðlækna. Fór þá þjónustustig deildarinnar úr C1 í D1 (sjá nánar: http://landlaeknir.is/Pages/1222) sem þýðir að eingöngu eðlilegar fæðingar fara fram á deildinni. Við þessa breytingu hefur að sjálfsögðu fækkað fæðingum á suðurlandi frá því sem var, enda áhættukonum beint á Landspítala háskólasjúkrahús (Lsh) .

Í heilbrigðisþjónustu þarf að skera niður um 4,7 milljarða kr.

Heilbrigðisráðuneytið forgangsraðar niðurskurðinum þannig, að hlífa skuli heilsugæslu og stóru sjúkrahúsunum í R.vík og Akureyri, ásamt Akranesi. Niðurskurðurinn verði hins vegar harkalegur á sjúkrahúsum annarra heilbrigðisstofnana víðst vegar um landið eða um 3 milljarðar kr. Þær stofnanir eru hins vegar með innan við 10 % af heildarfjárveitingu til sjúkrahús- og sérfræðiþjónustu og því verður niðurskurðurinn mjög mikill hjá þeim.

Sá niðurskurður sem boðaður er á Heilbrigðisstofnun Suðurlands er gríðarlegur og með öllu óskiljanlegur. Boðað hefur verið að fjárframlög til sjúkrasviðs HSu muni lækka um 412 milljónir króna á næsta ári, en það jafngildir rekstri hand-og lyflæknisdeildar, skurðstofu og fæðingardeildar.

Hjúkrunar- og ljósmæðraráð Hsu mótmælir harðlega þeirri aðför sem gerð er að Heilbrigðisstofnun Suðurlands í fjárlagafrumvarpi fyrir árið 2011.

Ályktun félagsfundar Kvenfélags Selfoss um niðurskurð á þjónustu sjúkrahússins á Selfossi.

Félagsfundur Kvenfélags Selfoss haldinn 12. október 2010 mótmælir harðlega boðuðum niðurskurði til Heilbrigðisstofnunar Suðurlands sem fram kemur í fjárlagafrumvarpi fyrir árið 2011.

Áhugaverð lesning
Grein eftir Gísla G Auðunsson

Samstöðufundur 11. Október klukkan 17.00 – 19.00 við Hótel Selfoss, ármegin.
Mætum öll!

Þann 4. okt. var haldinn starfsmannafundur vegna fyrirhugaðs niðurskurðar stjórnvalda samkvæmt fjárlögum 2011. Fundurinn var vel sóttur og kynnti Magnús Skúlason forstjóri málið fyrir starfsmönnum. Samkvæmt fjárlagafrumvarpinu verður 16% niðurskurður á Heilbrigðisstofnun Suðurlands, eða um 412 milljónir króna, þar af 56,5% á sjúkrahússviði stofnunarinnar. Þetta er gríðarlegt högg á stofnunina og er starfsfólki verulega brugðið, því samkv. þessu myndu nokkuð margir af þeim 240 sem við stofnuna starfa, missa vinnuna. Niðurskurðinn jafngildir þeim fjármunum sem þarf til að starfrækja sjúkra-og fæðingadeildir, skurðstofu og læknisþjónustu sjúkrahússins á ársgrundvelli.

Læknaráð HSu mótmælir fyrirhuguðum stórfelldum niðurskurði til Heilbrigðisstofnunar Suðurlands á fjárlagatillögum 2011, en boðað hefur verið að fjárframlög til sjúkrasviðs HSu muni lækka um 412 milljónir króna á næsta ári.

Rekstrarkostnaður sjúkraviðs HSu árið 2010 er ætlaður um 900 milljónir króna og er hlutfall kostnaðar af rekstri sjúkrasviðsins sjálfs vegna legudeilda, skurðstofu og fæðinga rösklega 400 milljónir króna á ársgrundvelli. Afgangur upphæðarinnar fer í rekstur ýmissa stoðdeilda t.d. myndgreiningar og rannsóknarstofu sem af sögulegum ástæðum eru flokkaðar með sjúkrasviði þó megnið af starfsemi þeirra snúi að þjónustu við heilsugæslu.

Stjórn Starfsmannafélags HSu mótmælir harðlega þeim niðurskurði til stofnunarinnar sem fram kemur í drögum að fjarlögum 2011.

Jafnframt skorar stjórnin á sveitarstjórnar- og alþingismenn að beita sér fyrir leiðréttingu þessara mála.

Þann 16. september sl. undirrituðu Sveitarfélagið Árborg og Íslandsbanki kaupsamning vegna Björgunarmiðstöðvarinnar að Árvegi 1 Selfossi. Þar munu Sjúkraflutningar Heilbrigðisstofnunar Suðurlands, Björgunarfélag Árborgar og Brunavarnir Árnessýslu fá sitt framtíðarhúsnæði. Húsnæðið er ekki fullbúið, en nú verður lagt kapp á að ljúka þar öllum framkvæmdum, svo hægt verði að nýta það að fullu.

Málefni hússins hafa verið mikið í umræðunni undanfarið en bæði Íslandsbanki og Sveitarfélagið Árborg voru sammála um mikilvægi þess að fá niðurstöðu í málið. Sveitarfélagið mun innheimta leigutekjur vegna húsnæðisins og munu þær standa undir afborgunum vegna kaupanna og rekstri hússins .

Á Heilbrigðisstofnun Suðurlands (HSu) er verið að taka í notkun tölvusneiðmyndatæki, sem var keypt fyrir gjafafé frá Líknarsjóði Harðar Þorgeirssonar og Unnar Guðmundsdóttur. Vinna við uppsetningu tækisins og fylgibúnaðar hófst sl. vor og í sumar hefur tækið verið reynslukeyrt og starfsfólk þjálfað. Tækið er af gerðinni General Electric Healthcare LightSpeed – 16 sneiða tölvusneiðmyndatæki fyrir allar almennar tölvusneiðmyndarannsóknir. Það hefur verið í notkun á LSH sl. sex ár.

verður haldinn í Tryggvaskála mánudaginn 16. ágúst kl. 15.00

Tilefni fundarins er skýrsla um endurskipulagningu sjúkrahúsþjónustu á Suðvesturhorninu sem unnin var að tilhlutan Heilbrigðisráðneytisins sl. vetur og úttekt Guðrúnar Bryndísar Karlsdóttu verkfræðings á skýrslunni. Á fundinum mun Guðrún Bryndís gera grein fyrir úttekt sinni og Magnús Skúlason framkvæmdastjóri HSu mun greina frá horfum í rekstri og þjónustu stofnunarinnar í ljósi hugmynda um endurskipulagningu sjúkrahúsþjónustunnar. Heilbrigðisráðherra og þingmönnum Suðurkjördæmisins hefur sérstaklega verið boðið til fundarins.

Fundurinn er öllum opinn.

Samtök sunnlenskra sveitarfélaga

Talsverðar framkvæmdir standa nú yfir við húsnæði og lóðir HSu. Á Hellu hafa á sl. ári staðið yfir framkvæmdir við tengibyggingu milli húsnæðis heilsguæslunnar við Suðurlandsveg 3 og verslunar- og skrifstofuhúsnæðis í næsta húsi. Nýr inngangur verður að heilsugæslunni og aðkoma að henni mun betri og þægilegri en áður. Gert er ráð fyrir, að þeim framkvæmdum ljúki í haust.

Á Selfossi er verið að ljúka við malbikun á bílastæðum austan við sjúkrahúsið og næstu daga byrja framkvæmdir við endurnýjun á þaki sjúkrahússins. Búið er að standsetja húsnæði fyrir mun stærri og betri bráðamóttöku og verður starfsemin flutt þangað á næstu dögum. Þá er búið að taka í notkun tölvusneiðmyndatæki, sem keypt var fyrir gjafafé.

Á Hvolsvelli er verið að byrja á malbikun bílastæða við heilsugæsluna, en bílastæði og gangstéttir voru illa farin og hættuleg.

Í Vík og í Laugarási eru að hefjast utanhússviðgerðir á læknisbústöðum vegna leka ofl. skemmda.

Sjúkraflutningar á Suðurlandi verða með óbreyttum hætti þrátt fyrir boðaðar verkfallsaðgerðir Landssambands slökkviliðs- og sjúkraflutningamanna. Heilbrigðisstofnun Suðurlands (HSu) annast sjúkraflutninga í Árnes-, Rangárvalla- og Vestur- Skaftafellssýslu. Boðað verkfall nær ekki til sjúkraflutninga sem HSu annast.

Guðrún Kormáksdóttir, deildarstjóri á heilsugæslu Selfoss hefur verið ráðin sem deildarstjóri hand- og lyflækningadeildar HSu. Hún var valin úr hópi þriggja umsækjanda um stöðuna. Guðrún hefur starfað við stofnunina frá árinu 1989, á hand- og lyflækningadeild, fæðingadeild og heilsugæslu. Guðrún útskrifaðist úr hjúkrunarfræði árið 1989, lauk embættisprófi í ljósmóðurfræðum árið 2002 og stundar nú meistaranám í hjúkrun við H.Í. Guðrún er boðin velkomin til nýrra starfa innan stofnunarinnar og óskað velfarnaðar í störfum sínum.

Heilbrigðisráðherra afhenti gæðastyrki heilbrigðisráðuneytisins í gær 24. júní, en 16 verkefni hlutu styrk. Alls bárust 54 umsóknir um styrkina, en sótt var um vegna fjölbreytta verkefna. Heilbrigðisstofnun Suðurlands var einn af styrkþegum.

Sjá heimasíðu Heilbrigðisráðuneytisins.

Ómar Þorsteinn Árnason, bæklunarlæknir verður með móttöku á heilsugæslustöðinni á Selfossi 12-16 júli nk. Pantið tíma í síma 4805100

Árlega berast stofnuninni gjafir í formi tækja- og peningaframlaga, bæði frá félagasamtökum, fyrirtækjum og einstaklingum.

Innan stofnunarinnar eru til gjafasjóðir á eftirtöldum stöðum: Selfossi, Laugarási, Rangárþingi, Vík, Klaustri, Hveragerði og Þorlákshöfn.
Meðferð þessara sjóða og bókfærsla er samkvæmt reglugerð ríkisendurskoðunar.
Beiðni um ráðstöfun úr gjafasjóðum fer fyrir framkvæmdastjórn, sem er ákvörðunaraðili ásamt yfirstjórnendum. Einnig leitar framkvæmdastjórn eftir faglegu áliti lækna- og hjúkrunarráðs ef um ráðstöfun er að ræða fyrir lækninga- og hjúkrunartækjum.
Esther Óskarsdóttir, skrifstofustjóri hefur umsjón með gjafasjóðum stofnunarinnar bæði varðandi samskipti við gefendur, endurgreiðslu á virðisaukaskatti gjafatækja, bókfærslu sjóða og samantekt.

Vegna umræðna undanfarið um hugsanleg líkamleg áhrif ösku frá eldgosum vill sóttvarnalæknir upplýsa um eftirfarandi.

Erlendar rannsóknir á einstaklingum sem útsettir hafa verið fyrir miklu öskufalli hafa leitt í ljós að einkum má búast við að sjá bráð einkenni frá öndunarvegum og augum í miklu öskufalli. Þessi einkenni eru einkum erting í slímhúð og augum, þyngsli fyrir brjósti og öndunarerfiðleikar. Einstaklingar með undirliggjandi langvarandi öndunarfærasjúkdóma eins og COPD eru einkum í hættu að fá bráð einkenni og því mikilvægt að þeir taki sín fyrirbyggjandi lyf samviskusamlega.

• Um þessar mundir berst aska frá eldgosi í Eyjafjallajökli. Askan er samsett úr fínum ögnum og stærri ögnum. Vindátt og aðrar aðstæður ráða því hvar askan fellur.
  Gosaska getur haft áhrif á fólk en helstu einkenni eru frá:

Í tilefni 12.maí alþjóðadegi hjúkrunarfræðinga ætlum við hjá Suðurlandsdeild Félags íslenskra hjúkrunarfræðinga ásamt hjúkrunar-og ljósmæðraráði HSu. að bjóða uppá nokkra fyrirlestra flutta af hjúkrunarfræðingum og ljósmóður. 
Fyrirlestrarnir verða haldnir í fundarsal HSu. í nýbyggingu kl: 14-16. 12.maí.

Þann 29. apríl sl. barst stofnuninni tilkynning um arf frá Þórhalli Guðnasyni til hjúkrunardeildar Ljósheima og reyndist þessi upphæð vera samtals kr. 11.249.442.-
Þórhallur var heimilismaður á Ljósheimum – fæddur 12.sept. 1933 og dáinn 30.maí 2009. Heilbrigðisstofnun Suðurlands þakkar þessa höfðinglegu gjöf.
Blessuð sé minning Þórhalls Guðnasonar.

Nýlega var haldinn gæðadagur HSu og er þetta í annað sinn sem slíkt er gert. Aðal viðfangsefni dagsins voru:  •Rannsóknatíðni á HSu, •Viðmið við val á réttum sýklalyfjum, •Ávísanavenjur Sunnlenskra lækna og •Nýjungar í myndgreiningu.

Þjónusta læknis og hjúkrunarfræðings er veitt við heilsugæslustöðvarnar á Hellu (sími 4805320) og Hvolsvelli (4805330) á dagvinnutíma og utan þess tíma sinnir vakthafandi læknir bráðatilvikum, sími 4805111

Búið er að opna sérstakan þjónustusíma heilsugæslunnar í Rangárþingi, 8965080, vegna líkamlegrar og andlegrar vanliðan tengd eldgosi. Síminn er opinn milli 8-16 en framvísað á síma RKÍ 1717 utan þess tíma. Í þessu númeri er tekið við beiðnum um þjónustu.

Í íbúamiðstöð að samkomuhúsinu Hvoli Hvolsvelli er hægt að setjast niður í spjall og kaffi. Þar liggja frammi upplýsingar og bæklingar vegna eldgoss og afleiðinga þess og þar er einnig skráðar niður beiðnir um frekari aðstoð.

Að Heimalandi V-Eyjafjöllum er opin íbúamiðstöð kringum hádegið og fram eftir degi. Þar er einnig veitt tímabundið ákveðin þjónusta heilsugæslu og sálfræðiþjónusta en upplýsingar um nánari viðverutíma eru veittar á staðnum og Heilsugæslu Rangárþings.

Sigríður Bergsteinsdóttir, geislafræðingur og Unnur Zophoníasdóttir, sjúkraliði létu nýlega af störfum við stofnunina. Unnur eftir 26 ára starf við stofnunina en hún varð 70 ára 20. mars sl. Sigríður, geislafræðingur, eftir 23 ára starf við stofnunina en hún varð 69 ára 12. apríl sl. 
Í kveðjuhófi sem haldið var þeim til heiðurs fengu þær afhent falleg armbandsúr sem þakklætisvott fyrir frábær störf og samskipti við stofnunina öll þessi ár.

Flutningur heilsugæslunnar á Selfossi í nýtt og glæsilegt húsnæði markar tímamót í starfsemi stöðvarinnar. Áralöng bið eftir stærra húsnæði á jarðhæð nýbyggingarinnar við Heilbrigðisstofnun Suðurlands er nú loks á enda og er starfsfólk þakklátt og ánægt með áfangann. Með auknu rými og bættri aðstöðu skapast ný tækifæri í þjónustu við íbúa á Suðurlandi og stefnum við að því að efla hana með ýmsu móti.

Síðari hluti nýrrar viðbyggingar við Heilbrigðisstofnun Suðurlands (HSu) á Selfossi verður formlega tekinn í notkun í dag. Að lokinni vígsluathöfn fimmtudaginn 8. apríl verður opið hús fyrir almenning til að skoða nýbygginguna frá kl. 16:30 – 18:00.

Með tilkomu nýju byggingarinnar fær heilsugæslan nýtt og mun rúmbetra húsnæði á 1. hæð, endurhæfingaraðstaða verður stórbætt, auk þess sem nýr og stórglæsilegur aðalinngangur og anddyri voru tekin í notkun í ársbyrjun 2008. Þá fjölgaði hjúkrunarrýmum fyrir aldraða úr 26 í 40 á Selfossi, eða um tæp 60%. Unnið er að undirbúningi endurbóta á eldri byggingunni þar sem bætt verður aðstaða fyrir sjúkrahús, sérfræðimóttökur og skrifstofur. Stefnt er að því að hefja nauðsynlegar breytingar á eldri byggingunni næsta haust. 

HSu hefur á undanförnum mánuðum unnið að endurskipulagningu og hagræðingu í starfssemi stofnunarinnar. Ein af þeim aðgerðum sem fyrirhugað var að ráðast í var að fækka mönnuðum sjúkrabílum á nóttunni úr 2 í 1. Í þeirri breytingu fólst að segja varð upp 4 sjúkraflutningamönnum og áttu þessar breytingar að taka gildi 1. apríl næstkomandi.

Stjórn Læknaráðs HSu hefur kynnt sér ofangreinda skýrslu Heilbrigðisráðuneytisins (frá í nóv/des.2009). Vissulega er um þarfa skýrslu að ræða en við nánari athugun á innihaldi skýrslunnar koma í ljós fjölmörg atriði sem sýna að því miður hefur efni skýrslunnar ekki verið nægilega vel unnið og ekki eru borin saman sambærileg atriði þegar dregnar eru ályktanir. Þetta er mjög miður því lengi hefur verið beðið eftir vandaðri úttekt sem tekur tillit til hvaða heilbrigðisþjónustu er verið að veita á Íslandi og hvernig hægt er að breyta núverandi þjónustu í samræmi við kröfur um nærþjónustu, bættar samgöngur, breytta uppbyggingu og samruna svæða, nútíma faglegar kröfur, væntingar samfélagsins og ekki síst kostnaðarlega hagkvæmni.

Framkvæmdum er að ljúka við viðbyggingu HSu á Selfossi. Verktakar eru að ljúka sínum störfum í kjallara í lok vikunnar. Verið er að koma fyrir búnaði á nýju heilsugsæslustöðina á 1. hæð. Í næstu viku fer fram hreingerning í kjallaranum og að því loknu verður búnaði komið fyrir í hinni nýju og glæsilegum aðstöðu fyrir endurhæfingu og ýmsa stoðþjónustu. Stefnt er að því að bjóða starfsfólki að skoða hið nýja húsnæði í lok þessarar viku. Fimmtudaginn 8. apríl verður hið nýja húsnæði síðan formlega tekið í notkun að viðstöddum heilbrigðisráðherra. Gert er ráð fyrir því að þann dag kl. 16:30 – 18 verði hið nýja húsnæði opið fyrir almenning til skoðunar.

Kvenfélag Selfoss afhenti nýlega stjórnendum HSu veglega gjöf. Um er að ræða peninga sem ætluð er  í kaup á sónartæki að upphæð kr. 250.000, 2 loftdýnur fyrir hand- og lyflæknisdeild sjúkrahússins að verðmæti kr. 423.000 og 2 kort LP12 fyrir hjartasírita sjúkrabifreiðar að verðmæti kr. 200.000.-.

Nýlega gaf Kvenfélag Eyrarbakka (KE) hjúkrunardeildinni Fossheimum lyfjadælu að andvirði kr. 180.000

Stjórn KE afhenti gjöfina við hátíðlega athöfn áFossheimum og fulltrúar HSu þær Esther Óskarsdóttir, skrifstofustjóri, Ásta Sigríður Sigurðardóttir, deildarstjóri og Sigurbjörg Björgvinsdóttir, aðstoðardeildarstjóri veittu henni viðtöku og afhentu formanni KE, Kristínu Eiríksdóttur þakkar-og viðurkenningarskjal frá stofnuninni. Fulltrúar KE auk formanns voru þær Sigríður Óskarsdóttir, gjaldkeri og meðstjórnendurnir Eygerður Þórisdóttir og Erla Sigurjónsdóttir.

Þess má geta að Kvenfélag Eyrarbakka er 122 ára gamalt, stofnað árið 1888 og 70 konur eru í félaginu.

Gjöf sem þessi kemur sér afskaplega vel fyrir starfsemi deildarinnar og samtímis eflir hún gæði þjónustunnar við sjúklinga og var kvenfélagskonum þökkuð gjöfin og fyrir þann hlýhug sem fylgir.

Í dag var undirritaður á Höfn í Hornafirði þjónustusamningur milli Heilbrigðisstofnunar Suðurlands (HSu) og Heilbrigðisstofnunar Suðausturlands (HSSA) sem felur í sér samstarf um læknisþjónustu, símsvörun og fleiri þætti. Samkvæmt samningnum mun barnalæknir frá HSu starfa á HSSA tvo daga í mánuði. Ennfremur verður HSSA aðili að samningi um símaþjónustu á nóttunni. Frá kl.24:00 til 08:00 verður sameiginleg símsvörun, þar sem hjúkrunarfræðingar vísa símanum áfram til vakthafandi læknis ef þörf er á læknisaðstoð. Allar blóðrannsóknir, sem ekki eru gerðar á Höfn, en hægt er að gera á Rannsóknadeild HSu á Selfossi verða sendar þangað.

Aðalfundur Starfsmannafélags Heilbrigðisstofnunar Suðurlands haldinn á Selfossi þriðjudaginn 23. febrúar s.l. harmar þann niðurskurð sem verið hefur og væntanlegur er á fjárveitingum til stofnunarinnar.

Fundurinn lýsir yfir áhyggjum sínum á að stofnunin geti ekki staðið undir starfsemi sinni og komi þá til uppsagna starfsfólks.

Hjúkrunar- og ljósmæðraráð HSu hefur sent þingmönnum Suðurkjördæmis svohljóðandi bréf:

Efni: Áhyggjur hjúkrunar- og ljósmæðraráðs HSu á niðurskurði og skertri þjónustu Heilbrigðisstofnunar Suðurlands.

Að undanförnu hefur mikil umræða farið fram í fjölmiðlum varðandi niðurskurð í heilbrigðisgeiranum og þá skýrslu sem kom út í árslok 2009 “Frá orði til athafna” um greiningu á kostnaði og ábata af tilfærsu verkefna milli sjúkrahúsanna á suðvesturhorni landsins.

Háværar raddir hafa verið um niðurskurð á Heilbrigðisstofnun Suðurnesja en hljótt hefur verið um þann niðurskurð sem nú þegar hefur orðið á Heilbrigðisstofnun Suðurlands, en þar hafa yfirmenn unnið ásamt starfsfólki að því að finna leiðir svo hægt væri að komast hjá því að segja upp fleirra starfsfólki og loka deildum. Ljóst var strax í haust að til að ná fram þessum mikla sparnaði varð að hrinda strax í framkvæmd ákvörðun fyrrum heilbrigðisráðherra og hluta þeirra tillagna sem komu fram í skýrslunni “Frá orði til athafna”.

Nýútkomin „greining á kostnaði og ábata af tilfærslu verkefna“ milli sjúkrahúsanna á suðvesturhorni landsins hefur verið nokkuð til umfjöllunar að undanförnu. Við kynningu heilbrigðisráðuneytisnins á greiningunni skömmu fyrir jól lagði heilbrigðisráðherra áherslu á, að greiningin væri fyrst og fremst vinnugagn, sem fara þyrfti betur yfir, taka tillit til athugasemda ofl. áður en ráðist yrði í umfangsmiklar breytingar, sem byggðust á niðurstöðum greiningarinnar.

Helstu niðurstöðum þessa vinnugagns hefur verið slegið upp í fjölmiðlum og hagsmunaaðilar nýtt sér þær til að hvetja til fljótfærnislegra breytinga á sjúkrahúsþjónustunni.

Í byrjun árs 2009 sendi Heilbrigðisráðuneytið frá sér tilkynningu um að vöktum fæðingar og svæfingarlækna skyldi hætt á HSu, HSS og SHA. Síðan þá hefur verið unnið að því að reyna að tryggja starfsemina og öryggi íbúa Suðurlands og verðandi mæðra með því að efla samstarfið við LSH . Nú hefur verið undirritað samkomulag þess eðlis. Um er að ræða náið samstarf og verkferla sem eiga að auka á öryggið. Þungaðar konur í áhættuhóp fá ekki að fæða á Selfossi og verður vísað á LSH.

Heilbrigðisráðherra, Álfheiður Ingadóttir, kynnti hugmyndir um endurskipulagningu sjúkrahúsþjónustu á Suðvesturhorninu á starfsmannafundi HSu á Selfossi 16. desember sl. Verkið var unnið af hópi manna á vegum heilbrigðisráðuneytisins. Margt í niðurstöðum vinnuhópsins bendir til talsverðrar fjárhagslegrar hagkvæmni með tilflutningi verkefna milli sjúkrahúsanna á Suðvesturhorninu. Starfshópurinn gerir engar tillögur í sjálfu sér enda er skýrslan aðeins greining á kostnaði og ábata sem ná mætti með tilfærslu verkefna miðað við tilteknar gefnar forsendur. Ráðherra leggur áherslu á að horfa þurfi til fleiri þátta en þess fjárhagslega, það þurfi að horfa til sjúklinganna, þæginda og velferðar þeirra.  Skýrslu vinnuhópsins má nálgast á vef heilbrigðisráðuneytisins.

Heilbrigðisstofnun Suðurlands (HSu) hefur séð um sjúkraflutninga í Árnessýslu á undanförnum árum, tók við þeim af Lögreglunni í Árnessýslu sem hafði umsjón með þeim áður. Strax þegar HSu tók við sjúkraflutningunum voru ráðnir til starfa 12 sjúkraflutningamenn og einn í fasta afleysingu. Þá var um að ræða verulega aukningu, því lögreglan hafði aðeins haft örfá stöðugildi til þessara verka.

Vaskur hópur sjúkraflutningamanna tók þá til starfa og er augljóst, að með þessari aukningu varð úr mjög öflugt lið sjúkraflutningamanna sem starfa inni á HSu sem heilbrigðisstarfsmenn. Þeirra þáttur í heilbrigðisþjónustu við íbúa á Suðurlandi er því mjög mikilvægur og falla þeir vel inn í starfandi teymi heilbrigðisstarfsmanna á Suðurlandi

Allt bóluefnið sem kom á HSu er nú búið og er ekki væntanleg ný sending fyrr en í janúar. Fólki er bent á að hægt er að hringja og panta tíma 6. janúar 2010.

Vegna umfjöllunar í fjölmiðlum síðustu daga varðandi breytingar á sjúkraflutningum í Árnessýslu telur Heilbrigðisstofnun Suðurlands nauðsynlegt að eftirfarandi upplýsingar komi fram.

Sú næturvakt, sem til stendur að breyta í bakvakt frá og með 1. mars nk., var sett á 1. júní 2008 og hefur því eingöngu verið til staðar í 1 ½ ár. Fram til þess tíma hafði verið mikil fjölgun sjúkraflutninga í nokkur ár og var því talið nauðsynlegt að setja þessa vakt á. Á fyrstu átta mánuðum þessa árs hefur hins vegar orðið mikil fækkun sjúkraflutninga miðað við sömu mánuði á árinu 2008. Um nætur hefur sjúkraflutningum fækkað um rúmlega 20 % og hafa því verið færri en sömu mánuði á árunum 2007 og 2008. Þessi breyting gaf því fullt tilefni til að færa skipulag sjúkraflutninga í sama horf og var fyrir 1. júní 2008, en þá var þessi þjónusta talin vera til fyrirmyndar og með því besta sem gerðist á landinu.

Nú um áramótin mun þjónusta fæðingadeildar Heilbrigðisstofnunar Suðurlands (HSu) breytast . Vaktþjónusta fæðingalæknis og svæfingalæknis mun ekki lengur vera fyrir hendi og því munu áhættufæðingar færast yfir á Landspítala Háskólasjúkrahús (LSH). Því munu eingöngu eðlilegar fæðingar fara fram á fæðingadeild HSu. Um 80 % allra fæðinga eru eðlilegar fæðingar þannig að mikil meirihluti fæðandi kvenna mun áfram eiga þessa kost að fæða barnið sitt í notalegu og faglegu umhverfi hjá ljósmæðrum á Suðurlandi.

Nýlega afhenti Krabbameinsfélag Árnessýslu heilbrigðisstofnuninni peningagjöf að upphæð kr. 700.000 sem framlag félagsmanna vegna kaupa á nýju sónartæki fyrir stofnunina. Forstjóri HSu Magnús Skúlason og Esther Óskarsdóttir, skrifstofustjóri veittu gjöfinni viðtöku en fulltrúar félagsins voru þær Rannveig Árnadóttir og Ingibjörg Jóhannesdóttir

Vegna tafa á afhendingu bóluefnis mun ekki verða hægt að taka á móti tímapöntunum í bólusetningu fyrr en 15.desember n.k.
Ekkert bóluefnin er til sem stendur og ekki von á næsta skammti fyrr en þá og magn óvíst.

Gífurlegt álag er á símkerfi og starfsfólk heilsugæslustöðvanna um þessar mundir vegna bókunar í svínaflensubólusetningu (H1N1). Á tímbilinu kl. 8 – 10 í gærmorgun fengu t.d. um 500 manns tíma í bólusetningu á Selfossi og 100 í Þorlákshöfn svo álag er mikið á öllum heilsugæslustöðvum HSu. Þá var álíka fjölda bent á að hafa samband í næstu viku (30/11.) en ekki er til meira bóluefni.

Aukafólk var kallað út til þess að aðstoða móttökuritara en allt kom fyrir ekki og þegar mest var voru upp undir 30 manns á bið í símkerfinu. Margir hafa því þurft að bíða dágóða stund áður en þeir náðu sambandi. Einhverjir hafa sjálfsagt gefist upp á biðinni. Símstöðin stóðst þó þetta mikla álag. Margir komu á heilsugæslustöðvarnar og eðlilega þurfti að sinna þeim líka.

Það eru því vinsamleg tilmæli til íbúa á svæðinu að þeir sýni þolinmæði og skilning meðan þetta ástand varir. Allir starfsmenn HSu reyna að gera sitt besta .

Óskir hafa komið frá heilsugæslustöðvum um að foreldrar/forráðamenn útfylli eyðublað fyrir unglinga <18 ára sem vilja senda börn sín ein í bólusetningu gegn svínainflúensu.

Það er alls ekki svo að unglingar þurfi að mæta með slík undirrituð blöð en meðfylgjandi eru staðlað eyðublað sem nota má í slíkum tilvikum. Vakin er athygli á því að þetta eyðublað má nálgast hér og á http://www.influensa.is/.

Þann 12. nóv. sl. var haldinn á HSu svokallaður rannsóknadagur og er þetta í annað skipti á árinu. Læknar og lífeindafræðingar stofnunarinnar áttu veg og vanda að öllum undirbúningi.

Fengnir voru fyrirlesarar frá Landspítala (LSH) og Landlæknisembættinu, þeir Karl Kristinsson, yfirlæknir á sýkladeild LSH og Þórólfur Guðnason, yfirlæknir á sóttvarnasviði Landlæknisembættisins. Þá var Kolbrún Káradóttir, yfirlífeindafræðingur HSu með erindi þar sem hún kynnti niðurstöður rannsókna síðustu mánaða á HSu.

Mikið annríki hefur verið á heilsugæslustöðvum HSu undanfarnar vikur. Bólusettir hafa verið 3200 Sunnlendingar. Fyrstir til að fá bólusetniningu gegn svínainflúensu voru starfsmenn heilbrigðisstofnana. Einnig voru í forgangi ófrískar konur og sjúklingar með undirliggjandi sjúkdóma. Þeir sem tilheyra þeim hópum og ekki hafa fengið bólusetningu eru hvattir til að panta sér tíma sem fyrst.

Sóttvarnalæknir Suðurlands, Óskar Reykdalsson, framkvæmdastjóri lækninga á HSu hvetur fólk til þess að láta bólusetja sig, þannig er hægt að hefta útbreiðslu sýkingarinnar.

Heilbrigðisráðherra hefur tilkynnt að ekki þurfi að greiða fyrir bólusetninguna.

Frá og með 16. nóvember getur almenningur byrjað að pantað tíma. Bóluefnið kemur eftir fyrirfram ákveðnu skipulagi og efir því er bókað í tíma. Athugið að það er nauðsynlegt er að panta tíma.

Kjartan J. Kjartansson, geðlæknir hefur verið ráðinn í stöðu geðlæknis á HSu og mun hann sinna geðþjónustu við fangelsið á Litla Hrauni. Kjartan hlaut sérfræðiviðurkenningu í geðlækningum árið 1991 og hefur starfað sem slíkur á Landspítalanum frá þeim tíma og hefur hann m.a. reynslu af störfum með áfallahjálparteymi. Kjartan hefur þegar hafið störf á HSu og er hann boðinn velkominn til starfa. Enginn geðlæknir hefur verið við stofnunina frá því sl. vor.

Inflúensubólusetning stendur nú yfir á heilsugæslustöðvum. Opin móttaka er kl.8-9 á morgnana og kl.13-14 e.h., í dag þriðjudag 20.okt, á morgun miðvikudag 21. okt. og fimmtudag 22. október. Eftir það er hægt að fá bólusetningu hjá heimilislækni og/eða hjúkrunarfræðingi.

Ath. að þetta er bólusetning við hinni venjulegu árstíðabundnu inflúensu en ekki við svínainflúensu.

Miklar annir eru nú á heilsugæslustöðvum vegna inflúensunnar.
Það eru því vinsamleg tilmæli til íbúa á svæðinu að fresta komum á heilsugæsluna ef unnt er.

Rétt er þó að benda á að heilsugæslustöðvarnar eru opnar og að tekið verður á móti öllum sem þangað leita eins og ávallt er gert.

Á HSu á Selfossi starfar Sigurjón Vilbergsson, sérfræðingur í lyflækningum og meltingarsjúkdómum. Hann framkvæmir bæði maga- og ristilspeglanir á sjúkrahúsinu og er hann einnig með móttöku sjúklinga einu sinni í viku. Jafnframt þessu starfar hann á lyflækningadeild sjúkrahússins.

Á HSu starfar Ágúst Örn Sverrisson, sérfræðingur í hjartasjúkdómum en hann er jafnframt yfirlæknir sjúkrasviðs stofnunarinnar. Hann sinnir göngudeild lyflækninga og þar eru gerðar ýmsar rannsóknir á sjúklingum sem grunaðir eru um hjartasjúkdóma eða hafa verið greindir með slíkt.  Má þar nefna áreynslupróf, sólarhrings blóðþrýstingsmælingu, hjartarafritun (Holter) og hjartaómskoðun.

Heilbrigðisstofnun Suðurlands (HSu) og Sjúkratryggingar Íslands (SÍ) hafa gert samkomulag um, að HSu veiti alhliða göngudeildarþjónustu í bæklunarskurðlækningum. Um er að ræða viðtöl við bæklunarskurðlækna og allar almennar aðgerðir svo sem liðspeglanir, sem ekki krefst innlagnar á sjúkrahús.

Sóttvarnarlæknar og lögreglustjórar vinna nú að skipulagningu á bólusetningu vegna H1N1 inflúensunnar sem núna gengur um landið.

Búast má við fyrstu skömmtunum í lok september og þá hefst bólusetningin. Vanda þarf til verks enda jafn viðamikil bólusetning ekki farið fram áður á jafn skömmum tíma.

Á næstu dögum verður gefin út áætlun um það hverjir verða bólusettir. Nýja bóluefnið er keimlíkt bóluefninu við fuglaflensunni og því töluvert notað án þess að nokkur merki um alvarlegar aukaverkanir hafi komið fram. Tugir þúsunda hafa nú þegar verið sprautaðir og gengið vel. Góð vörn myndast af bóluefninu. BÓLUEFNIÐ ER ÞVÍ ÖRUGGT OG ÁRANGURSR’IKT.
Stjórnendur á HSu eru nú að hefja undirbúning á hverjum stað fyrir sig og þá kemur skýrar í ljós hvernig framkvæmdin verður. Aðeins verður bólusett á heilsugæslustöðvum til að hámarka nýtingu efnisins.

Við bráð, alvarleg veikindi skal hringja í 112.

Við önnur veikindi vegna inflúensu skal hringja í heilsugæslustöðina á sínu heimasvæði á dagvinnutíma. Eftir dagvinnutíma frá 16:00 til 08:00 virka daga og allan sólarhringinn um helgar er hægt að hringja ýmist í vaktþjónustu viðkomandi landshluta eða Læknavaktina í síma 1770. Læknavaktin er með vaktþjónustu á höfuðborgarsvæðinu en sinnir einnig fyrirspurnum sem berast frá landsbyggðinni.

Hjálparsími Rauða Krossins, 1717, veitir almennar upplýsingar um inflúensu A (H1N1)v, en sóttvarnalæknir hefur annast fræðslu fyrir starfsmenn og sjálfboðaliða Hjálparsímans. Hjálparsíminn er gjaldfrjáls og opinn allan sólarhringinn. Markmið með símsvörun Hjálparsímans er að draga úr almennum ótta og minnka álag á heilbrigðisþjónustuna. Hjálparsíminn svarar ekki fyrirspurnum er varða veikindi þeirra sem hringja eða aðstandenda þeirra, öllum slíkum spurningum verður beint á heilsugæslu viðkomandi svæðis eða Læknavaktina.

Alls hafa greinst 142 tilfelli með staðfesta inflúensu A(H1N1)v sýkingu á Íslandi samkvæmt upplýsingum frá veirufræðideild Landspítala frá því í maí 2009. Þar af eru 79 karlar og 63 konur. Ekki er vitað um alvarleg veikindi af völdum inflúensu A(H1N1)v veirunnar hérlendis.

Fáir þurfa meðferð. Hlutfallslega færri eru staðfestir með sýkinguna en fyrr en skýrist það að mestu af því að sýni eru ekki lengur tekin úr öllum sem hafa inflúensulík einkenni. Einhver dæmi eru um lungnabólgu í kjölfar sýkingarinnar.

Egill Rafn Sigurgeirsson mun að eigin ósk hætta sem yfirlæknir við heilsugæsluna á Selfossi þann 1. september nk.  Egill hefur verið yfirlæknir við heilsugæslustöðina á Selfossi frá 2001. Hann mun áfram starfa sem heimilislæknir og sinna sínum sjúklingum áfram. Framkvæmdastjórn þakkar Agli þáttöku í stjórnun stofnunarinnar þessi ár.

Við starfi hans tekur Arnar Þór Guðmundsson sérfræðingur í heimilislækningum. Arnar hefur starfað við HSu sem sérfræðingur í heimilislækningum frá 2005. Hann útskrifaðist frá Læknadeild Háskóla Íslands 1996 og var í framhaldsnámi í Svíþjóð  2001-2004. Arnar situr í gæðaráði HSu, greiningarteymi HSu og hefur verið varaformaður Læknaráðs HSu frá 2007.

Framkvæmdastjórn óskar Arnari velfarnaðar í störfum sínum. Hann mun áfram sinna sínum sjúklingum sem fyrr.

Núna í dag hafa greinst 72 einstaklingar með H1N1 inflúensuna.  Enginn er alvarlega veikur og sumir hafa fengið lyfjameðferð en aðrir ekki.

Töluverðar aukaverkanir hafa komið fram við notkun lyfjanna og því mælt með að eingöngu þeir sem veikastir eru taki lyfið.

Einnig hefur komið í ljós að ófrískar konur eru eitthvað viðkvæmari en þær eru ekki taldar vera í meiri áhættu en aðrir  en þó mælt með meðferð með lyfjum ef þær veikjast. Sjá a.ö.l. vef landlæknis: landlaeknir.is

Nú hafa rúmlega 30 einstaklingar verið staðfestir með inflúensu A H1N1v hér landi. Enginn hefur verið alvarlega veikur og fáir fengið meðferð með veirulyfjum. Búast má við fleiri tilfellum á næstunni. 
Viðbúnaðarstig er óbreytt hér á landi þ.e. ekki er talin þörf á lokunum eða samkomubanni þar sem inflúensan er ekki talin vera það alvarlega að slíkt sé réttlætanlegt.

Síðustu tvo sólarhringana hafa fimm tilfelli verið staðfest á Íslandi af nýju inflúensunni A(H1N1)v og hefur hún því greinst hjá samtals 23 einstaklingum því í maí sl. Um er að ræða 19 ára gamlan bandarískan ferðamann sem kom til landsins 21. júlí sl., 32 ára gamla konu sem hafði umgengist smitaðan einstakling hér á landi, 25 ára gamla konu sem einnig var í nánum tengslum við smitaðan einstakling, 25 ára gamla konu sem hafði umgengist smitaðan einstakling hér á landi og 32 ára gamla konu sem kom frá Bandaríkjunum 16. júlí sl.

Engin þessara fimm sjúklinga var með alvarleg einkenni og eru þeir allir á batavegi.

Síðasta sólarhringinn hafa greinst þrjú tilfelli á Íslandi af nýju inflúensunni A(H1N1)v og hefur hún því greinst hjá samtals 18 manns frá því í maí sl. Um er að ræða 24 ára karlmann sem ekki hefur ferðast erlendis og ekki haft tengsl við ferðalanga. Þá greindist inflúensan hjá 54 ára gömlum bandarískum ferðamanni sem kom til landsins 15. júlí sl. og 7 ára gömlum dreng sem kom frá Bretlandi 17. júlí sl. Engin þessara fjögurra sjúklinga var með alvarleg einkenni og eru þeir allir á batavegi. 

Heimsfaraldur inflúensu einkennist af nýjum veirustofni sem sýkir stóran hluta mannkyns sem hefur ekki mótefni gegn stofninum. Stærsti vandinn við nýja inflúensuveiru er að enginn hefur komist í kynni við hana áður og því veit enginn hvernig hún hagar sér. Margir gætu smitast og veikst á skömmum tíma með miklu álagi alla þætti samfélagsins og heilbrigðisþjónustuna. Áhrifin geta því orðið umtalsvert meiri en í árlegri inflúensu.

Hér er samantekt Þóris Kolbeinssonar, sóttvarnalæknis austan Þjórsár

Þann 17. júní n.k munu sjúkraflutningamenn HSu vera með kynningu á starfsemi sinni, búnaði sjúkraflutninga og sjúkrabílum. Einnig verður sýnd björgun úr bílflökum í samstarfi við Brunavarnir Árnessýslu. Kynningin verður á planinu við Hótel Selfoss og mun hún standa yfir frá kl: 10:00-12:30.

Alþjóðaheilbrigðismálastofnuninni hefur nú lýst yfir heimsfaraldri inflúensu sbr. hjálagt skjal.

Yfirlýsing stofnunarinnar er mikilvæg fyrir bóluefnaframleiðendur sem geta nú einbeitt sér að framleiðslu þeirra.

Stofnunin leggur áherslu á að eins og sakir standa sé ekki tilefni til að loka landamærum eða að hefta alþjóðlega umferð og viðskipti.

Þess í stað skulu þjóðir heims einbeita sér að því að draga úr áhrifum faraldursins með viðeigandi sóttvarnaráðstöfunum.

Sóttvarnalæknir mun funda með almannavarnadeild ríkislögreglustjóra í fyrramálið, föstudag, þar sem lagt verður mat á yfirlýsingu Alþjóðaheilbrigðismálastofnunarinnar. Ekki er búist við því að hún hafi áhrif á þá vinnu við viðbragðsáætlun okkar sem fylgt er á íslandi eins og málum er háttað jafnvel þótt farið verði á neyðarstig hér á landi.

Rúmlega 18.000 einstaklingar hafa fengið staðfesta sýkingu á heimsvísu en gera má ráð fyrir að þeir séu mun fleiri.
117 einstaklingar hafa látist úr veikinni og flestir þeirra voru með undirliggjandi sjúkdóma. 
Einn einstaklingur hefur verið staðfestur hér á landi með sýkingu. Honum farnaðist vel. 
Fjöldi öndunarfærasýna sem borist hafa veirufræðideild Landspítalans hefur minnkað umtalsvert síðustu daga. Læknar eru hvattir til að senda sýni samkvæmt fyrri leiðbeiningum sóttvarnalæknis. 

Fyrir fjórum vikum greindist í Mexíkó nýr stofn inflúensu. Síðan þá hefur þessi veira dreyfst manna í milli og hefur nú greinst í 44 löndum og yfir 12 þúsund tilfelli staðfest. Þar sem um er að ræða nýja stofn er ljóst að enginn hefur mótefni og því geta allir veikst. Einn einstaklingur hefur greinst á Íslandi með þessa tegund inflúensu.

Landspítali og Heilbrigðisstofnun Suðurlands hafa gert með sér gagnkvæma samninga um rannsóknir, myndgreiningu og samnýtingu upplýsinga. Nýlega samþykkt lög um sjúkraskrár gera þetta samstarf mögulegt og með samningunum verða til dæmis upplýsingar um þær rannsóknir sem sjúklingur hefur farið í aðgengilegri en verið hefur. Við það batnar þjónusta við sjúklinga og minna verður um að endurtaka þurfi rannsóknir sem þegar hafa verið gerðar.

Hjúkrunar- og ljósmæðraráð var stofnað við stofununina þann 19. október 2005.

Á aðalfundi sem haldinn var í maí 2009 voru eftirtaldar kosnar í stjórn og varastjórn: Anna Guðríður Gunnarsdóttir, formaður, Kristín Gunnarsdóttir, varaformaður, Fanney Grétarsdóttir, ritari. Í varastjórn eru: Dröfn Kristmundsdóttir, Ólöf Árnadóttir og Sara Guðmundsdóttir.

Arndís Finnsson hjúkrunarstjóri hefur látið af stöfum við heilsugæslustöðina í Rangárþingi. Henni eru þökkuð vel unnin störf og óskað velfarnaðar á þessum tímamótum. Við starfi hjúkrunarstjóra tók Ólöf Árnadóttir, hjúkrunarfræðingur. Hún hefur starfað við heilsugæslustöðina frá því í ársbyrjun 2008. Ólöf lauk námi í hjúkrunarfræði við HÍ  2003.
Hún hefur starfað sem hjúkrunarfræðingur á gjörgæsludeildum í Svíþjóð og Finnlandi og stundar nú nám í stjórnun í heilbrigðisþjónustu við Háskólann á Bifröst. Ólöf er boðin velkomin til starfa við stofnunina.

Ragnar Victor Gunnarsson, sérfræðingur í heimilislækningum, hefur verið ráðinn yfirlæknir við Hsu, heilsugæslustöðina í Hveragerði frá júnímánuði n.k.. Hann tekur við af Sigurði Baldurssyni, sem hætti nýlega störfum. Ragnar Victor fékk almennt lækningaleyfi 1993 og varð sérfræðingur í heimilislækningum 1998. Hann hefur sérþekkingu á sykursýki og viðurkenningu sem sykursýkifræðingur. Hann hefur starfað við Hsu frá janúar 2003. Áður starfaði hann m.a. í tæp fjögur ár við Heilbrigðisstofnun Suðurnesja og þar af um tíma sem yfirlæknir í Grindavík. Núverandi skjólstæðingar hans munu fá nýjan heimilislækni á Selfossi.

• Engin tilfelli hafa greinst hér á landi.
• Tilfellum fjölgar erlendis en engin alvarleg veikindi hafa verið tilkynnt í Evrópu.
• Veirudeild Landspítalans hefur nú bestu tækni til að greina hina nýju inflúensu A (H1N1)
• Í dag verður aflétt viðvörun til ferðamanna um að ferðast ekki til Mexíkó að nauðsynjalausu. Engin viðvörun er nú gildi um ferðalög erlendis.
• Ferðamenn eru hvattir til gæta fyllsta hreinlætis á ferðum sínum erlendis og forðast náið samneyti við veika einstaklinga.
• Dregið hefur verið úr vaktþjónustu heilbrigðisstarfsmanna í Leifsstöð. Í stað þjónustu í stöðinni þá verður baktvakt til taks ef á þarf að halda. Möguleiki er á að endurvekja vaktþjónustuna með litlum fyrirvara ef þörf krefur.
• Stefnt er að útgáfu formlegra leiðbeininga til ferðamanna um smitgát fljótlega.

Þann 7. maí sl. útskrifuðust 15 starfsstúlkur á HSu af Fagnámskeiði I sem haldið var á vegum Fræðslunets Suðurlands. Námskeiðið er sérsniðið fyrir starfsfólk í heilbrigðis- og félagsþjónusutu og var það 60 tíma langt. Námskeiðið má meta til allt að 5 eininga á framhaldsskólastigi.

• Enginn hefur verið greindur hér á landi með inflúensu A (H1N1) og enginn lagður inn á Landspítala með alvarleg inflúensulík einkenni.
• Faraldurinn er vægur enn sem komið er í löndum utan Mexíkó.
• Hópútbreiðsla hefur ekki verið staðfest í Evrópulöndum.
• Viðbúnaðarstig er óbreytt hér á landi.
• Mælst er til þess að einstaklingar og fyrirtæki birgi sig ekki upp af veirulyfjum því þá aukast líkur á ómarvissri notkun sem aftur leiðir til þess að birgðir klárast fljótt og líkur á ónæmi aukast.
• Minni enn og aftur á að mælst er til þess að veirulyfjum sé einungis ávísað á veika sjúklinga sem taldir eru af læknum geta verið með inflúensu. Ekki er mælst til fyrirbyggjandi notkunar enn sem komið er.
• Sóttvarnalæknir sendir út ný tilmæli ef talin verður ástæða til að breyta leiðbeiningum um notkun veirulyfja.

Í dag er staðan óbreytt hvað varðar svínainflúensuna nema að hún er að greinast í fleiri löndum. Engin tilfelli verið greind á veirufræðideild LSH og engin grunsamleg og alvarleg tilfelli verið lögð inn á LSH.

Við erum enn á hættustigi; engin ástæða að sinni til að breyta okkar fyrri áætlunum.

Fréttir utan úr heimi bendir til að inflúensan hafi dreifst víða um heim en hún viðist í grundvallaratriðum vera væg nema í Mexíkó en þar eru yfirvöld að draga í land með alvarleika sýkingarinnar.

Það er því engin ástæða til að auka viðbúnaðarstig hér á landi að sinni.

Hvað er svínainflúensa?
Svínainflúensa er bráð sýking í öndunarvegum svína af völdum inflúensu A veiru. Dánartíðnin er lág í svínum og þau ná sér venjulega á 7–10 dögum frá upphafi veikinda. Þessar veirur er einnig að finna í villtum fuglum, fiðurfé, hestum og mönnum. Svínainflúensa berst afar sjaldan milli dýrategunda. Fram til þessa hafa þrír undirflokkar inflúensu A fundist í svínum, en það eru H1N1, H1N2 og H3N2.

Framkvæmdasýsla ríkisins (FSR) hefur tekið tilboði JÁ – verks í framkvæmdir við að innrétta 1. hæð og kjallara nýbyggingar HSu. Því er kominn á bindandi samningur á grundvelli útboðsgagna FSR og tilboðs JÁ – verks. Allt er tilbúið til að hefja framkvæmdir og er gert ráð fyrir að þær hefjist í byrjun maí. Áætluð verklok eru 15. febrúar 2010.

Á árinu 2008 barst bréf frá sýslumanninum á Selfossi dags. 04.04.08. þar sem tilkynnt er að Guðfinna Hannesdóttir, sem lést þann 15. jan. 2008, hafi arfleitt sjúkrahúsið á Selfossi ásamt Gaulverjabæjarkirkju, Blindravinafélaginu í Reykjavík og Landgræðslusjóði ríkisins að öllum sínum eigum, nema það sem tilgreint var í erfðaskránni til Byggðasafnsins á Selfossi.

Esther Óskarsdóttir, skrifstofustjóri HSu var umboðsaðili erfingja og vann í þessu máli fyrir hönd þeirra. Arfurinn var samtals í peningum kr. 8.305.172.- og hlutur sjúkrahússins var 33.334% eða samtals kr. 2.647.449,oo að frádregnum erfðafjárskatti kr. 120.997,oo.  Arfurinn var greiddur erfingjum 26.mars 2009.

Guðfinna Hannesdóttir var fædd 28.12.1906. og búsett í Hveragerði. Erfðaskráin var gerð 8.maí 1970. Blessuð sé minning Guðfinnu Hannesdóttur.

Á árinu 2008 bárust stofnuninni gjafir sem samtals eru að verðmæti 18, 2 milljónir króna.
Eins og áður þá eru það líknarfélögin á Suðurlandi sem eru tryggir stuðningsaðilar stofnuninnar en einstaklingar gáfu einnig höfðinglegar gjafir á árinu.

Heilbrigðisstofnun Suðurlands færir gefendum bestu þakkir fyrir höfðinglegar gjafir og ómetanlegt er að eiga slíka stuðningsaðila. Gjafir þessar bera merki um hlýhug og metnað fyrir uppbyggingu stofnunarinnar til þess að veita íbúum Suðurlands sem öruggasta þjónustu. 
Megi Guðs blessun fylgja þessum félögum og einstaklingum.

Tilkynning frá Vinafélagi Ljósheima og Fossheima!

Fræðslufundur félagsins verður haldinn miðvikudaginn 29. apríl 2009 kl. 20:00 í fundarsal HSu í kjallara nýbyggingar.

Á fundinum ætla þær Jóhanna Valgeirsdóttir og Sigurbjörg Björgvinsdóttir, deildastjórar, að sjá um kynningu á fyrirkomulagi og starfsemi hjúkrunardeildanna.

Kynning verður einnig á nýrri dagdvöl fyrir heilabilaða, sem verið er að opna á Vallholti 38, en Dögg Káradóttir hefur verið ráðin forstöðumaður. Dögg ásamt Guðlaugu Jónu Hilmarsdóttir, verkefnisstjóri félagslegra úrræða hjá Sv.fél.Árborg, munu sjá um kynningu á fyrirkomulagi starfseminnar í Vallholtinu.

Að undanförnu hefur verið leitað leiða til ná samkomulagi um skipulag sjúkraflutninga í Rangárvallasýslu. Náðst hefur lausn, sem hefur verið kynnt sveitarstjóra Rangárþings eystra, sýslumanni og sjúkraflutningamönnum. Með breytingu á skipulagi sjúkraflutninga er stefnt að þvi, að tryggja gæði þjónustunnar og hún verði helst öflugri en áður.

Frá og með 1. apríl, hefur Landspítali (LSH) umsjón með rekstri Réttargeðdeildarinnar á Sogni. Heilbrigðisstofnun Suðurlands og þar áður Heilbrigðisstofnunin á Selfossi hafa haft umsjón með rekstri deildarinnar síðan hún var stofnuð 1992.

Heilbrigðsráðuneytið fól LSH að taka formlega við rekstri deildarinnar frá og með 1.apríl. Starfsemi deildarinnar verður áfram á Sogni og starfsmenn verða áfram starfsmenn Réttargeðdeildarinnar. Geðsvið LSH mun hafa yfirumsjón með rekstrinum. Með því skapast meiri möguleikar á samstarfi við geðdeildir LSH og samnýtingu á faglegri þekkingu.

Á 25 ára afmæli deildarinnar færði Kvenfélag Hrunamannahrepps deildinni að gjöf leðurklæddan og rafstýrðan hægindastól. Það var formaður kvenfélagsins Anna Ásmundsdóttir sem afhenti gjöfina en einnig var viðstödd Arnfríður Jóhannsdóttir sem situr í stjórn kvenfélagsins. Verðmæti gjafarinnar er um 143 þúsund krónur.

Það var svo Svava Pálsdóttir, frá Hrafnkelsstöðum í Hrunamannahreppi sem vígði stólinn en hún er vistmaður á deildinni. Anna María Snorradóttir,  framkvæmdastjóri hjúkrunar og Ásta Oddleifsdóttir, aðstoðardeildarstjóri veittu gjöfinni viðtöku og þökkuðu gefendum.

Þegar Sjúkrahúsið á Selfossi flutti af Austurvegi 28 í núverandi húsnæði var hafist handa við lagfæringar á eldra húsnæðinu sem síðan varð hjúkrunardeildin Ljósheimar. Samband Sunnlenzkra kvenna (SSK) tók mikinn þátt í því starfi og safnaði fé til framkvæmdanna.

Sérstök bygginganefnd var starfandi á þessum tíma og nú þegar haldið var upp á 25 ára afmæli Ljósheima þann 24. mars sl. þá var nefndarmönnum boðið í afmælið og fengu öll afhentan blómvönd af þessu tilefni.

Þau sem skipuðu bygginganefndina voru Trausti Traustason og Jón Pétursson, sem báðir störfuðu við stofnunina en auk þeirra voru í nefndinni Laufey Valdimarsdóttir, fulltrúi SSK og Þormóður Torfason, velunnari Ljósheima. Við þetta tækifæri færði Laufey deildinni 25 þúsund krónur.

Hjúkrunardeildin Ljósheimar er 25 ára um þessar mundir og var haldið upp á afmælið þann 24. mars sl. Þá fengu eftirtaldar konur viðurkenningu fyrir langan og farsælan starfsaldur á deildinni:
Kristbjörg Einarsdóttir, starfsstúlka – ráðin 20.mars 1984 – hætti vegna aldurs 31.12.2007. Helga Sveinsdóttir, sjúkraliði – ráðin við Ljósheima 1.maí 1984 – ennþá í vinnu við stofnunina og starfar núna á Ljósheimum.
Hjördís Helgadóttir, starfsstúlka – ráðin 20.mars 1984 – ennþá í vinnu á Ljósheimum
Ásdís Ágústsdóttir, starfsstúlka – ráðin 20.mars 1984 – ennþá í vinnu.

Ögmundur Jónasson, heilbrigðisráðherra boðaði starfsfólk HSu til fundar í gær þar sem hann kynnti að fallið hefði verið frá þeim hugmyndum að leggja niður vaktþjónustu á skurðdeild sjúkrahússins. Undanfarnar vikur hefur nefnd sú sem ráðherra skipaði verið að störfum og farið yfir stöðu stofnunarinnar. Niðurstaðan varð sú að komist verður hjá því að skerða fæðingar- og skurðþjónustuna sem verður þá óbreytt frá því sem nú er a.m.k. út árið 2009.

Heilbrigðisráðherra fékk í gær afhentar um 4300 undirskriftir Sunnlendinga sem Samband Sunnlenskra kvenna safnaði til að mótmæla skerðingaráformum sem fyrrverandi heilbrigðisráðherra hafði boðað.

Rosemarie Þorleifsdóttir, formaður SSK og Guðrún Þóranna Jónsdóttir, formaður Kvenfélags Selfoss afhentu ráðherra möppu með undirskriftunum en þar er skorað á heilbrigðisráðherra Ögmund Jónasson að hætta við þau áform sem fyrrverandi heilbrigðisráðherra kynnti í janúar s.l. um að leggja niður bakvaktir fæðingar-, skurð- og svæfingalæknis við Heilbrigðisstofnun Suðurlands og að loka skurðstofu um kvöld og helgar.

Vegna gagnrýni, sem fram hefur komið á fyrirhugaðar breytingar við sjúkraflutninga í Rangárvallasýslu telur framkvæmdastjórn Heilbrigðisstofnunar Suðurlands (HSu) rétt að eftirfarandi komi fram.

Vegna kröfu um lækkun útgjalda hefur framkv.stjórn stofnunarinnar samþykkt margháttaðar aðgerðir til að lækka útgjöld stofnunarinnar. Samtals þarf að lækka útgjöld hennnar um rúmlega 200 m.kr. á ársgrundvelli. Óhjákvæmilegt er, að svo mikil útgjaldalækkun hafi áhrif á þjónustu stofnunarinnar, þó reynt hafi verið að koma í veg fyrir skerðingu á þjónustu og forðast uppsagnir starfsfólks til hins ýtrasta.

Framkvæmdastjórn Heilbrigðisstofnunar Suðurlands (HSu) hefur samþykkt, að sameina yfirstjórn allra sjúkraflutninga á þjónustusvæði HSu. Þar með er búið að sameina yfirstjórn allra þjónustuþátta stofnunarinnar frá því sameiningarferlið hófst í árslok 2004. Þessi breyting tekur jafnframt mið af tillögum nefndar heilbrigðisráðuneytis frá janúar 2008 varðandi þjónustu, hagræðingu og sveigjanleika í rekstri. Breytingin hefur þegar tekið gildi. Ármann Höskuldsson hefur verið ráðinn yfirmaður sjúkraflutninga stofnunarinnar, en hann var áður yfirmaður sjúkraflutninga í Árnessýslu.

Opnuð hafa verið tilboð í innréttingu 1. hæðar og kjallara í nýbyggingu HSu á Selfossi. Alls bárust 24 tilboð. Kostnaðaráætlun hljóar upp á 178.994.500 króna.

Tilboðin sem bárust voru frá 78,59% – 102,06% af kostnaðaráætlun.
JáVerk ehf átti lægsta tilboð kr. 139.880.637 en hæsta tilboð hljóðaði upp á 181.667.000 kr.

Tilboðin eru nú til yfirferðar hjá Framkvæmdasýslu ríkisins.

Opnuð hefur verið aðstaða fyrir sjúkraþjálfun í Heilsugæslustöðinni á Hvolsvelli. Var hún innréttuð með stuðningi Rauðakrossdeildar Rangárvallasýslu og fyrir framlag frá Kirkjuhvoli af erfðafé Jóns Tómassonar frá Uppsölum.

Er þetta mikil lyftistöng fyrir samfélagið, því þessa þjónustu hefur sárlega vantað í sýsluna þar sem sjúkraþjálfari staðsettur á Hellu hefur ekki annað eftirspurn. Hefur fólk því þurft að sækja þessa þjónustu um langan. Þessi aðstaða og sú þjónusta sjúkraþjálfara, sem þar fer fram, bætir því verulega heilbrigðisþjónustu í héraðinu.

Heilbrigðisráðherra, Ögmundur Jónasson, fundaði með stjórnendum og starfsfólki HSu á Selfossi í gær. Hann fór yfir stöðu mála og þann niðurskurð sem blasir við á öllum heilbrigðisstofnunum á landinu, en alls á að lækka útgjöld sem nemur 6,7 milljörðum. Ráðherra vill samvinnu við heimamenn og ætlar að koma á fót samráðsnefnd, sem skipuð verður sjórnendum HSu, fulltrúum sveitarfélaga og þeirra sem nýta sér mest þjónustu stofnunarinnar, þ.e. Félagi eldriborgara og félögum, sem stutt hafa stofnunina með gjöfum, s.s. SSK. Einnig munu koma þar að fulltrúar frá LSH og hugsanlega fleirum, en ætlunin er að fara heildstætt yfir áhrif af hugsanlegum breytingum á heilbrigðisþjónustunni.

Framkvæmdasýsla ríkisins auglýsti um helgina útboð á framkvæmdum við innréttingu 1. hæðar og hluta jarðhæðar nýbyggingar HSu við Árveg á Selfossi, samtals um 1.440 ferm. Á 1. hæð verður húsnæði heilsugæslunnar, en á jarðhæð verður sjúkraþjálfun, búningsherbergi, snyrtingar, fundaherbergi og geymslur.

Tilboð í framkvæmdina verða opnuð 17. mars nk. Framkvæmdum skal vera lokið 15. febrúar 2010.

Þann 5. febr. sl. voru læknar og lífeindafræðingar HSu með sameiginlegan gæðadag. Þar var farið yfir þær rannsóknir sem gerðar eru á HSu og hvernig framtíðin geti verið. Markmið dagsins var að bæta gæði rannsókna, skoða hvernig við gerum núna og hvernig við getum bætt okkur. Sérfræðingar frá Landspítala (LSH) komu og héldu erindi, ásamt því að sérfræðingar á HSu voru með erindi. Á rannsóknastofu HSu eru gerðar yfir 100 000 rannsóknir á ári og var heildarkostnaður á sl ári 65 milljónir króna. Að auki keypti HSu rannsóknir fyrir 40 milljónir hjá öðrum rannsóknarstofum. Mjög mikilvægt er að fara sem best með þessa fjármuni og sennilega aldrei mikilvægara en núna.

Margir vilja senda vinum og vandamönnum minningarkort til að minnast látinna.

Nú er hægt að senda minningarkort Sjúkrahússsjóðs Kvenfélags Selfoss og minningarkort Vinafélags Ljósheima beint af heimasíðu HSu.

Samkvæmt upplýsingum frá sóttvarnalækni Landlæknisembættisins þá er hin árlega inflúensa komin til landsins en hún er ekki komin á mikið flug ennþá. 
Ennþá er tími til að láta bólusetja sig og því ekki rétt að tími bólusetninga sé löngu liðinn og að ekkert bóluefni sé til. Þeir sem áhuga hafa á að láta bólusetja sig gegn inflúensunni er bent á að snúa sér til næstu heilsugæslu.

Vinsamlega athugið breytingar á opnunartíma læknmóttöku Hsu Selfossi. Frá 1. febrúar 2009 verður opin læknamóttaka alla virka daga frá kl.16:00-18:00 um helgar frá kl. 10:00-12:00

Á fundi sínum þann 16. janúar sl. samþykkti Læknaráð HSu eftirfarandi ályktun  varðandi tillögur Heilbrigðisráðuneytis (HR) um skipulagsbreytingar í heilbrigðiskerfinu frá 7. Janúar 2009.

1. Læknarráð lýsir vonbrigðum yfir þeim einhliða vinnubrögðum sem virðast viðhöfð við vinnu og framsetningu þessara tillagna. Tillögurnar eru ekki unnar í samvinnu við fagfólk og heimamenn á þjónustusvæði HSu og engir kostnaðar- eða hagkvæmnisútreikningar fylgja þeim. Tillögur þessar virðast settar saman útfrá sjónarmiði þeirra sem búa í þéttbýli og taka lítið tillit til hagsmuna og öryggis íbúa sem búa utan höfuðborgarsvæðisins eða á Akureyri.

Nú í ársbyrjun eru rúm fjögur ár frá því Heilbrigðisstofnun Suðurlands varð formlega til skv. reglugerð, sem heilbrigðisráðuneytið gaf út um sameiningu heilbrigðisstofnana á Suðurlandi frá 1. september 2004. Stofnunin er því að hefja sitt fimmta starfsár.

Þjónustusvæði stofnunarinnar nær til um 20.000 íbúa á Suðurlandsundirlendinu. Um er að ræða 8 heilsugæslustöðvar, eitt sjúkrahús á Selfossi með 71 sjúkrarúm, réttargeðdeild á Sogni í Ölfusi með 7 rými og heilbrigðisþjónustu við fangelsið á Litla Hrauni. Alls eru um 230 stöðugildi við Heilbrigðisstofnun Suðurlands og Réttargeðdeildina.

Þann 8. jan. 2008 var Vinafélagi Ljósheima og Fossheima afhent peningagjöf kr. 424.134.- frá Kaupmannafélagi Suðurlands. Félagið var stofnað af starfandi kaupmönnum á svæðinu um áramótin ’86 og var starfandi til ársins 1998. Það var síðan ákvörðun stjórnar að gefa vinafélaginu alla sjóðsupphæð félagsins. Afhending fór fram á heimili formanns Gunnars B. Guðmundssonar þar sem eiginkona hans Helga Jónsdóttir reiddi fram glæsilegt kaffihlaðborð.

Frá og með 1. janúar 2009 tekur gildi ný reglugerð um hlutdeild sjúkratryggðra í kostnaði vegna heilbrigðisþjónustu. Reglugerðin er birt á heimasíðu Stjórnartíðinda, stjornartidindi.is.

Reglugerðin er að stofni til endurútgáfa reglugerðar nr. 1265/2007 og felur í sér breytingu á greiðsluþátttöku sjúkratryggðra vegna heilbrigðisþjónustu á heilsugæslustöðvum og á heilbrigðisstofnunum.

Á undanförnum árum hefur aðsókn í heilsugæsluselin á Eyrarbakka og Stokkseyri dregist verulega saman. Bæði selin eru opin tvo hálfa daga í viku, en hafa verið lokuð í júní til ágúst á hverju ári. Þrátt fyrir að þessi heilsugæslusel séu opin þá hefur aðsókn í þau verið mjög dræm. Íbúar þessara byggðarlaga sækja heilsugæsluþjónustu fyrst og fremst til heilsguæslustöðvarinnar á Selfossi.

Vegna stöðu efnahagsmála og í kjölfar þeirra erfiðleika sem nú eru í íslensku þjóðfélagi hafa aðilar sem vinna að velferðarþjónustu, undir forystu Fjölskyldumiðstöðvar Árborgar, ákveðið að bjóða þeim stuðningsviðtöl sem þess óska. Að verkefninu koma Fjölskyldumiðstöð Árborgar – félagsþjónusta, Heilbrigðisstofnun Suðurlands, Skólaskrifstofa Suðurlands, prestar í Árnesprófastdæmi og Rauði krossinn.

Þeir sem óska eftir viðtali er bent á að hringja í þjónustuver Sveitarfélagsins Árborgar í síma 480-1900 eða senda tölvupóst á netfangið arborg@arborg.is og gefa upp símanúmer. Haft verður samband við viðkomandi og viðtalstími tilkynntur.

Heilbrigðisstofnun Suðurlands

Ársþing SASS á Hvolsvelli 2008 skorar á stjórnvöld að ljúka nýbyggingu Heilbrigðisstofnunar eins og til stóð, útboðsgögn eru tilbúin og er beðið eftir að fjármálaráðuneyti gefi leyfi fyrir útboðinu. Sveitarstjórnarmenn og þingmenn Suðurkjördæmis eru hvattir til að fylgja málinu eftir þannig að verkið tefjist ekki frekar.

Vegna hinna miklu áfalla, sem dunið hafa á fjámálakerfi landsmanna að undanförnu er nú unnið að tillögum um mikla lækkun útgjalda ríkissjóðs. Heilbrigðisráðuneytið hefur óskað eftir tillögum frá heilbrigðisstofnunum um 10 % lækkun útgjalda á næsta ári. Víð mótun slíkra tillagna hefur framkvæmdastjórn Heilbrigðisstofnunar Suðurlands haft að leiðarljósi hlutverk stofnunarinnar skv. lögum um heilbrigðisþjónustu og að sem minnst skerðing verði á þjónustunni. Einnig að forðast í lengstu lög uppsagnir starfsfólks. Leitað var eftir þátttöku starfsmanna í gerð tillagnanna. Fjölmargar tillögur bárust frá stjórnendum og öðru starfsfólki stofnunarinnar, sem er verið að vinna úr.

Í dag, 18. nóvember 2008, verður haldin í fyrsta sinn vitundarvakning um sýklalyf sem nær til allra Evrópuþjóða. Ætlunin er að halda árlega slíka vitundarvakningu. Vakin er athygli á mikilvægi sýklalyfja þegar þau eru rétt notuð til meðferðar á sýkingum en jafnframt er vakin athygli á áhættu sem fylgir rangri notkun þeirra.

Þann 16. nóvember  var vígð ný kapella í Heilbrigðisstofnun Suðurlands á Selfossi.  Hin nýja kapella er í nýbyggingu stofnunarinnar, en 1. áfangi hennar var tekinn í notkun í byrjun þessa árs.
Fyrir rúmu ári var eldri kapellu stofnunarinnar tekin úr notkun vegna tengingar eldri og nýrri byggingar.  Síðan hefur verið unnið að tengingu gömlu og nýju byggingarinnar, ásamt innréttingu á hinni nýju kapellu.
Oddfellowreglan á Suðurlandi þ.e. Rebekkustúkan nr.9 Þóra og Oddfellowstúkan Hásteinn nr.17 tók að sér innréttingu kapellunnar. Þetta ákváðu stúkurnar að gera í tilefni af 15 ára afmæli þeirra á síðasta ári.

Samantekt úr ársskýrslu 2007 – skýrslan upplýsir starfsemi, umfang og rekstur stofnunarinnar.
Þjónustusvæði stofnunarinnar nær til um 20 þúsund íbúa á Suðurlandi.
Um er að ræða 8 heilsugæslustöðvar, 31 rúma sjúkrahús, 24 rúma hjúkrunardeild – Réttargeildeildin að Sogni með 7 vistrými og heilbrigðisþjónusta við Litla Hraun, en þar eru að jafnaði 80 fangar.

Nú hefur tilraunaverkefni um iðjuþjálfun barna og ungmenna á Suðurlandi staðið í eitt ár.  Verkefnið er til 3ja ára og er samstarfsverkefni Heilbrigðisstofnunar Suðurlands, Skólaskrifstofu Suðurlands og Svæðisskrifstofu málefna fatlaðra á Suðurlandi.

Starfið felur í sér iðjuþjálfun barna og ungmenna 0-18 ára, þátttöku í greiningarteymi barna, ráðgjöf í leik- og grunnskólum, fræðslu til starfsfólks, ásamt einstaklingsþjálfun samkv. tilvísunum.  Verkefni eins og mat, ráðgjöf og þjálfun hefur farið fram í nánasta umhverfi barnsins/skjólstæðingsins. Starfssvæðið er Suðurland og vinnur iðjuþjálfinn eftir tilvísunum frá þeim stofnunum, sem að tilraunaverkefninu standa. Verkefni fyrir Svæðisskrifstofu eru ekki bundin við börn, heldur notendur á öllum aldri. Felast flest verkefnin þar í mat og ráðgjöf vegna hjálpartækja, aðstæðna á heimilum og vinnustöðum, úttekta og fræðslu til notanda og starfsfólks.

Ársfundur Heilbrigðisstofnunar Suðurlands árið 2008 verður haldinn miðvikudaginn 22. október  kl. 14 – 16.  Fundurinn verður haldinn á Hótel Selfossi, í fundarsal á 2. hæð, suðursalur.  Fundurinn er opinn fyrir starfsfólk HSu, alþingismenn Suðurkjördæmis og fulltrúa sveitarfélaga.  

Dagskrá:
1. Ávarp.  Magnús Skúlason, forstjóri.
2. Ársskýrsla 2007, kynning á starfsemi.  Esther Óskarsdóttir, skrifstofustjóri.
3. Ný löggjöf um heilbrigðisþjónstu.  Sigurður Guðmundsson, landlæknir.
4. Jarðskjálftarnir 29. maí. Hlutverk HSu, áfallahjálp ofl.   Íris Böðvarsdóttir, sálfræðingur.
5. Ávörp.

Ársfundur Heilbrigðisstofnunar Suðurlands árið 2008 verður haldinn miðvikudaginn 22. október  kl. 14 – 16.  Fundurinn verður haldinn á Hótel Selfossi, í fundarsal á 2. hæð, suðursalur.  Fundurinn er opinn fyrir starfsfólk HSu, alþingismenn Suðurkjördæmis og fulltrúa sveitarfélaga.  

Þriðjudaginn 14.okt. var haldið kveðjuhóf á stofnuninni fyrir
3 starfsmenn sem hætt hafa störfum vegna aldurs. Um er að ræða 3 konur sem allar eru fæddar árið 1941 og urðu því 67 ára á árinu.

Aðstandendadagur  verður haldinn 19. okt. 2008 nk. Á  Fossheimum  kl. 14:00  og á Ljósheimum kl. 15:00.

Á dagskránni verður erindi frá deildarstjórum hjúkrunardeildanna, tónlistarflutningur o.fl. og að sjálfsögðu boðið upp á kaffi og gott meðlæti.

Vegna stöðu efnahagsmála á Íslandi þessa dagana og í kjölfar þeirra erfiðleika sem nú ríða yfir íslenskt þjóðfélag hafa aðilar sem vinna að velferðarþjónustu, undir forystu Fjölskyldumiðstöðvar Árborgar,  ákveðið að bjóða þeim stuðningsviðtöl sem á því þurfa að halda. Að verkefninu koma  Fjölskyldumiðstöð Árborgar – félagsþjónusta, Heilbrigðisstofnun Suðurlands, Skólaskrifstofa Suðurlands, Vinnumálastofnun Suðurlandi, prestar og Rauði krossinn.

Inflúensubólusetningar  verða 13. – 17. október 2008 á milli kl. 8:00 – 9:00 og 13:00 -14:00 á Heilsugæslustöð Selfoss.
Sóttvarnalæknir mælir með árlegri bólusetningu áhættuhópa sem eru meðal annars eftirfarandi:
- Allir einstaklingar eldri en 60 ára.
- Allir einstaklingar undir 60 ára sem þjást af langvinnum hjarta-,  lungna-, nýrna- og lifrarsjúkdómum, illkynja sjúkdómum og öðrum ónæmisbælandi sjúkdómum. 

Ársfundur Heilbrigðisstofnunar Suðurlands árið 2008 verður haldinn miðvikudaginn 22. október  kl. 14 – 16.  Fundurinn verður haldinn á Hótel Selfossi, í fundarsal á 2. hæð, suðursalur.  Fundurinn er opinn fyrir starfsfólk HSu, alþingismenn Suðurkjördæmis og fulltrúa sveitarfélaga.  

Starfsmenn er hvattir til að mæta og kynna sér það sem efst er á baugi í málefnum HSu.  Vakin er athygli á, að ársskýrsluna verður að finna á heimasíðu HSu fyrir fundinn, www.hsu.is

Styrkur frá LCIF – Alþjóðahjálparsjóði Lions
Neyðaraðstoð vegna náttúruhamfara

Lionshreyfingin á Íslandi fékk í ágúst s.l. afhentan 10.000 US$ (810.000 kr.) neyðarstyrk “Emergency Grant” frá Alþjóðahjálparsjóði Lions LCIF, vegna jarðskjálftanna á Suðurlandi 28. maí 2008.

Móttökuritarar á Hsu Selfossi taka við beiðnum um áfallahjálp, einnig er hægt að senda tölvupóst á netfangið afallahjalp@hsu.is. Tilvísun vegna barna, annarra en þeirra sem þurfa á áfallahjálp að halda, skal senda bréflega til heilsugæslunnar merkt Sálfræðingar Heilsugæslu, Heilbrigðisstofnun Suðurlands v/Árveg, 800 Selfoss. Í tilvísun þarf að koma fram nafn, kennitala og heimilisfang barnsins, skóli/leikskóli, ástæða tilvísunar, nöfn foreldra og símanúmer (bæði heimasími og vinnusími/gsm). Það skal tekið fram að sálfræðingar Hsu sinna ekki meðferð fyrir fullorðna einstaklinga, þeir sem á slíku þurfa að halda verða að leita sér aðstoðar hjá sjálfstætt starfandi sálfræðingum á stofu. Hins vegar geta nemendur við Menntaskólann á Laugarvatni og Framhaldsskóla Suðurlands leitað til námsráðgjafa í sínum skóla, en þessir skólar hafa greitt fyrstu þrjá tímana fyrir þá nemendur sem að mati námsráðgjafa þurfa á sálfræðimeðferð að halda.

Í boðuðu verkfalli ljósmæðra 4.og 5. september nk. verður reynt að tryggja, að nauðsynlegasta heilbrigðisþjónusta verði í veitt í samræmi við ákvæði um verkföll í lögum um kjarasamninga opinberra starfsmanna. Fæðingarhjálp telst til nauðsynlegustu heilbrigðisþjónustu og verður því sótt um heimild hjá undanþágunefnd um að ávallt sé ljósmóðir á vakt á fæðingardeildinni á Selfossi.

Mæðravernd á heilsugæslustöðinni í Laugarási fellur hins vegar niður þann 4. september.

Sjúkraflutningamenn í Árnessýslu settu upp slysavettvang í samstarfi við lögreglu og Brunavarnir Árnessýslu s.l. föstudagskvöld. Tilgangurinn var myndataka í tengslum við auglýsingar sem Félag sjúkraflutningamanna stefnir á að birta á næstu vikum vegna þeirra alvarlegu slysa sem orðið hafa í umferðinni undanfarna mánuði. Útkoma er eitthvað á þá leið sem sjá má á meðfylgjandi mynd.

Sigrún Kristjánsdóttir, ljósmóðir og Valdimar Hafsteinsson, forstjóri Kjöríss í Hveragerði hafa gefið fæðingadeildinni nýja digital myndavél. Þau hjónin hafa áður gefið deildinni myndavél og nú var komið að því að endurnýja þá vél með tilkomu nýrrar heimasíðu. Myndavélin er af gerðinni Canon Digital Ixus 7,5 og hana nota ljósmæður til að taka myndir af öllum börnum sem fæðast á sjúkrahúsinu og einnig af börnum sem liggja sængurlegu með mæðrum sínum eftir að hafa fæðst t.d. á Fæðingadeild LSH í Reykjavík.  Myndbirtingin er þó háð leyfi foreldra.
Það sem af er árinu hafa fæðist yfir 100 börn á sjúkrahúsinu svo það lítur út fyrir að árið í ár verði nýtt metár í fæðingum.

Hver vika meðgöngunnar og jafnvel hver dagur skiptir máli fyrir lungnaþroskann hjá barninu og því ákjósanlegast að barnið ljúki sínum 40 vikum af meðgöngunni.
Meðgöngulengd er eðlileg frá 38 vikum og til 42 vikna. Að meðaltali er meðgöngulengd nær 41 viku en 40 vikum og því ekki rétt að tala um að kona sé komin yfir tímann ef hún gengur með barn sitt lengur en 40 vikur.

Gangsetning fæðingar er því aðeins gerð ef fæðing hefur ekki byrjað eftir 42 vikna meðgöngu, nema í brýna nauðsyn krefji.Hvers vegna er fagfólk sparsamt á gangsetningu?Ýmis einkenni eru örugg merki um byrjandi fæðingu en önnur eru óljósari.

Það er viðurkennt að þekking á gangi fæðingarinnar minnkar til muna kvíða hjá verðandi foreldrum, og veitir þeim þannig tækifæri til þess að hafa áhrif á gang hennar.
Frá náttúrunnar hendi hefur líkaminn sjálfur þá þekkingu sem þarf til þess að ala barn og brjóstfæða það. Nútímamaðurinn er þó í mun minni tengslum við náttúruna en forfeður hans voru og vill stundum ráðskast með eðlilega líkamsstarfssemi sína. Þetta kemur stundum niður á fæðingum og brjóstagjöf, þegar við gleymum að treysta líkamanum fyrir því sem hann kann.

Hér er hægt að nálgast fræðslu um barneignarferlið (meðgöngu, fæðingu, sængurlegu) frá ýmsum leiðum.

Rólegt stig útvíkkunar:
Útvíkkun legháls frá 0sm til 5sm. Útvíkkun er hæg, hríðir u.þ.b. 1 mín. langar og geta verið nokkuð óreglulegar en styttist jafnt og þétt á milli.Þetta er tíminn til að slaka á, hvílast ef konan er þreytt, því svefnlaus nótt kann að vera framundan. Gott er að borða á meðan konan hefur lyst, því fæðing útheimtir heilmikla orku. T.d. væri vel til fundið að leiða hugann frá hríðunum yfir videói og pizzu, áður en hríðirnar verða of sterkar. Pabbarnir mega heldur ekki gleyma að hugsa um sig, því þeir eiga líka mikið verk fyrir höndum.Rétti tíminn til að fara upp á sjúkrahús ( ef fæðingin á að verða á sjúkrahúsi) er þegar þið haldið að ykkur líði betur með að vera þar. Hægt er að fara og hitta ljósmóður til að meta hvort fæðing sé hafin og hversu langt á veg hún er komin og fara svo heim aftur ef þið viljið. Tíminn er lengi að líða meðan maður bíður á sjúkrahúsi, svo verið heima eins lengi og þið treystið ykkur til.

Hríðir verða kröftugri og reglulegri og slökun meiri í leginu á milli hríða

· Opnun leghálsins (útvíkkun) gengur hraðar
· Þrýstingur frá kolli barnsins á leghálsinn verður meiri milli hríða
· Fyrsta og annað stig fæðingar styttist um allt að 40%
· Betra blóðflæði er um líkamann og þar af leiðandi betri súrefnisflutningur til barnsins
· Færri aðþrengd börn og börn sprækari við fæðingu (hærri apgar)
· Meiri þægindi fyrir konuna, minni streita, minni sársauki og þar af leiðandi minni verkjalyf
· konum finnst þær vera meiri þátttakendur í fæðingunni

(Janet Balaskas — New Active Birth)

Í flestum tilfellum fer konan upp úr vatninu áður en hún fæðir. En stundum vill hún það ekki, og stundum nær hún því ekki. Er þá barninu óhætt að fæðast undir vatnsyfirborðinu?Já, oftast. Barnið fær súrefni gegnum naflastrenginn þar til fylgjan losnar eftir fæðinguna. Barnið fær síðan súrefni úr loftinu þegar það andar því að sér, þegar þar að kemur.Það sem fær barn til að anda er að fá kalt andrúmsloftið á kinnarnar. Það andar því ekki fyrr en það kemur upp úr vatninu.

Þau inngrip í fæðingar sem skráð eru markvisst á HSu og hvers vegna við viljum hafa þau í lágmarki

Pethidin er sterkt verkjalyf, sem stundum er notað við fæðingar.  Það hefur slævandi áhrif á bæði móður og barn og í sumum tilfellum getur það haft öndunarletjandi áhrif á barnið og valdið erfiðleikum við brjóstagjöf.  Það var notað í þeim tilgangi að minnka sársauka í hríðunum en þykir ekki bera mikinn árangur sem verkjastilling.  Það virkar hins vegar mjög slakandi og hefur því góð áhrif á kvíða og spennu og er nú mest notað í þeim tilvikum þar sem konan er mjög spennt, hrædd eða þreytt.

Vorið 2001 ákváðum við að hætta með hefðbundin foreldrafræðslunámskeið í því formi sem áður var. Í stað þeirra skipulögðum við svokallað Opið hús.

Opið hús er þannig uppbyggt að í stað þess að hafa fræðsluna á fyrirlestraformi þá er fræðslan á Opnu húsi einstaklingshæfð þannig að konunum/pörunum er skipt í hópa niður á ljósmæðurnar þannig að reynt er að hafa ekki fleiri en 2 pör á hverja ljósmóðir. Fræðslan fer þannig fram að pörin stjórna því hvað þau vilja fræðast um og verður megináherslan á það. Afhentir eru minnispunktar til þess að koma með hugmyndir að fræðsluefnum.

Þann 30. júní nk. verður áfallahjálp og eftirfylgd flutt frá Þjónustumiðstöðvum og inn á heilsugæslustöðvarnar í Hveragerði og á Selfossi. Þar verður boðið upp á frekari sálræna úrvinnslu fyrir þá sem þess þurfa.

Ítrekað er að þjónustan er í boði fyrir íbúa á öllu skjálftasvæðinu, og þar með talið þá sem enn stríða við eftirköst vegna skjálftanna árið 2000. Þeir sem óska eftir viðtali við sálfræðing er bent á að hringja í síma 480-5114 á milli kl. 8:00 og 18:00 á virkum dögum. Einnig er hægt að senda tölvupóst á netfangið afallahjalp@hsu.is  og gefa upp símanúmer og haft verður samband við viðkomandi.

Heilbrigðisstofnun Suðurlands og Björgunarmiðstöð Árborgar hafa gert samning um leigu húsnæðis, sem er í eigu Björgunarmiðstöðvarinnar á Selfossi.

Í húsnæðinu verður aðstaða fyrir sjúkrabifreiðar þær, sem Heilbrigðisstofnun Suðurlands rekur vegna sjúkraflutninga í Árnessýslu og öll aðstaða sem tengist þeirri starfsemi, en heilbrigðisstofnunin tók í ársbyrjun 2006 við sjúkraflutningum í Árnessýslu. Hafa flutningarnir aukist verulega undanfarin misseri.

Um er að ræða rúmlega 360 fermetra húsnæðisins og aðgang að sameign. Gildistími samningsins er 25 ár, eða frá 17. júní 2008 til 17. júní 2033.

Samningurinn var staðfestur var staðfestur með undirskrift Guðlaugs Þórs Þórðarsonar, heilbrigðisráðherra, og Árna M. Mathiesen, fjármálaráðherra, í hinni nýju Björgunarmiðstöð á Selfossi fimmtudaginn 12. júní.Vonast er til þess að húsnæðið verði tekið í notkun í lok mánaðarins.

Fjárlaganefnd hefur verið að kynna sér aðstæður á Suðurlandi undanfarna daga.  Á miðvikudag kom nefndin í heimsókn á Heilbrigðisstofnun Suðurlands á Selfossi og kynnti sér málefni stofnunarinnar.  Nefndin skoðaði húsnæði stofnunarinnar, m.a. þær lítilsháttar skemmdir, sem urðu á eldri hluta byggingarinnar, auk þess að skoða hina nýju og glæsilegu viðbyggingu.  Stefnt er að því að bjóða út innréttingu 1. hæðar og kjallara nýbyggingarinnar í þessum mánuði.  Þá var fjárlaganefnd kynnt starfsemi stofnunarinnar, en mikil aukning hefur verið í þjónustu stofnuarinnar undanfarin misseri, hvort sem er í heilsugæslu eða á sjúkrahúsi.  Fyrstu fjóra mánuði þessa árs hefur fæðingum t.d. fjölgað um 55 % frá sama tíma árið 2007.  Ennfremur var farið yfir starfsemi Réttargeðdeildarinnar á Sogni og hina brýnu þörf á að bæta húsnæðisaðstoðu þar.  Loks var farið yfir þær tillögur, sem stofnunin hefur lagt fram vegna fjárlagagerðar fyrri árið 2009.

Boðið verður upp á aukinn opnunartíma í áfallahjálp.
Fagfólk á vegum Landspítala og Heilbrigðisstofnunar Suðurlands veitir stuðning og áfallahjálp.

Viðtalsþjónustan verður áfram í Þjónustumiðstöðvum á Selfossi og í Hveragerði,
mánudag 9. júní – föstudags 13. júní kl. 15 – 18.

Bent er á upplýsingasíðu Rauða krossins varðandi leiðbeiningabæklinga um sálrænan stuðning. www.redcross.is smella á Suðurlandsskjálftar.

Tilkynning vegna aðgengis að áfallahjálp í Þjónustumiðstöðvum fyrir skjálftasvæðin.

Boðið verður upp á aukinn opnunartíma í áfallahjálp.
Fagfólk á vegum Landspítala hefur bæst í hóp þeirra presta og sjálfboðaliða Rauða krossins sem veitt hafa stuðning og áfallahjálp hingað til.

Viðtalsþjónustan verður áfram í Þjónustumiðstöðvum á Selfossi og í Hveragerði,
miðvikudag 4. júní og fimmtudag 5. júní kl. 14 – 20.

Bent er á upplýsingasíðu Rauða krossins varðandi leiðbeiningabæklinga um sálrænan stuðning. www.redcross.is smella á Suðurlandsskjálftar.

Vegna umfjöllunar í fjölmiðlum að undanförnu um málefni Réttargeðdeildarinnar á Sogni vill undirritaður vekja athygli á, að Heilbrigðisstofnun Suðurlands hefur haft umsjón með rekstri deildarinnar. Hefur stofnunin átt náið samstarf við Heilbrigðisráðuneyti og embætti Landlæknis um rekstur og starfsemi deildarinnar.

Síðustu ár hefur verið lögð mikil áhersla á að styrkja starfsemi deildarinnar með bættri þjónustu, ráðningu starfsfólk og gerð tillagna um bætta aðstöðu og stærra húsnæði. Geðlæknir og iðjuþjálfi voru ráðnir til starfa, hjúkrunarþjónusta elfd og gæslumenn hafa sótt viðbótarnám sem félagsliðar.

Síðustu 3 – 4 ár hefur ítrekað verið auglýst eftir geðlæknum til starfa. Þeir virðast hafa haft öðrum merkilegri störfum að sinna. Síðla vetrar varð loks ljóst, að frá og með 1. september nk. verður hægt að hefja uppbyggingarstarf í geðheilbrigðisþjónustu á Suðurlandi. Yfirlæknir geðlækninga á Suðurlandi kemur til starfa, nýr iðjuþjálfi með mikla reynslu af þvi sviði kemur til starfa á sama tíma. Umsóknarfrestur er að líða varðandí ráðningu geðhjúkrunarfræðings, sem gert er ráð fyrir að komi til starfa 1. september. Með ráðningum framangreindra sérfræðinga er gert ráð fyrir, að loks verði hægt að veita Sunnlendingum geðheilbrigðisþjónustu í heimabyggð.

Ómaklegar og órökstuddar árásir á þjónustu Réttargeðdeildarinnar og starfsmanna hennar vegna meints misferlis fyrrverandi yfirlæknis deildarinnar eru með öllu tilhæfulausar. Skv. upplýsingum frá Landlækni hefur enginn af starfsmönnum Réttargeðdeildarinnar eða Heilbrigðisstofnunar Suðurlands verið grunaður um aðild að meintu misferli. Það hefur átt sér stað utan deildarinnar og er deildinni með öllu óviðkomandi.

Varðandi gagnrýni fyrrverandi skjólstæðins deildarinnar, sem ákveðnir fjölmiðlar hafa hampað gagnrýnislaust, þá er vert að vekja athygli á, að frá opnun deildarinnar fyrir 15 árum hafa á fimmta tug sjúklinga innritast á réttargeðdeildina, þar af um helmingur ósakhæfur. Núna eru 6 sjúklingar á deildinni. Aðrir hafa útskrifast og enginn þeirra framið afbrot aftur. Verður það að teljast afar góður árangur við meðferð mjög veikra einstaklinga, oft við erfiðar aðstæður. Á starfsfólk deildarinnar heiður skilinn fyrir slíka þjónustu.

Skjólstæðingar deildarinnar eru mjög veikt fólk með alvarlega geðsjúkdóma, sem hafa valdið alvarlegum einkennum og afbrotum. Málefni hvers og eins er mjög viðkvæmt og margir eiga um sárt að binda, bæði fjölskyldur sjúklings og fórnarlamba. Meðferðin er því mjög erfið, viðkvæm og tekur langan tíma. Ásakanir um illa meðferð eru því í engu samræmi við framangreindan árangur við að koma þessum einstaklingum út í þjóðfélagið á ný

Forstjóri Heilbrigðisstofnunar Suðurlands.

Tveir fæðinga- og kvensjúkdómalæknar verða að störfum á HSu í júní nk. Þetta eru þau Brynhildur Eyjólfsdóttir og Radoslaw Szelc.
Brynhildur kemur frá Svíþjóð og leysir af í 4 vikur frá 9. júní. Radoslaw verður hér í 2 vikur til að byrja með frá 29/5. Hann kemur frá Póllandi en talar ensku líka.

Þau verða bæði með móttöku á sjúkrahúsinu og er hægt að panta tíma hjá þeim í afgreiðslu HSu í síma 480 5100.

Viktoría Guðmundsdóttir, aðstoðarmaður á myndgreiningardeild (röntgen) HSu lét af störfum nú um mánaðamótin eftir 37 ára starf. Hún byrjaði sem gangastúlka á Sjúkrahúsi Selfoss en síðustu 25 árin vann hún á myndgreiningardeildinni. Af þessu tilefni efndu stjórnendur til kaffisamsætis og færðu Viktoríu gjöf og þökkuðu henni störfin í þágu stofnunarinnar.

Viktoría rifjaði upp hvernig var að vinna á “gamla sjúkrahúsinu” eins og það er oft nefnt, en þá var hún t.d. ein á næturvakt þó húsið væri fullt af sjúklingum. Hjúkrunarfræðingar og ljósmæður voru þá á bakvakt og sváfu heima hjá sér og það gerði læknirinn að sjálfsögðu einnig.
Algengt var í þá daga að gangastúlkur /starfsfólk í aðhlynningu aðstoðaði á skurðstofu og við fæðingar ef þörf var.  Þá dvöldu sængurkonur og aðgerðasjúklingar mun lengur á sjúkrahúsinu en tíðkast í dag. Oft voru 4 – 6 sængurkonur inni í einu en þær voru ekki útskrifaðar fyrr en á 6. eða 7. degi. Á  árunum 1965 – 1975 var ekki óalgengt að fæðingar á sjúkrahúsinu væru 180 á ári.

Á meðfylgjandi mynd er Viktoría (í miðið) ásamt samstarfskonum sínum á deildinni þeim Sigríði Bergsteinsdóttur og Guðrúnu Hálfdánardóttur, geislafræðingum, Esther Óskarsdóttur, skrifstofustjóra og Magnúsi Skúlasyni, forstjóra HSu.

Þann  28. apríl n.k. mun starfsemi hefjast á nýrri hjúkrunardeild fyrir aldraða á 3ju hæð HSu á Selfossi. 
Forstjóri HSu, heilbrigðisráðherra og þingmenn við athöfnina.

Deildin var vígð við formlega athöfn í dag 25. arpíl að viðstöddum Heilbrigðisráðherra Guðlaugi Þór Þórðarsyni, þingmönnunum Kjartani Ólafssyni og Guðna Ágústssyni, sveitarstjórnarmönnum, starfsfólki o.fl.  Magnús Skúlason forstjóri HSu og Anna María Snorradóttir, hjúkrunarforstjóri lýstu þeirri starfsemi sem fyrirhuguð er og Magnús sagði frá þeirri uppbyggingu sem á sér stað á vegum stofnunarinnar.
Hörpukórinn, kór aldraðra söng við athöfnina.  Samkeppni um nafn fór fram meðal starfsfólks og hlaut hún nafnið Fossheimar en það var tillaga starfsstúlkna í eldhúsi HSu.
Deildin skiptist í tvær einingar, annars vegar 8 rúma einingu og hins vegar 12 rúma einingu.  Til að byrja með verður tekin í notkun minni einingin, en hún er ætluð fólki með heilabilun. Stærri einingin, sem verður almenn hjúkrunardeild, verður opnuð með haustinu.

Minni einingin er sérstaklega skipulögð með tilliti til fólks með heilabilun.  Hún er lítil í sniðum og reynt verður eftir fremsta megni að skapa heimilislegt umhverfi.  Áhersla verður lögð á rólegt og gott viðmót, virðingu, alúð og jafnræði. Við leggjum áherslu á gott samstarf við aðstandendur og  fræðslu  fyrir starfsfólk. 

Það sem af er árinu 2008 hefur orðið mikil aukning í fæðingum miðað við árið 2007 sem var þó metár í fæðingum í lengri tíma en þá fæddust 177 börn.
Í janúar hafa fæðist 15 börn sem er 7% aukning frá síðasta ári. Í febrúar fæddust 15 börn en 8 á sama tíma í fyrra sem er nær 100% aukning, í mars fæddust 16 börn en 10 árið áður sem er 60% aukning. Apríl lofar góðu því nú þegar eru fædd 16 börn.
Fæðingar í ár því eru orðnar 28 fleiri en á sama tíma í fyrra.

Nýlega var tekið í notkun á skurðstofu HSu svokallað Coblations tæki sem notað er til háls- og nefkirtlatöku, aðgerða vegna kæfisvefnsvandamála og aðgerða í nefholi t.d. hrotuaðgerðir.
Notkun þessa tækis við fyrrgreindar aðgerðir hefur þá kosti að minni blæðingar verða í aðgerð og eftirblæðingum eftir aðgerð fækkar. Þá fá sjúklingar minni verki og/eða sársauka eftir aðgerð og þeir eru fljótari að jafna sig og komast fyrr á fætur eftir.

Þessi aðgerðatækni er í dag talin kjöraðferð til að gera fyrrgreindar aðgerðir og er t.d. notuð á Háls-, nef- og eyrnadeild á Landspítala háskólasjúkrahúsi og einnig á Læknastöðinni í Glæsibæ.

Þá hefur einnig verið tekið í notkun Fiber rhino-laryngoscope sem er speglunartæki til skoðunar á efri öndunarvegi, koki og hálsi. 

Nefndina skipa því Magnús Skúlason, forstjóri Heilbrigðisstofnunar Suðurlands, Gunnar K. Gunnarsson, forstjóri Heilbrigðisstofnunar Vestmannaeyja og Guðrún Júlía Jónsdóttir, forstjóri Heilbrigðisstofnunar Suðausturlands.

Hlutverk samráðsnefnda hvers umdæmis er að hafa samráð um:

1. Skipulag heilsugæslu í umdæminu.
2. Skipulag hjúkrunarþjónustu í heimahúsum, hjúkrunarrýmum stofnana og á hjúkrunarheimilum í umdæminu.
3. Skipulag almennrar sjúkrahúsþjónustu í umdæminu.

Kvenfélag Eyrarbakka er 120 ára á þessu ári. Af því tilefni færðu kvenfélagskonur fæðingadeild HSu súrefnismettunar-, blóðþrýstings og hitamæli að gjöf. Um er að ræða tæki af gerðinni Distica og er verðmæti gjafarinnar um 1/2 milljón krónur.
Stofnunin þakkar þessa höfðinglegu gjöf og enn einu sinni sýna konur á Suðurlandi þann góða hug sem þær bera til HSu og er það stofnuninni ómetanlegt.

Yfirlýsing
um samstarf milli Heilbrigðisstofnunar Suðurlands (HSu) og Svæðisstjórnar Björgunarsveita í Árnessýslu (Svæðisstjórn ).

Svæðisstjórn Björgunarsveita í Árnessýslu:

Hefur í sínum röðum 9 Björgunarsveitir sem hafa á að skipa þaulþjálfuðum björgunarsveitarmönnum.  Þessi mannskapur er ávallt reiðubúinn til aðstoðar við sjúkraflutningamenn HSu þegar þörf er á.  Innan Björgunarsveitanna er mikil þekking og reynsla í skyndihjálp, aðhlynningu slasaðra og vinnu á slysavettvangi.

Björgunarsveitirnar eru vel búnar tækjum og búnaði sem geta nýst vel til aðstoðar við sjúkraflutninga. Björgunarsveitir hafa t.d. til umráða sérútbúnar fjallabifreiðar útbúnar til sjúkraflutninga. Svæðisstjórn sér til að HSu hafi ávallt uppfærðar upplýsingar um búnað björgunarsveita.

Sjúkrahús á suðvesturhorni landsins

Sjúkrahúsin á Suð-Vesturhorni landsins, þ.e. Heilbrigðisstofnun Suðurlands, heilbrigðisstofnun Suðurnesja, Landspítali, sjúkrahúsið og heilsugæslustöðin Akranesi og St. Jósefsspítali – Sólvangur hafa yfirfarið og samræmt sumarstarfsemi sína, sbr. samninga sem undirritaðir voru fyrr á árinu. Meðfylgjandi er yfirlit yfir sumarstarfsemi hverrar stofnunar fyrir sig.

Heilbrigðisstofnun Suðurlands

Hand- og lyflæknisdeild dregur úr starfsemi og verður með 15 rúm opin. Skurðstofa lokar í 7 vikur, frá 23. júní – 11. ágúst, og dregið verður úr skurðaðgerðum aðrar vikur sumarsins. Fæðingum fækkar á sama tíma og skurðstofu lokar, vegna skorts á skurðstofuaðgengi, en sængurlegurými verða opin.

Hjúkrunardeild á 3. hæð opnar 10 rúm í vor eða 6 viðbótarrými. Þau skiptast í 8 rými fyrir heilabilaða og 2 hvíldarrými. Önnur starfsemi verður óbreytt.

Steindór Zóphóníasson gaf HSu 1 milljón kr. og Dagdvöl aldraðra í Árborg 1 milljón kr.

Þann 12. febr. 2008 barst tilkynning til Heilbrigðisstofnunar Suðurlands frá útibúi LÍ á Selfossi um peningagjöf að upphæð kr. 1 millj. frá  Steindóri Zóphóníassyni.
Einnig gaf Steindór 1 millj. kr. til Dagdvalar aldraðra í Árborg.
Steindór lést 17. mars sl. á dvalarheimilinu Kumbaravogi.
Steindór bjó lengst af í Ásbrekku í Gnúpverjahreppi, en fluttist á Selfoss árið 1992. Árið 2007 vistaðist Steindór á hjúkrunar- og dvalarheimilið Kumbaravog á Stokkseyri.
Dóttir Steindórs og Bjarneyjar G. Björgvinsdóttur er Ingveldur Sigrún Steindórsdóttir og býr í Reykjavík.

Fyrsti hluti nýrrar 5.256 fermetra viðbyggingar við Heilbrigðisstofnun Suðurlands (HSu) á Selfossi var formlega tekin í notkun í dag. Nýbyggingin er þrjár hæðir auk kjallara. Áætlaður heildarkostnaður við bygginguna er 1,5 milljarðar króna. Framkvæmdir við bygginguna hófust síðla árs 2004. Núverandi húsnæði sjúkrahússins er um 4.500 fermetrar, þannig að um tvöföldun er að ræða með tilkomu nýju byggingarinnar.

Í dag var undirritað víðtækt samkomulag milli Landspítala – háskólasjúkrahúss og fjögurra sjúkrahúsa og heilbrigðisstofnana um tilfærslu verkefna frá Landspítala til viðkomandi stofnana. Forstjórar stofnananna undirrituðu samkomulagið sem Guðlaugur Þór Þórðarson, heilbrigðisráðherra, staðfesti að lokinni undirritun.

Fyrsti áfangi nýbyggingar Heilbrigðisstofnunar Suðurlands á Selfossi verður formlega opnaður fimmtudaginn 24. janúar n.k. Starfsmönnum stofnunarinnar er boðin þátttaka í formlegri athöfn opnunarinnar sem hefst kl. 15:30 í anddyri nýbyggingarinnar.

Bráðamóttaka heilsugæslulækna er opin alla jóladagana kl. 10 – 12.  Fyrir utan þennan tíma er hægt að ná í lækni í neyðarsíma 480-5112.

Unnið hefur verið að gerð viðbragðsáætlunar vegna heimsfaraldurs inflúensu frá því haustið 2005. Þann 10. febr.´06 ákvað ríkisstjórnin að fela ríkislögreglustjóra og sóttvarnalækni að skilgreina verkefni og hlutverk samstarfsaðila viðbúnaðar við heimsfaraldri sem byggja á opinberum sóttvarnaráðstöfunum og almannavarnastarfi. Stýrihópur, verkefnastjórn og verkefnahópar hafa unnið að verkefninu undanfarið rúmt ár.

Fjölmennt var á kynningarfundi HSu sem haldinn var í gær. Á fundinn mætti m.a. Björgvin Sigurðsson, viðskiptaráðherra, Kjartan Ólafsson, alþingismaður, Aldís Hafsteinsdóttir, bæjarstjóri í Hveragerði, Þorvaldur Guðmundsson, forseti Bæjarstjórnar Árborgar, Þorvarður Hjaltason, framkvæmdastjóri SASS, Pálína Reynisdóttir, deildarstjóri HTR og Sveinn Magnússon, skrifstofustjóri HTR auk fjölda starfsmanna stofnunarinnar.

Þann 1. september sl. tóku gildi ný lög um heilbrigðisþjónustu sem samþykkt voru á Alþingi síðast liðið vor. Eldri lög um heilbrigðisþjónustu nr. 97/1990 eru að stofni til frá árinu 1973 og voru orðin úrelt og óskýr í ýmsum atriðum. Nýju lögin eru afrakstur viðamikils nefndastarfs þar sem þátt tóku m.a. fulltrúar stjórnmálaflokka, landlæknis, Læknafélags Íslands, Félags íslenskra hjúkrunarfræðinga, sjúklingasamtaka og aðila vinnumarkaðarins.

Fjórir lykilaðilar í viðbrögðum við slysum, eldsvoðum og fleiri bráðatilvikum á suðvesturhorninu hafa gert með sér samkomulag um gagnkvæma aðstoð og sameiginleg viðbrögð þar sem þjónustusvæði þeirra liggja saman. Um er að ræða Slökkvilið höfuðborgarsvæðisins, Brunavarnir Árnessýslu, Slökkvilið Hveragerðis og Heilbrigðisstofnun Suðurlands. Samkomulagið nær meðal annars til virkjana Orkuveitu Reykjavíkur á Nesjavöllum og Hellisheiði, Þingvalla, Hellisheiðar og Þrengslavegar.

Í gær fór fram á HSu  Selfossi formleg afhending gjafa frá tveimur kvenfélögum á Suðurlandi.
Annars vegar gjöf  Kvenfélagi Selfoss á  hjartastuðtæki “Samaritan AED m/EKG skjá”  fyrir hand- og lyflækningadeildina, að verðmæti kr. 210 þúsund – ásamt barnahúsgögnum og leikföngum fyrir heilsugæslustöðina á Selfossi, að verðmæti kr. 100 þúsund og  hins vegar gjöf
frá Kvenfélagi Biskupstungna,  Medela Symphony brjóstadæla og hjólastell fyrir fæðingadeildina, að verðmæti kr. 226 þúsund.

Nýjar leiðir við afplánun – ÖNNUR ÚRRÆÐI EN FANGELSI

Hótel Örk í Hveragerði föstudaginn 4. maí 2007 frá kl. 9:00-15:00

Heildarfjöldi útkalla sjúkraflutningamanna í Árnessýslu árið 2006 var 1391 sem eru að meðaltali 3,81 útköll á sólarhring. Árið 2005 voru 973 útköll sjúkraflutningamanna sem eru að meðaltali 2,66 útköll á sólarhring. Þetta er auking um 30% milli ára. Það skýrist að hluta til með því að 1. júní 2006 tók útkallslið sjúkraflutningamanna við sjúkraflutningum milli stofnana í rannsóknir o.þ.h. og að almenningur er duglegri en áður að nýta sé þjónustu sjúkraflutningamanna en verið hefur.

Kvenfélag Selfoss hefur ávallt borið hag Heilbrigðisstofnunar Suðurlands fyrir brjósti. Þann 7. des. sl. afhenti KS sjúkradeild HSu Samaritan AED hálfsjálfvirkt hjartastuðtæki að verðmæti 209 þúsund króna og Heilsugæslustöð Selfoss barnahúsgögn og leikföng frá Barnasmiðjunni að upphæð 100 þús. króna.

Gabríel Werner Guðmundsson Miðengi 18 Selfossi og Arnar Már Guðmundsson Álftarima 4 Selfossi gáfu til Sjúkrahús Suðurlands 760 kr sem safnaðist með sölu járnlistaverka. Heilbrigðisstofnun Suðurlands þakkar þessum duglegu drengjum fyrir framlag þeirra.

Eygló Aradóttir barnalæknir hefur tekið til starfa við Heilbrigðisstofnun Suðurlands. Hún mun sinna móttöku barna með ungbarnavernd á Selfossi og í Hveragerði og er hægt að panta tíma hjá henni fyrir börn til skoðunar í afgreiðslu Heilbrigðisstofnunarinnar á Selfossi í síma 480-5100 og í Hveragerði í síma 480-5250.

Heilbrigðisstofnun Suðurlands er stofnun sem tók til starfa 1.september árið 2004 og stendur fyrir sameinaðar heilsugæslur og sjúkrahús á Suðurlandi.  Um er að ræða Sjúkrahúsið á Selfossi, heilsugæslustöðvarnar á Selfossi, Þorlákshöfn, Hveragerði, Vík, Kirkjubæjarklaustri, Rangárþingi og Laugarási ásamt því að Heilbrigðisstofnun sér um rekstur á Réttargeðdeildinni á Sogni, hjúkrunarheimilinu Ljósheimum og annast heilbrigðisþjónustu við fanga á Litla Hrauni.

Fyrirlesturinn verður haldinn í húsnæði Svæðisvinnumiðlunar Suðurlands, Austurvegi 56 – 3. hæð Selfossi föstudaginn 5. maí 2006 kl. 14.00.

Nýlega voru sjúkraflutningamenn í Árnessýslu á námskeið í endurlífgun, öndunaraðstoð, uppsetningu æðaleggja, vökvagjöf o.fl.

Á vegum Heilsugæslustöðvar Selfoss eru að hefja heilsueflandi heimsóknir til aldraðra.
Í þessu felst að íbúum 80 ára og eldri sem ekki njóta heimahjúkrunar er boðið upp á heimsókn hjúkrunarfræðings.  Í heimsókninni verður rætt um heilsufar og heilbrigði, vellíðan, öryggi,lífsgæði, samvistir við aðra, tómstundir, o.fl.

Um áramótin mun Lögreglan í Árnessýslu láta af sjúkraflutningum í Árnessýslu og Heilbrigðisstofnun Suðurlands taka við. Á sama tíma mun Neyðarlínan, 112 taka við símsvörun og beiðnum um sjúkraflutninga ásamt því að sjá um allar skráningar á sjúkraflutningum inn í sérstakt landskerfi sjúkraflutninga.

Breytingar í hreyfingarmynstri yfir ævina og áhrif á líkur á að fá hjartaáfall.

Nú eru að hefjast inflúensubólusetningar hjá Heilbrigðisstofnun Suðurlands.

Heilbrigðisstofnunin hefur auglýst lausar stöður sjúkraflutningamanna og umsjónarmanns sjúkraflutninga vegna sjúkraflutninga í Árnessýslu frá og með 1. janúar 2006. HSu mun annast sjúkraflutninga í Árnessýslu frá og með næstu áramótum skv. ákvörðun Heilbrigðis- og tryggingamálaráðuneytis.

Laugardaginn 11. júní í tilefni að kvennadeginum og kvennahlaupi ÍSÍ ætla hjúkrunarfræðingar og sjúkraliðar á heilsugæslustöð Selfoss, í samvinnu við lækni, að bjóða konum á Suðurlandi að koma á stöðina og láta mæla blóðþrýsting, blóðsykur, blóðfitu og beinþéttni.

Eins og undanfarin ár verður að draga úr starfsemi á sjúkrahúsinu yfir sumarmánuðina. Er þetta m.a. gert vegna skorts á hjúkrunarfræðingum til afleysinga. Fjárveitingar til stofnunarinnar hafa einnig áhrif á þess ákvörðun.

Heilbrigðisstofnun Suðurlands hefur fengið færanlegt hús í eigu ríkissjóðs til afnota fyrir skrifstofur á Selfossi. Húsið hefur verið staðsett austan við núverandi skrifstofuhús stofnunarinnar. Ætlunin er að færa eldra húsið til og tengja húsin saman. Aðkoma verður bætt svo hreyfihamlaðir eigi góða aðkomu að skrifstofum stofnunarinnar. Þá verður betri aðstaða fyrir stjórnsýslu stofnunarinnar í kjölfar aukinna verkefna í framhaldi af sameiningu heilbrigðisstofnana á Suðurlandi.

HSu hefur fengið nýtt merki. Merkið skírskotar til heilsugæslu og spítala með krossinum og hjartað undirstrikar þá mannlegu hlýju og væntumþykju, sem einkennir starfsemina. Bláu táknin stefna öll inn að miðju – kjarnanum, sem myndar Heilbrigðisstofnun Suðurlands.
Höfundar eru PR almannatengsl og útlitshönnun ehf, Reykjavík.

Heilbrigðisstofnun Suðurlands (HSu) og Samtök sunnlenskra sveitarfélaga (SASS) halda í dag málþing um heilbrigðisþjónustu á Suðurlandi á Hótel Selfossi.
Markmið málþingsins er að leiða fram skoðanir og upplýsingar um stöðu og framtíð heilbrigðisþjónustunnar á Suðurlandi, sem gætu nýst við stefnumörkun heimamanna og stjórnvalda.