Almennar Upplýsingar

Heilbrigðisstofnun Suðurlands (HSu) var stofnuð 1. september 2004 með sameiningu átta heilsugæslustöðva og eins sjúkrahúss á Suðurlandi.  Þjónustusvæði stofnunarinnar er Árnes-, Rangárvalla- og V – Skaftafellssýsla.  Fjöldi íbúa á svæðinu er um 20.000, auk þess eru um 15.000 frístundahús á svæðinu og nokkrir af fjölsóttustu ferðamannastöðum landsins.  Mikil umferð ferðafólks er því um svæðið stóran hluta ársins.

Árlegur reksturskostnaður stofnunarinnar er um 2 milljarðar króna.  Um 53 % reksturskostnaðar er vegna heilsugæslu, um 30 % vegna sjúkrahúss og um 17 % vegna hjúkrunardeilda.

Um 200 stöðugildi eru við stofnunina, en fjöldi starfsmanna á hverju ári er yfir 400.

Forstjóri HSu er Magnús Skúlason, framkvæmdastjóri hjúkrunar er Anna María Snorradóttir, framkvæmdastjóri lækninga er Óskar Reykdalsson og Esther Óskarsdóttir er skrifstofustjóri.